I Tsl 5:2 - Testamente Ledrimpswha ni Mapsalma

² Hikusa n'wine mfuri n'waswitiva swinene leswaku a siku dra Hosi dri tata swanga hi muyivi avusikwini.

I Tsl 5:2 ပူးပေါင်းရင်းမြစ်များ

Mt 25:13

Hileswo-ke hitekani, hikusa an'witivi a siku ni nkama.

Lk 21:34

Kambe tivonelani, suka timbilu tenu tibindriwa hi maxovo ni kupopswa ni minhlatiyelo ya vutomi! Kutani siku ledro dritatxhuka drin'witela swanga hi xitxhuketo na n'winga drilaviselanga,

I Kor 1:8

lweyi atakan'witiyisa kutlhasa vugan'wini, leswaku n'wingativana nandru a sikwini dra Hosi yeru Yesu Kriste.

I Tsl 5:4

Kambe n'wine vamakweru an'wahahanyi munyameni, akuva a siku ledriya dringan'witxhuketi swanga muyivi,

II Tsl 2:2

hi randra kumi kombela, vamakweru, leswaku minga trhami kukaratekeni, nambi kutitrika mikarateka hi kunabyala, nambi kupfilunganyisiwa hi kumi byela leswaku a siku dra Hosi dritlhasile. Nambi loko mhunu anga n'witivisa, kumbe kun'widondrisa hi vito dra Xikwembu Nkulukumba, kumbe leswaku switraliwi leswo apapeleni ledri, va dri hlayaka leswaku i dranga,

II Ptr 3:10

Kambe a siku dra Hosi dritlhasa swanga hi muyivi, hi siku ledro a matilo mata hundra hikudruma lokukulu, hinkwaswu swivumbiwa switapswha swihela, kutani a misava ni hinkwaswu leswinga kuyone, switahisiwa.

Mpfuletelo 16:15

Lavisani! Nita swanga hi leswi atisaka xiswone muyivi! Ku katekile lweyi a lavelelaka ni lweyi a bekisaka swiyambalo swake, akuva angafambi na angayambalanga ntxhumu, kutani akhomeka tingana amakari ka van'wana!

Mpfuletelo 3:3

Ke, drimuka leswi uswiyamukeliki uva uswiyingela; swibekisi uva utisola. Hikuva loko ungahiteki, nitata swanga hi muyivi, kutani ungawutive ni kutrongo a nkama lowu nitakakutela ha wone.