I Tsl 4:1 - Testamente Ledrimpswha ni Mapsalma

¹ A vugan'wini vamakweru, ha n'wikombela ni kun'witratriya ku Hosi Yesu leswaku, swanga hileswi n'wiyamukeliki ha hine leswi n'wifanekelaka kufambisa xiswone akuva n'witatrhavisa Xikwembu Nkulukumba, fambisani xiswoswo, akuva n'wiya mahlweni hi kuyandra ngopfu.

I Tsl 4:1 ပူးပေါင်းရင်းမြစ်များ

Yohana 15:2

A likambu lin'wana ni lin'wana ledringa ku mine, ledringabekiki mihandru, awadritrhema; kambe drin'wana ni drin'wana ledri dribekaka mihandru awadrikhakhata, akuva dritahundrisa kubeka mihandru.

Mintiro Ya Vapostola 20:27

hikusa anifihlanga ntxhumu, nin'widrunguleli a kungu dra Xikwembu Nkulukumba hinkwadru.

Rm 8:8

Lava vahanyaka nyameni avana kuswikota kunyoxisa Xikwembu Nkulukumba.

I Kor 11:23

Hikuva mine niyamukeli ku Hosi leswi na mine nin'winyiketiki, leswaku Hosi Yesu, hi vusiku lebyi angawongiwa ha byone, ateki a kati,

I Kor 15:1

Vamakweru, nitlhela nin'witivisa a Ivangeli leyi nin'wirereliki yone, n'wiviki n'wiyiyamukela, n'witiya ku yone,

I Kor 15:58

Hileswo-ke, vamakweru lava varandrekaka, tiyani n'wingatrekatreki, n'wivani nkhinkhi yikulu antirweni wa Hosi minkama hinkwayu, na n'witiva leswaku a ntiro wenu a Hosini ahi wa mahala.

II Kor 10:1

Mine Pawulosi, na n'wikhongotela hi kunabyala ni hivunene bya Kriste, ninga lweyi valiki natitrongohata loko nili amakari kwenu, na kasi ni n'wiyentxa hi kunonon'hwa, loko ni sukile ku n'wine,

II Kor 13:11

Leswi swisaliki vamakweru, salani, djulisisani akuva lava hetisekiki, txhavelelanani van'we ni van'wana; n'wiva ni kuyanakanya kun'we, hanyani hi kurula, kutani Xikwembu Nkulukumba wa lirandru ni kurula atava na n'wine.

II Kor 5:9

Hiswoswo-ke, na hine hitikarataka, leswaku nambi hili kuyindlu leyi, kumbe hirura ku yone, akuva hitrhavisa Hosi.

II Kor 6:1

Swanga hi leswi hitirisanaka na yene, ha n'witratriya na kone leswaku n'wingayamukeli mahala a timpswalu ta Xikwembu Nkulukumba.

Gl 6:1

Vamakweru, loko mhunu akumiwa na e nandrwini, n'wine lava vanga va Moya, mululamisani hi Moya lowu wa kunabyala, na utivonela ungatidringiwa na wene.

Ef 4:1

Hileswo-ke na n'wikombela, mine mubohiwa Hosini, leswaku n'wifamba hi laha swifanekelaka ku vitaniwa loku n'wivitaniwiki ha kone;

Ef 4:20

Kambe n'wine an'widondrisanga xiswone ku Kriste;

Ef 5:17

Hikolahu n'wingaveneni lava vanfani, kambe djulani kuyingelisisa leswaku hi kwini a kurandra ka Hosi.

Va-le-Filipiya 1:27

N'wifanela kutifambela hi vunene hi kulandra hi Ivangeli ya Kriste. Akuva nambi ni djula kuta, nita nitan'wivona, nambi ninge kone, niyingela timhaka tenu ta leswaku, n'wile moyeni mun'we, n'wilwa kun'we avupfumeleni bya Ivangeli.

Va-le-Filipiya 1:9

Nakone nikhongota leswaku a lirandru drenu drihundrisa a kukula hi vutlhari ni kuyingelisisa,

Va-le-Filipiya 3:14

nitrutruma niya ankongometweni, akuva nitakuma a hakelo dra kuvitaniwa loku kulu hi Xikwembu Nkulukumba ku Kriste Yesu.

Va-le-Kolosa 1:10

akuva n'wifamba hi kululama amahlweni ka Hosi, n'wimutrhavisa ku hinkwaswu, n'wibeka mihandru amintirweni hinkwayu leminene, na n'wikula akutiveni ka Xikwembu Nkulukumba;

Va-le-Kolosa 2:6

Xileswo swanga heswi n'wiyamukeliki Hosi Yesu Kriste, hi ndlela yoleyo n'wifanele kuhanya n'witlhangana na yene,

I Tsl 3:12

A Hosi yinga yengetela ni kuyentxa lirandru drenu drikula ku van'we ni kuva van'wana ni kuhinkwavu. Swanga hi leswi na hine hin'wirandraka.

I Tsl 4:2

Hikusa n'waswitiva swileleto leswi hinga n'winyika swone hikola ka Hosi Yesu.

I Tsl 5:12

Ha n'witratriya, vamakweru, leswaku vanani ni xihluwa ku lava vatiraka amakari kwenu, lava van'wibyisaka, lava van'wilulekaka.

II Tsl 1:3

I mfanelo yeru kutlangela Xikwembu Nkulukumba hi minkama hinkwayu ha n'wine vamakweru. Swanga hi leswi swifanelekiki, hikusa a kupfumela kwenu kuvi kukula ni kuhuhuma ka lirandru drenu ku mun'wana-ni-mun'wana dra yengetelana.

II Tsl 2:1

Leswi kongomaka a kubuya ka Hosi yeru Yesu Kriste ni kutlhanganisiwa kweru kun'we na yene,

II Tsl 3:1

Avugan'wini vamakweru, hi kombelelani ku Xikwembu Nkulukumba leswaku a Ritu drakwe driya mahlweni drihangalaka hi kuhangwesa, ni kuva driyamukeliwa ha hombe swanga hileswi driviki xi swone a makari kwenu.

II Tsl 3:13

Vamakweru, n'wingatxhuki n'wikarala ni kutrongo a kutira leswinene.

I Tmt 5:21

Nikuleleta hi ntamu, mahlweni ka Xikwembu Nkulukumba ni le ku Hosi Yesu Kriste, ni le ku tintrumi leti tihlawuliwiki, leswaku ubekisa a swileleto leswi, ungarangisi swiyavanyiso swa magugu, ungayentxi ntxhumu hi xihlawu-hlawu.

II Tmt 4:1

Amahlweni ka Xikwembu Nkulukumba ni ka Kriste Yesu, lweyi atakayavanyisa lava vahanyaka ni lava vafiki, hi vito dra kuvoneka kwake ni hi Mfumu wakwe; nakukombela nili:

Va-Heberu 11:6

Kambe a handle ka kupfumela, a swikoteki kutrhavisa Xikwembu Nkulukumba, hikusa swifanekela lweyi a trhindrekelaka ku Xikwembu Nkulukumba akholwa leswaku a kone, hi Yene ahakelaka lava vamudjulaka.

Va-Heberu 13:16

N'wingadrivali kuyentxa leswi swinene ni kuyavelana leswi n'winga naswu van'we ku van'wana, hikusa hikola ka switlhavelo leswo, Xikwembu Nkulukumba awatitrhavisa.

Va-Heberu 13:22

Na n'witratriya vamakweru, leswaku n'wilehisela mbilu ku maritu lawa ya kun'witiyisa. Hikuva nin'witralela mange mangani.

II Ptr 3:18

Kutlula hinkwaswu, yanani mahlweni n'wikula atimpswalwini ni le kutiveni ka Hosi yeru ni Muhuluxi Yesu Kriste. Ku yene akunyikiwe lidrumu, kusukela swoswi nikuyatlhasa sikwini ledringahelikiki! Amen.

I Yhn 3:22

kutani lexo ni lexi hi xikombelaka, hita xiyamukela ku Yene, hikusa hi bekisi swileleto swake na mfuri hi yentxi leswi switrhavisaka amahlweni kwake.