I Tsl 4:4 - Testamente Ledrimpswha ni Mapsalma

⁴ ni leswaku mun'wana-ni-mun'wana aative kutamela xibya xakwe hi kuxwenga ni xitxhavu.

I Tsl 4:4 ပူးပေါင်းရင်းမြစ်များ

Mintiro Ya Vapostola 9:15

Kambe Hosi yiku ku Ananiya: Famba, hikusa yelweyo, ku mine i xibya xa kuhlawuliwa, xitakatwalisa a vito dranga amahlweni ka va-Matiko, ni ka vafumi, ni ka vana va Israyele.

Rm 1:24

Hikolahu na Yene Xikwembu Nkulukumba a vanyikeli akunaveleni kwavu, vawela mintirweni ya tingana ya kusoleka a mirini yavu.

Rm 12:1

Vamakweru, nan'witratriya kolahu hi lirandru dra Xikwembu Nkulukumba akuva n'witinyiketa ku yene swanga mhamba leyi ya kuhlawuleka ni leyi yitrhavisaka. Hi droledri gandrelo ledra ntshima ledri n'wifanekelaka ku munyika.

Rm 6:19

Nikhanela hi ndlela ya vumhunu hinkonta ya gome dra nyama yenu. Swanga hi leswi n'winyiketiki miri yenu akuva miva swikarawa swavusomboloki ni vubihi akutireleni ka swakubiha, Ke swoswi, nyiketani miri yenu akuva n'witirela vululami akuva n'wixwengisiwa

I Kor 6:15

An'wiswitivi leswaku a miri yenu i swiro swa Kriste, xana? Xana ningateka a swiro swa Kriste niswiyentxa swiro swa lweyi wa vumbuye, xana? Swingatxhuki swiva tanu!

I Kor 7:2

Kambe hinkonta ya leswi kungani vuwoswi ni vumbuye, a wanuna mun'wana-ni-mun'wana aveni nsati wakwe, ni wansati mun'wana-ni-mun'wana aveni nuna wakwe.

I Kor 7:9

Kambe loko vahluleka a kutikhoma, avatekane, hikusa swayapswa kutekana kutlula a kupswha hi kunavela.

II Kor 4:7

Kambe anhlengwe leyi, hina yone aswibyeni swavumba, akuva avukulu bya ntamu lowu byiva bya Xikwembu Nkulukumba, wunge weru.

Va-le-Filipiya 4:8

Avugan'wini, vamakweru, hinkwaswu leswi swinga xihlayelamfuri, hinkwaswu leswi swinkhensekaka, hinkwaswu leswi swilulamiki, hinkwaswu leswi swibasiki, hinkwaswu leswi swirandrekaka, hinkwaswu leswi swinga ni vito ledrinene, loko kuli ni leswi swinga ni vunene, ni loko kuli ni kukhenseka swiyanakanyani.

Va-Heberu 13:4

A vukati abyi bekeliwi xihluwa hi vhanu hinkwavu, na byone likuku byinga nyenyentsisiwi, kambe loko vali vayentxi va vumbuye ni vuwoswi, Xikwembu Nkulukumba ata vayavanyisa.

I Ptr 3:7

Hi ndlela yoleyo, na n'wine vanuna, hanyani ni vasati venu na n'witiva leswaku vone vafana ni swibya leswi swingatiyangakiki, n'wivabekela xihluwa swanga vadi-pfindla kuloni va timpswalu ta vutomi, akuva a swikhongoto swenu swingahlulekisiwi.