I Tsl 5:13 - Testamente Ledrimpswha ni Mapsalma

¹³ Vatamelani hi xitxhavu hinkwaxu ni lirandru, hinkonta ya ntiro wavu. Na n'wili nikurula amakari kwenu.

I Tsl 5:13 ပူးပေါင်းရင်းမြစ်များ

Mt 10:40

Lweyi an'wiyamukelaka ayamukela mine, ni lweyi aniyamukelaka, ayamukela lweyi anirumiki.

Marka 9:50

A munyu i ntxhumu lowu wunene, kambe loko wone wupswhama, xana wutanandrikisa ha yini ke? Djulani, mun'wana-ni-mun'wana akulunga a vutomi byake, n'wihanya hi kurula hinkwenu van'we ni van'wana.

Yohana 15:17

Leswi nin'wileletaka swone hileswaku n'wirandrana!

II Kor 13:11

Leswi swisaliki vamakweru, salani, djulisisani akuva lava hetisekiki, txhavelelanani van'we ni van'wana; n'wiva ni kuyanakanya kun'we, hanyani hi kurula, kutani Xikwembu Nkulukumba wa lirandru ni kurula atava na n'wine.

Gl 4:14

Nambi leswi mavabyi yanga amirini afaka kuli ndringo ku n'wine, an'wini drelanga nambi kuninyenya, n'wini yamukeli swanga hi ntrumi ya Xikwembu Nkulukumba, swanga hi loko nili Yesu Kriste, ha swake.

Gl 5:22

Kambe amihandru ya Moya, i lirandru, ni kutrhava, ni kurula ni kutiyisela, ni kutrhavelana ni vunene, kudumbeka, kunabyala ni kutikhoma

Gl 6:6

Lweyi adondrisiwaka ritu, apumbele mintxhumu hinkwayu lweyi amudondrisaka.

Ef 4:3

N'wikhinyela kubekisa vumun'we bya Moya hi kutrimbana ka kurula van'we ku van'wana:

Va-le-Kolosa 3:15

A kufume timbilwini tenu a kurula ka Kriste, loku Xikwembu Nkulukumba an'wivitaneliki kone akuva n'wiyentxa miri min'we ntsena, vanani lava vatlangelaka.

I Tsl 5:14

Ha n'wikombela mfuri vamakweru, akuva n'wiluleka lava vakukala vangatibekisi, tiyisani lava vaheliki timbilu, byatrhani lava vagome, n'wilehisela hinkwavu ambilu.

II Tsl 3:16

A Hosi, Xikwembu Nkulukumba wa kurula aan'winyike kurula kwake minkama hinkwayu ni hi tindlela hinkwatu. A Hosi ayive na n'wine hinkwenu.

II Tmt 2:22

Kambe trutrumela kule ni swinavelo swalava vampswha, ulandra kululama, ni kupfumela, ni lirandru, ni kurula, kun'we ni lava tivitanelaka Hosi hi timbilu leti ta kubasa.

Va-Heberu 12:14

Djulani kurulisana ni hinkwavu, ni kutixwengisa, handle ka leswo, akuna mhunu angaswikotaka kuvona Hosi,

Yakobe 3:18

Lavisani, a mihandru ya kululama mipfa hi kurula, ku lava vayentxaka kurula.