I Tsl 2:19 - Testamente Ledrimpswha ni Mapsalma

¹⁹ Hikusa i yini kudumba kweru, ni ngiyana yeru ya kutikutxa, xana a hi n'wine mfuri amahlweni ka Hosi yeru Yesu Kriste akubuyeni kwake?

I Tsl 2:19 ပူးပေါင်းရင်းမြစ်များ

Mt 16:27

A N'wana wa Mhunu atata hi kuphatima ka Tatana wakwe, kun'we ni tintrumi takwe, kutani atatlhelisela mun'wana-ni-mun'wana kuya hi matirela yake.

Marka 8:38

A mhunu lweyi atakavani tingana ha mine ni maritu yanga amakari ka lixaka dra kusandra, ni dra kudoha, a N'wana wa Mhunu na yene atava ni tingana ha yene, a siku atakabuya hi kuphatima ka Tatana wakwe, kun'we ni swirun'wa leswi swakuxwenga.

Yohana 21:22

Yesu aku ku yene: Loko nirandra leswaku atrhama niko nibuya, swingava yini ku wene xana? Wene nilandre!

I Kor 15:23

Kambe mun'wana-ni-mun'wana, hi nkama wakwe: Hi kusungula, Kriste swanga xirangana; hi kulandra, lava vanga va ka Kriste akubuyeni vakwe.

I Kor 4:5

Hileswo-ke, n'wingayavanyiseni ntxhumu na nkama wungasinatlhasa, kukota kutlhasa Hosi; anga Yene atakavaninga leswi swifihlekiki, swa munyama, atakavonekisa ni makungu lawa manga timbilwini ta vhanu; laho-ke mun'wana-ni-mun'wana atayamukela a kukhensiwa hi Xikwembu Nkulukumba.

II Kor 1:14

swanga hi leswi swoswi n'wihitivaka hi tlhelo, leswaku hine hikutikulisa kwenu, swanga hi leswi na n'wine n'winga kutikulisa kweru hi siku dra Yesu, Hosi Yeru.

Va-le-Filipiya 2:16

na n'witamela a ritu dra vutomi, akuva hi siku dra Kriste, nitatitwalisa hikuva anitrutrumelanga swakuka-ndlela, mfuri anitirelanga mahala.

Va-le-Filipiya 4:1

Hiswoswo, vamakweru varandriwa vanga, lava varandrekaka ngopfu, n'wine lava n'winga kunyoxa kwanga ni ngiyana yanga, tiyiselani xiswoswo a Hosini varandriwa.

I Tsl 2:20

Ha kunene n'wine n'wikutwala kweru ni kutrhava kweru!

I Tsl 3:13

Yita tiyisa timbilu tenu akuxwengeni ni kukota kutikombisa n'wihetisekile n'wingena nandru mahlweni ka Xikwembu Nkulukumba Tatana weru, akubuyeni ka Hosi yeru Yesu Kriste ni hinkwatu tinsasi.

I Tsl 4:15

Hikusa hihlaya leswo ku n'wine hi ritu dra Hosi leswaku: hine lava hisaleliki kubuya ka Hosi na hihanya, hingatirangela lava vayetleliki.

I Tsl 5:23

Ke, Xikwembu Nkulukumba wa kurula an'wibasise kakuhinkwaswu, ne moyeni wenu ne hikeni ni mirini, n'wiva lava vabekisekaka hi mfanelo, n'wingave ni kusoleka akubuyeni ka Hosi yeru Yesu Kriste.

II Tsl 1:4

N'wine n'wimhaka ya kutikulisa kweru makari ka makereke ya Xikwembu Nkulukumba hinkonta ya kulehisa ka mbilu, ni ka vupfumeli loku n'wikukombisaka ku tinxaniso hinkwatu ni kunonon'hwa loku n'winga ni kukurwala.

II Tsl 1:7

Ku n'wine lava vaxanisekaka swanga ha hine, atan'wiwisisa Yene, loko kutahumelela hi le Tilweni Hosi Yesu ni tintrumi ta ntamu wakwe.

II Tsl 2:1

Leswi kongomaka a kubuya ka Hosi yeru Yesu Kriste ni kutlhanganisiwa kweru kun'we na yene,

Tito 2:13

na hilavisela a kudumba loku kukhensekaka, ni kutikombisa ka kuphatima kukulu ka Xikwembu Nkulukumba ni Muhuluxi weru Yesu Kriste,

Yakobe 5:7

Ke, laviselani vamakweru, n'wirindrela kubuya ka Hosi. Lavisani, swanga hi mudrimi akotaka kulavisela, a mihandru leya lisima ya misava, kukondra kuta timpfula ta hlovo ni ta Malanga.

Yakobe 5:8

Laviselani na n'wine, nw'itiyisa timbilu tenu, hikusa a kubuya ka Hosi ku kusuhi.

I Ptr 5:4

kutani loko a mubyisi lwenkulu ku hinkwavu abuya, n'witayamukela a ngiyana ya kuphatima leyi yingabolikiki.

II Ptr 1:16

A dondro leyi hi minyikiki henhla ka ntamu ni kubuya ka Hosi yeru Yesu Kriste, ayi tiseketelanga ha swihitana swavutlhari, kambe hine hi timboni tikulu ta yone hi kuswivona hi mahlu yeru.

II Ptr 3:4

vaku: xikwini a xidumbiso xa kubuya kwake? Hikusa kusukela loko vatatana veru vayetlela kutani hinkwaswu swahayimisi xiswoswo, swanga kusukela kusunguleni ka misava.

I Yhn 2:28

Kutani swoswi ke vana vanga, trhamani ku Yene, akuva loko Yene ativonakalisa hita dumba, na hi ngavi lava vasoliwaka mahlweni kwake, akubuyeni kwake.

Yd 1:24

Ke, Yene lweyi anganintamu wa kun'wibekisa kuswikhunguvanyiso, ni kun'wiyimisa mahlweni ka kuphatima kwake hikutrhava na mingena nandru,

Mpfuletelo 1:7

Vonani, awata hi le makari ka matlavi, a mahlu ya vhanu hinkwavu matamuvona, nambi lava vamutlhaviki, mfuri a vhanu va tinxaka hinkwatu ta misava vatamudrilela, im'na, Amen!

Mpfuletelo 22:12

Vonani! Nata naningahlweli, nita ni hakelo, akuva ni nyika mun'wana-ni-mun'wana swanga hi mintiro yake.