I Tsl 1:10 - Testamente Ledrimpswha ni Mapsalma

¹⁰ na n'wilavisela a n'wanakwe Matilweni, lweyi amupfuxiki kufeni, anga Yesu, lweyi a hi huluxaka ku mahlundru lawa matakata.

I Tsl 1:10 ပူးပေါင်းရင်းမြစ်များ

Mt 1:21

Maria atava ni n'wana wa wandrisanyana, wene utamutxhula a vito dra Yesu, hikusa hi yene atakahuluxa tiko drakwe aswihonweni swa drone.

Mt 16:27

A N'wana wa Mhunu atata hi kuphatima ka Tatana wakwe, kun'we ni tintrumi takwe, kutani atatlhelisela mun'wana-ni-mun'wana kuya hi matirela yake.

Mt 16:28

Nihlayelamfuri nili ku n'wine, amakari ka lava vayimiki kola, vakone van'we lava vangatikifa na vangavonanga kutlhasa ka N'wana wa Mhunu akuphatimeni ka Mfumu wakwe.

Mt 3:7

Loko Yohana avoni vafarisi ni vasaduki lava vanyingi vata ku yene akuva avababatisa aku ku vone: Lixaka dra swipswhahla! Hi mani lweyi an'wibyeliki leswaku n'winga huluka ku xikhatiso xa kutxhavisa lexi xinga kusuhi?

Lk 2:25

Ankameni lowo afa kuni mhunu a Yerusalema, a vito drakwe ali Simiyoni. A mhunu lweyo afa ali mululami ni mukhongoti, afaka alavisela kumiyetiwa ka Israyele. A Moya wa Kuxwenga afa wu ku yene.

Lk 3:7

Loko a xitrhungu xiya ku Yohana akuva xiyababatisiwa, aku ku xone: Lixaka dra swipswhahla! Hi mani lweyi an'wibyeliki a kutrutruma mahlundru lawa mataka?

Mintiro Ya Vapostola 1:11

volavo vaku ku vone: Vavanuna va Galileya! Xana n'wiyimeli yini kolahu na n'wilavisa Tilweni? Yesu yelweyi asukiki ku n'wine aya Tilweni, atatlhela abuya hi ndlela yoleyi n'wimuvoniki antlhantuka ha yone.

Mintiro Ya Vapostola 17:31

hikusa Xikwembu Nkulukumba abeki siku ledri atakayavanyisa misava hi kululama, hi wanuna lweyi angamubekela swone, ava amuhambela vumboni amahlweni ka hinkwavu hi kumupfuxa kufeni.

Mintiro Ya Vapostola 2:24

Kambe Xikwembu Nkulukumba amupfuxile akufeni, amuntrhunxa ku ntamu wa lifu, hikusa afa swingakoteki leswaku ahluliwa hi lifu.

Mintiro Ya Vapostola 2:32

Yesu yelweyo, Xikwembu Nkulukumba amupfuxile kufeni, kutani hine hinkweru hi timboni ta swone.

Mintiro Ya Vapostola 3:15

Hi ndlela leyo, n'widlayi Hosi ya vutomi, leyi Xikwembu Nkulukumba ayipfuxiki kufeni, kutani hine hi timboni ta swone.

Mintiro Ya Vapostola 3:21

lweyi swifanekeliki a tilo drimuyamukela kukondra kutlhasa minkama ya kupfuxetiwa ka hinkwaswu, leyi Xikwembu Nkulukumba angakhanela ha yone khale, hi nomu wa vaprofeta va kuxwenga vakwe.

Mintiro Ya Vapostola 4:10

switivani, n'wine ni tiko hinkwadru dra Israyele, leswaku ahanyisiwi hi vito dra Yesu Kriste, wa Nazarete, lweyi n'wine n'wingamuvamba; kambe Xikwembu Nkulukumba amupfuxiki amakari ka vafi. Ha yene a mhunu lweyi ayimiki mahlweni kwenu i ntomi.

Rm 1:4

kambe a kombisiwiki hi ntamu leswaku, i N'wana wa Xikwembu Nkulukumba hinkonta ya Moya wa Kuxwenga, hi kupfuka kwake ku vafi, anga Yesu Kriste a Hosi Yeru.

Rm 2:7

a vutomi lebyi byingahelikiki ku lava vayentxaka hi kutiyisela a mintiro leminene na vadjula lidrumo ni kutwala ni kuka kungaboliwi.

Rm 4:25

Lweyi anyiketiwiki kufeni hinkonta ya swidoho sweru ni kumupfuxa, ni kuhlayiwa kweru a vululami.

Rm 8:34

Hi mani lweyi atakavayavanyisa? I Kriste Yesu lweyi a fiki, kumbe xana, lweyi apfukiki kufeni, na kone anga vokweni dra xinene dra Xikwembu Nkulukumba mfuri a hi kombelelaka.

I Kor 1:7

lana kakuva n'wingapfumali nyiko ni yin'we, na n'wirindrela kutikombekisa ka Hosi yeru Yesu Kriste,

Gl 3:13

Kriste ahintrhunxi kuruketeliweni ka nawu, yene atiyentxi xiruku hinkonta yeru, hikusa a Matralwa mali: Kuruketeliwi mani na mani lweyi a hayekiwiki mhandreni,

Va-le-Filipiya 3:20

Kambe a muti weru wu le Matilweni, lomu na kone hi laviselaka aku buya ka Muhuluxi, a Hosi, Yesu Kriste.

Va-le-Kolosa 1:18

Hi Yene nhloko ya miri, dringa kereke. Yene i masungulu, ni mativula ya kupfuka a makari ka vafi, lakakuva ava ni mbangu wa kuranga ku hinkwaswu.

I Tsl 1:7

Hi ndlela leyi n'windruluki xikombiso ku vapfumeli hinkwavu va-le-Makedoniya ni va-le-Akaya.

I Tsl 2:16

Vahi sivela kurerela va-Matiko a ritu dra huluku, vatatisa mpimu wa swidoho swavu minkama hinkwayu, kambe amahludru ya Xikwembu Nkulukumba maweli henhla kwavu kutlhasa vugan'wini.

I Tsl 2:7

nambi afa hiswikotile, kun'wibindra, swanga mupostola wa Kriste, kambe hidjuli kun'wibekisa hi kunabyala swanga mamana lweyi a vonelelaka vanakwe.

I Tsl 5:9

Hikuva Xikwembu Nkulukumba angahibekelanga mahlundru, kambe hikuma huluko ha Hosi yeru Yesu Kriste,

II Tmt 4:1

Amahlweni ka Xikwembu Nkulukumba ni ka Kriste Yesu, lweyi atakayavanyisa lava vahanyaka ni lava vafiki, hi vito dra kuvoneka kwake ni hi Mfumu wakwe; nakukombela nili:

Tito 2:13

na hilavisela a kudumba loku kukhensekaka, ni kutikombisa ka kuphatima kukulu ka Xikwembu Nkulukumba ni Muhuluxi weru Yesu Kriste,

Va-Heberu 10:27

Kambe kusali ntsena kurindrela loku kutxhavisaka ka kuyavanyisiwa ni vukari lebyi byipfuraka loku kutaka hisa valala.

Va-Heberu 9:28

Hiswoswo ke, Kriste ahumexiwi kan'we kususa swidoho swa vhanu. Ntrhaku ata humelela nangweso, kunge ha kutata susa xidoho, kambe a kutata huluxa lava mulaviselaka.

I Ptr 1:21

n'wine ha Yene n'wipfumeliki ku Xikwembu Nkulukumba lweyi amupfuxiki ku lava vakufa amakari ka vafi, ava amunyika ni lidrumo, akuva a kupfumela kwenu ni kulavisela kwenu swiva ku Xikwembu Nkulukumba.

I Ptr 1:3

Akukhensiwe Xikwembu Nkulukumba, Tatana wa Hosi yeru Yesu Kriste, lweyi hikola ka lirere drakwe ledri drikulu ngopfu, ahitumbuluxiki ka vubiri, akuva hivani kulavisela loku kuhanyaka, hikola ka kupfuka ku lava vakufa ka Yesu Kriste amakari ka vafi,

I Ptr 2:21

Ke n'wivitaneliwi swoleswo, hikusa na yene Kriste axanisekeli n'wine ava an'wisiyela a xikombiso, akuva n'wilandra a mintila yake,

I Ptr 3:18

Hikuva na yene Kriste axaniseki kan'we hinkonta ya swidoho, yene Mululami, hinkonta ya vasomboloki, akuva an'wiyisa ku Xikwembu Nkulukumba; yene hi tlhelo drin'we afiki anyameni, kambe hi tlhelo drin'wana ahanyisiwiki amoyeni;

II Ptr 3:12

na n'wilavisela n'wiyimela a siku dra Xikwembu Nkulukumba, na n'witinyiketela leswaku drita hi kuhangwesa, hi siku ledro amatilo mataka hisiwa mahelisiwa ni swivumbiwa hinkwaswu switamunyetiwa hi ndrilo.

II Ptr 3:14

Hikola kaleswo varandriwa, leswi n'wahalaviselaka a siku ledro, khinyelani kuyentxa hinkwaswu akuva atan'wikuma hikurula na n'wingenabati mfuri na n'wingenakusoliwa.

Mpfuletelo 1:18

ni lweyi ahanyaka! Afa nifile, kambe swoswi nahanya hi madzana-ni-madzana ya malembe, mfuri nini mimpfungulu ya lifu ni ya le Hades.

Mpfuletelo 1:7

Vonani, awata hi le makari ka matlavi, a mahlu ya vhanu hinkwavu matamuvona, nambi lava vamutlhaviki, mfuri a vhanu va tinxaka hinkwatu ta misava vatamudrilela, im'na, Amen!