I Tsl 4:3 - Testamente Ledrimpswha ni Mapsalma

³ Hikusa leswi i kurandra ka Xikwembu Nkulukumba, akuxwengisiwa kwenu: n'wiva kule ni vuwoswi;

I Tsl 4:3 ပူးပေါင်းရင်းမြစ်များ

Mt 12:50

Hikusa lweyi ayentxaka akurandra ka Tatana wanga lweyi anga Matilweni, lweyo i makweru waxinuna, ni makweru wa xisati ni mamana wanga.

Mt 15:19

Hikusa ambilwini kuhuma a miyanakanyu leyi mimfani, a vudlayi, vumbuye, vuwoswi, vuyivi, kufunga madrimi ni swisandru.

Mt 5:32

Mine kambe nili ku n'wine: A wanuna lweyi atrikaka a nsati wakwe, na kungena mhaka ya vumbuye, amuyentxa akuva ahamba vumbuye. Kutani na yene lweyi atekanaka ni lweyi atrikiwiki ayentxa vumbuye na yene.

Mt 7:21

Ahi hinkwavu lava vanihlayaka: HOSI, HOSI! Vatakanhingena a Mfun'wini wa Matilo, kambe ntsena lava vayentxaka a kurandra ka Tatana wanga lweyi anga Matilweni.

Marka 3:35

Hikusa lweyi ayentxaka a kurandra ka Xikwembu Nkulukumba, hi yene a makweru wa xinuna ni makweru wa xisati, ni mamana wanga.

Yohana 4:34

Yesu aku ku vone: A swakuda swanga hi kuyentxa kurandra ka lweyi anirumiki, ni kuhetisa ntiro lowu anirumiki kuwuyentxa.

Yohana 7:17

Loko mhunu anavela kuyentxa kurandra ka Xikwembu Nkulukumba, atativa dondro leyi leswaku yihuma ku Xikwembu Nkulukumba, kumbe nivulavula leswi swinga swanga ntsena.

Mintiro Ya Vapostola 15:20

kambe vatraleliwa leswaku akuva vadrela a swinyamiso swa swikwembu, ni vumbuye, ni ngati ya swihari leswi swifiki hi xihluku.

Mintiro Ya Vapostola 15:29

N'widrela a mintxhumu leyi mihahleliwiki swikwembu, ngati ya swihari swakufa hi xihluku, ni kuyentxa vumbuye. Loko n'witivonela ku mintxhumu leyo, n'witava n'wiyentxa swone. Hambanini!

Mintiro Ya Vapostola 20:32

Kutani nin'wibeka ku Xikwembu Nkulukumba ni le ritwini dra timpswalu takwe, lweyi akotaka kun'wiyakisa, ni kun'winyika a pfindla kun'we ni hinkwavu lava vahlawulekisiwaka.

Mintiro Ya Vapostola 26:18

akuva uyapfula mahlu yavu, vatasuka amunyameni vata alivaningweni, vatasuka antan'wini wa Sathana, vata ku Xikwembu Nkulukumba. Kolahu, ntrhaku ka kuvani kupfumela ku mine, vatayamukela a kudrivaleliwa ka swidoho swavu, ni kuda pfindla kun'we ni lava vaxwengisiwiki hi kupfumela ku mine.

Rm 1:29

Vataliki hi vusomboloki hinkwabyu, ni kunavela, ni vubihi, ni matrhoho, ni vudlayi, ni pfilumpfilu, ni madrimi, ni mona ni kuhleva.

Rm 12:2

N'winga hanyi hi kufambelana ni swihila swa nguva leyi, kambe tindrulutani, n'wikuma mayanakanyela lamampsha. Xi leswi, n'witayingelisisa leswaku hi kwini kurandra ka Xikwembu Nkulukumba, leswinga swinene, leswi trhavisaka ni leswi hetisekiki.

Rm 6:22

Swoswi kutani n'wintrhunxekiki ku xidoho, n'windrulukiki n'wiva switiro swa Xikwembu Nkulukumba. N'wini handru wenu akuva n'wibasisiwa, akuva n'witava ni vutomi lebyi byingahelikiki.

I Kor 1:30

Kambe n'wine n'wi vakwe, hi le ku Yesu Kriste, lweyi ku hine andrulukiki vutlhari, ni vululami, ni kuxwenga, ni vutiruli hi kurandra ka Xikwembu Nkulukumba,

I Kor 7:2

Kambe hinkonta ya leswi kungani vuwoswi ni vumbuye, a wanuna mun'wana-ni-mun'wana aveni nsati wakwe, ni wansati mun'wana-ni-mun'wana aveni nuna wakwe.

II Kor 12:21

Ni leswaku, ni loko nitatlhela nita ku n'wine, Xikwembu Nkulukumba wanga angani trongohati amahlweni kwenu, nidrilela lava vanyingi vanga doha khale, vangandrulukangakiki akusombolokeni kwavu, vusinge ni vumbuye leswi afaka vahanya ku swone.

Gl 5:19

Kambe a mintiro ya nyama mile livaleni, minga leyi: A vumbuye, ni vuwoswi, ni xambya,

Ef 5:17

Hikolahu n'wingaveneni lava vanfani, kambe djulani kuyingelisisa leswaku hi kwini a kurandra ka Hosi.

Ef 6:6

N'wingavi tira akuva va n'wivona ntsena, swanga hi loko n'widjula kunyoxisa vhanu, kambe swanga malandra ya Kriste, yentxani hi mbilu, akurandra ka Xikwembu Nkulukumba.

Va-le-Kolosa 1:9

Hileswo-ke, na hine kusukela siku ledri hiyingeliki leswo, a hi yimi kun'wikhongotelela ni kun'wkombelela leswaku n'witala hivutivi byakurandra kwake, avutlharini hinkwabyu ni kuyingelisisa loku pfaka ku Moya wakwe,

Va-le-Kolosa 3:5

Hileswo-ke, dlayani ku n'wine hinkwaku ku navela ka laha misaveni: a vumbuye, ni vuwoswi, ni vunfani, ni kunavela ka kubiha, ni kufelela loku kunga lixaka dra kugandrela swifaniso.

Va-le-Kolosa 4:12

Awa n'widrungula nangweso Epafra lweyi i nga mun'we wenu, a ntirweni wa Kriste, an'wilwelaka minkama hinkwayu hi swikhongoto, akuva n'witiyisiwa n'wiva lava vahetisekiki, akurandreni hinkwaku ka Xikwembu Nkulukumba.

I Tsl 4:2

Hikusa n'waswitiva swileleto leswi hinga n'winyika swone hikola ka Hosi Yesu.

I Tsl 4:4

ni leswaku mun'wana-ni-mun'wana aative kutamela xibya xakwe hi kuxwenga ni xitxhavu.

I Tsl 5:18

Ku hinkwaswu nyikani mitlangelo, hikusa leswo i kurandra ka Xikwembu Nkulukumba ku Kriste Yesu ha n'wine.

I Tsl 5:23

Ke, Xikwembu Nkulukumba wa kurula an'wibasise kakuhinkwaswu, ne moyeni wenu ne hikeni ni mirini, n'wiva lava vabekisekaka hi mfanelo, n'wingave ni kusoleka akubuyeni ka Hosi yeru Yesu Kriste.

II Tsl 2:13

Kambe loko ali hine, vamakweru lava varandrekaka Hosisni, hi fanela kutlangela Xikwembu Nkulukumba, himinkama hinkwayu hikola kwenu. Hikusa Yone yin'wihlawulile akuva vakuranga kuyamukela kuhuluxiwa, hi ntiro wa Moya ni hi kupfumela kwenu ku xihlayelamfuri.

Tito 2:14

lweyi atinyikeliki ha vuswake hi kola kweru, akuva ahitirula ku vusomboloki hinkwabyu, ava atibasisela a ntalu wa vhanu lava vanga vakwe ntsena, lava vakukhinyela ku mintiro leminene

Va-Heberu 10:36

Hikusa swadjuleka n'wiva ni kutiyisela, akuva loko n'witava n'wiyentxile kurandra ka Xikwembu Nkulukumba, n'wikuma leswi n'widumbisiwiki swone.

Va-Heberu 12:16

Kungavi kone makari kwenu vhanu va vumbuye, nambi musandri, kufana na Esawu, lweyi angaxavisa a vunhondrwa byake hi mbenga mun'we wa swakuda.

Va-Heberu 13:21

an'wihetisekisi ku mintiro leminene hinkwayu, akuva n'wiyentxa kurandra kwake, ni leswaku ayentxa leswi amahlweni Yakwe leswi swimutrhavisaka ha Yesu Kriste, lweyi alidrumu dringa ku Yene hi minkama hinkwayu. Amen!

Va-Heberu 13:4

A vukati abyi bekeliwi xihluwa hi vhanu hinkwavu, na byone likuku byinga nyenyentsisiwi, kambe loko vali vayentxi va vumbuye ni vuwoswi, Xikwembu Nkulukumba ata vayavanyisa.

I Ptr 1:2

vahlawuliwiki hi Xikwembu Nkulukumba Tatana, angativela vone a khale, vaxwengisiwiki hi Moya akuva vayingiseta, ni hi kuxuviwa hi ngati ya Yesu Kriste, a timpswalu ni kurula aswive hi ntalu ku n'wine.

I Ptr 4:2

akuva n'wingahahanyeli akunaveleni ka ximhunu, kambe n'wihanyela a kurandra ka Xikwembu Nkulukumba.

I Yhn 2:17

Ke, a misava yahundra, nambi kunavela ka yone; kambe lweyi ayentxaka kurandra ka Xikwembu Nkulukumba a trhama hilaha kungahelikiki.

Mpfuletelo 21:8

Kambe a matoya hinkwawu ni lavanga dumbekangakiki, ni lava vayentxaka swakunyenyentsa, ni vadlayi, ni va vumbuye, ni vangoma, ni lava khongotaka swifaniso ni vahembi hinkwavu, a yavelo dravu i tiva ledri pfuraka dra xivavula, i nga kufa ka vubiri.

Mpfuletelo 22:15

Kambe a handle kutrhama timbyana, ni vangoma, ni va vumbuye, ni vadlayi, ni lava vagandrelaka swifaniso ni hinkwavu lava varandraka kuyentxa madrimi hi maritu ni mintiro.