I Tsl 5:21 - Testamente Ledrimpswha ni Mapsalma

²¹ Hinkwaswu swikambani; bekisani leswi swinene,

I Tsl 5:21 ပူးပေါင်းရင်းမြစ်များ

Lk 12:57

Mfuri, xana i swakuyini loko n'winga tiyavanyiseli ha swenu leswi swi lulamiki?

Yohana 15:4

Trhamani ku mine, na mine ku n'wine. Swanga hi leswi likambu dringakotikiki kubeka mihandru ha swadrone loko dringatrhami ansinyeni, na n'wine an'wina kuswikota kubeka mihandru, loko n'winga trhami ku mine.

Yohana 8:31

Yesu aku ku va-Yuda lava afaka vapfumeli ku yene: Loko n'witiyisela ritwini dranga, n'witava vadondrisiwa vanga ha kunene.

Mintiro Ya Vapostola 11:23

Yelweyi-ke, loko atlhasa, avona timpswalu ta Xikwembu Nkulukumba, atrhava ngopfu; na swone akhongotela hinkwavu leswaku vanamarela ku Hosi hi kutiya mbilu;

Mintiro Ya Vapostola 14:22

lomu vatiyisiki vapfumeli, ni kuvaleleta leswaku vaya mahlweni vatiyisela kupfumeleni, ni kuvadondrisa leswaku hikola ka mahlomulu lawa manyingi, swifaneli hinhingena a Mfun'wini wa Xikwembu Nkulukumba.

Mintiro Ya Vapostola 17:11

A va-Yuda lava afa vatxhaviseka kutlula a va-le-Tesalonika, hikusa vayamukeli ritu hi mbilu leyi yivilelaka ngopfu, na vakambisisa a Matralwa hinkwawu masiku, akuva vavona leswaku a timhaka leti Pawulosi atihlayaka ha kunene ti tanu.

Rm 12:2

N'winga hanyi hi kufambelana ni swihila swa nguva leyi, kambe tindrulutani, n'wikuma mayanakanyela lamampsha. Xi leswi, n'witayingelisisa leswaku hi kwini kurandra ka Xikwembu Nkulukumba, leswinga swinene, leswi trhavisaka ni leswi hetisekiki.

Rm 12:9

Ingi lirandru drenu dringava ni kudumbeka, nyenyani swakubiha n'wiyentxa leswi swinene.

I Kor 15:58

Hileswo-ke, vamakweru lava varandrekaka, tiyani n'wingatrekatreki, n'wivani nkhinkhi yikulu antirweni wa Hosi minkama hinkwayu, na n'witiva leswaku a ntiro wenu a Hosini ahi wa mahala.

I Kor 2:11

Hikuva hi mani lweyi ativaka a swa mhunu, loko wungali moya wakwe lowu nga ku yene? Hi xiswoswo, a swa Xikwembu Nkulukumba, akuna lweyi aswitivaka loko wungali Moya wa Xikwembu Nkulukumba.

Gl 6:10

Hileswo-ke, leswi hingani nkama ahi yentxeleni leswi swinene ku hinkwavu, kambe ngopfu ku lava vanga vandangu wa vupfumeli.

Ef 5:10

na u djula hi minkama hinkwayu leswi switrhavisaka Hosi.

Va-le-Filipiya 1:10

akuva n'witakota kuhlawula leswi swinga swinene; n'wiva lava vaxihlayelamfuri, n'wingena kusoliwa a sikwini dra Kriste.

Va-le-Filipiya 3:16

Kambe ku leswi kutani hitlhasiki, ahifambeni hi ndlela yoleyo, leyi hiyilandriki kutlhasa swoswi.

Va-le-Filipiya 4:8

Avugan'wini, vamakweru, hinkwaswu leswi swinga xihlayelamfuri, hinkwaswu leswi swinkhensekaka, hinkwaswu leswi swilulamiki, hinkwaswu leswi swibasiki, hinkwaswu leswi swirandrekaka, hinkwaswu leswi swinga ni vito ledrinene, loko kuli ni leswi swinga ni vunene, ni loko kuli ni kukhenseka swiyanakanyani.

I Tsl 5:15

Lavisani leswaku kungavi ni lweyi atlheliselaka mun'wana kubiha hi kubiha, kambe djulisisani minkama hinkwayu swa hombe van'we ku van'wana ni ku hinkwavu.

I Tsl 5:22

na n'wihambuka kakuhinkwaswu leswi swakubiha.

II Tsl 2:15

Hikolahu-ke, vamakweru yimani n'witiya, ni kubekisa hi kudumbeka leswi hinga n'widondrisa, swa swihila leswi hi n'witivisiki, hiritu kumbe kungava hi mapapela yeru.

II Tmt 1:15

Wa switiva swoswi leswaku hinkwavu va-le-Aziya vanitrikile, amakari kwavu anga, Figelo na Hermogenisi.

II Tmt 3:6

Hikusa a makari kwavu kuni lava vanhingenaka atindlwini, vahambukisa a vavasati lava bindriwaka hi swihono, lava fambisiwaka hi kunavela lokakutala.

II Tmt 4:14

Alixandre lweyi wa mufuli wa nsuku anihoxeli ngopfu; a Hosi yitamutlhelisela hi mintiro yake.

Va-Heberu 10:23

Ahi bekiseni hi kutiya kutihlaya ka kulavisela kweru, hikusa lweyi anga ahi dumbisa awa dumbeka na Yene.

I Yhn 4:1

Varandriwa, n'winga pfumeleni ku mimoya hinkwayu; kambe kambisisani kusungula leswaku i mimoya ya Xikwembu Nkulukumba hi xihlayelamfuri, hikusa kuni vaprofeta vanyingi vamadrimi vahangalakiki misaveni.

Mpfuletelo 2:2

Nitiva a mintiro yaku, a kukhinyela kwaku ni kutiyisela kwaku ni leswaku awuswirandri akuva kun'we ni lava vamfani; ni leswaku udringi lava vatihlayaka vapostola na kasi ahi vapostola, ukuma leswaku i va madrimi;

Mpfuletelo 2:25

kambe bekisani leswi n'winganaswu kukota nitlhasa!

Mpfuletelo 3:11

Nabuya swoswi-swoswi. Bekisa hi kutiyisa leswi unganaswu, akuva kungavi na mhunu lweyi atakateka ngiyana yaku.

Mpfuletelo 3:3

Ke, drimuka leswi uswiyamukeliki uva uswiyingela; swibekisi uva utisola. Hikuva loko ungahiteki, nitata swanga hi muyivi, kutani ungawutive ni kutrongo a nkama lowu nitakakutela ha wone.