I Tsl 3:10 - Testamente Ledrimpswha ni Mapsalma

¹⁰ hi kombela vusiku ni hlikanhi hi hundrisa kukombela, akuva hi vona vuso byenu hitakota kun'wibekisela leswi swipfumalekaka akupfumeleni kwenu.

I Tsl 3:10 ပူးပေါင်းရင်းမြစ်များ

Lk 2:37

Kutani afaka ali mufelwa, wa malembe lawa madjulaka kuva ya ntlhanu wa makume na makume mararu na mune (84), afa angasuki aNdlwini ya Hosi, na atirela Hosi hi kutitrona ni kukhongota vusiku ni nhlikanhi.

Mintiro Ya Vapostola 26:7

Hikola ka xidumbiso lexo, a tinxaka teru ta khume na tibiri titiyisaka a kutirela Xikwembu Nkulukumba, vusiku ni nhlikanhi. I hinkonta ya kudumba loko, we hosi Agripa, nirambeliwaka hi va-Yuda.

II Kor 1:15

Hi kudumba loku, afa ni naveli leswaku ni n'wiyendrela halanu, akuva n'witava ni timpswalu tavubiri.

II Kor 1:24

Anirandri kuva n'winyi wa vupfumeli byenu, Kambe hi tirisana na n'wine akuva n'wikuma kutrhava, hikusa hi kupfumela n'witiyile.

II Kor 13:11

Leswi swisaliki vamakweru, salani, djulisisani akuva lava hetisekiki, txhavelelanani van'we ni van'wana; n'wiva ni kuyanakanya kun'we, hanyani hi kurula, kutani Xikwembu Nkulukumba wa lirandru ni kurula atava na n'wine.

II Kor 13:9

Hikuva hi trhava loko hili ni gome, na n'wine n'wili ni ntamu; leswi hi n'wikombelaka i kuva n'wihetiseka.

Va-le-Filipiya 1:25

Kutani, kuvani kudumba loko, naswitiva leswaku nahatava na n'wine, akuva nin'wipfuna hinkwenu a kuyisa mahlweni ni kutrhava akupfumeleni.

Va-le-Kolosa 1:28

lweyi hine himutivisaka, na hi luleka ni kudondrisa vhanu hinkwavu, hivutlhari hinkwabyu, leswaku hitayisa vhanu na vali lava vahetisekiki ku Kriste,

Va-le-Kolosa 4:12

Awa n'widrungula nangweso Epafra lweyi i nga mun'we wenu, a ntirweni wa Kriste, an'wilwelaka minkama hinkwayu hi swikhongoto, akuva n'witiyisiwa n'wiva lava vahetisekiki, akurandreni hinkwaku ka Xikwembu Nkulukumba.

I Tsl 3:11

Kambe Xikwembu Nkulukumba ha vuswake, Tatana weru ni Hosi yeru Yesu Kriste, angafambisi ndlela yeru akuva hita ku n'wine.

II Tsl 1:11

Hiswoleswo han'wikombela hi kukhinyelela ku Xikwembu Nkulukumba weru, akuva an'wipfuna kuyangula kuvitana kwake, akun'winyika mintamu akuva n'wiyisa hi mintiro ku hinkwavu a makungu ya hombe, ni kundruluka kakutlhavukanya ka vupfumeli byenu.

II Tmt 1:3

Ni tlangela Xikwembu Nkulukumba lweyi ni mutirelaka swanga hi vakokwana vanga, hi lipfalu ledri dribasiki; na kone anikaluti kukudrimuka aswikhongotweni swanga vusiku ni nhlikanhi.

Filimoni 1:22

Xikan'we ni bekisele xilawu hikusa ni dumba leswaku Xikwembu Nkulukumba atayangula swikhongoto swenu hinkwenu ni kuva ni tlhlelela ku n'wine.

Mpfuletelo 4:8

Mfuri a swivumbiwa leswi swa mune, xin'wana-ni-xin'wana, afa xini ntlhanu na drin'we wa timpapa; na switali hi mahlu amatlhelweni hinkwawu ni le ndreni, na swingawisi akuhlaya, nhlikanhi ni vusiku swiku: Wa kuxwenga, wa kuxwenga, wa kuxwenga, hi Hosi, Xikwembu Nkulukumba wa ntamu hinkwawu; lweyi afaka ali kone, lweyi anga kone, ni lweyi atakata!

Mpfuletelo 7:15

Hi swoleswo vayimiki amahlweni ka xitrhamu-xa-vufumi xa Xikwembu Nkulukumba, na vamutirela nhlikanhi ni vusiku aTempeleni drakwe; mfuri lweyi atrhamiki axitrhan'wini-xa-vufumi, atanalavutela a tende drakwe a henhla kwavu.