I Tsl 5:11 - Testamente Ledrimpswha ni Mapsalma

¹¹ Hiswoswo, khongotelanani n'wiyakisana van'we ku van'wana swanga hi laha n'wiyentxiki ha kone kutlhasa swoswi.

I Tsl 5:11 ပူးပေါင်းရင်းမြစ်များ

Rm 14:19

Xileswo ahidjuleni mintxhumu leyi minyikaka kurula na mi hi pfuna kutiyisa kupfumela ku van'we ni van'wana.

Rm 15:14

Mine, nini kudumba vamakweru, hikola kwenu, leswaku n'witali hi vunene, n'witali hi vutivi byinyingi, n'witibekiseli akuva n'wilayana van'we ni van'wana.

Rm 15:2

Mun'wana-ni-mun'wana wenu afanekela kutrhavisa wa-le-kwavu ku leswinga swinene akuva swita mutiyisa akupfumeleni.

I Kor 10:23

Hinkwaswu swipfumelekile, kambe ahi hinkwaswu swipfunaka. Hinkwaswu swipfumelelekile, kambe ahi hinkwaswu swiyakaka.

I Kor 14:12

Xileswo, na n'wine, leswi n'winga vakhinyeleli va tinyiko ta Moya, djulisisani, akuva n'witiyamukela hi kuyandra, akuyakeni ka kereke.

I Kor 14:29

Kambe vaprofeta vabiri kumbe vararu avavulavule, vambeni avayavanyise.

I Kor 14:5

Afa nirandra leswaku n'wine hinkwenu n'wivulavula hi tindrimi, kambe ngopfu-ngopfu leswaku n'wiprofeta; hikusa lweyi aprofetaka atlula hi kuhundrisa lweyi avulavulaka hi tindrimi, handle ntsena loko akota ni kutitlhamuxela, akuva a kereke drikuma a kuyakiwa.

II Kor 12:19

Kumbe xana ni swoswi n'wahapimisa leswaku hitiyangulela ku n'wine, hi vulavuli ha Kriste amahlweni ka Xikwembu Nkulukumba, kambe hinkwaswu leswi, varandriwa, hileswaku n'wiyakiwa.

Ef 4:12

na arandri kuhetisekisa tinsasi ku ntiro wa vutireli, ni kuvumba miri ya Kriste.

Ef 4:16

ku lweyi a miri hinkwayu mitiyisiwaka mitlhanganisiwa hi kupfuna ka minkatrwa hinkwayu, hikutlhangana loku kunene ka xin'we ku swone xikuma ntamu wa kuva miyakiwa alirandrwini.

Ef 4:29

Kungavi huma a ritu ni drin'we ledri nfani amilon'wini yenu; kambe ntsena ledringadrinene driyakisaka hi mfanelo, xileswo, driyentxela leswinene ku lava vadriyingelaka.

I Tsl 4:10

Hikusa mfuri n'waswiyentxa leswo ku vamakweru hinkwavu lava vanga tikweni dra Makedoniya. Kambe ha n'witratriya, vamakweru, leswaku n'wiyentxa hi kutlulisa.

I Tsl 4:18

Hikolahu-ke, txhavelelanani van'we ku van'wana hi maritu lawa.

I Tmt 1:4

ni leswaku vangayingiseti swihitana ni milongoloko leyi mingagamiki ya swiloso swa tinxaka, leswi vangaka timholova, matrhan'wini ya kukombisa a makungu ya Xikwembu Nkulukumba, mafambelanaka ni kupfumela.

Va-Heberu 10:25

Hingatriki tinhlengeletanu teru, swanga hileswi van'wana vaswitoloveliki, kambe hi khongotelana van'we ku van'wana, ngopfu na swone, loko n'wivona leswaku a siku ledriya dra trhindrekela.

Va-Heberu 3:13

Kambe kutlula leswo, tratriyananani siku drin'wana ni drin'wana, loko kehe siku ledri drihlayiwaka namuhla, kungatitxhuka kuva na mun'we lweyi atinonon'hwisaka hi kukanganyisiwa hi xidoho.

II Ptr 1:12

Hileswo-ke, nitaya mahlwini hi ku n'widrimuxa hikola ka leswo, nambi n'wiswitiva, ni kuva n'witiyile xihlayelamfurini lexi n'wingana xone.

Yd 1:20

Kambe n'wine, varandriwa, tiyakani avupfumeleni byenu lebya kuhlawuleka, ngopfu na n'wikhongota hi kutlhangana ni Moya wa Kuxwenga.