I Tmt 6:19 - Testamente Ledrimpswha ni Mapsalma

¹⁹ vatihlengeletela vukosi byinene, lebyi byinga masungulo lawa matiyiki ya minkama leyi mitaka, leswaku vatakuma a vutomi lebyi byinene.

I Tmt 6:19 ပူးပေါင်းရင်းမြစ်များ

Mt 19:21

Yesu aku ku yene: Loko udjula kuva lweyi ahetisekiki, famba, uyaxavisa hinkwaswu leswi unganaswu, unyika mali a swisiwana. Xiswoswo utavani nhlengwe a Matilweni. Ntrhaku tana unilandra.

Lk 12:33

Xavisani leswi n'winga naswu, n'winyika a swisiwana. Tiyentxelani minkwama ya mali leyi ya kuka minga honeki, ni nhlengwe leyi yinga helikiki Matilweni, lomu a muyivi angatlhasikiki, ni laha a nsumba yinga honikiki kone.

Lk 16:25

Kambe Abrahamu aku: N'wananga, drimuka leswaku wa yamukeli leswi swa hombe avutomini byaku hinkwabyu; kasi Lazaro ayamukeli makhombo. Swoswi awamiyetiwa kasi wene wavaviseka.

Lk 16:9

Kutani Yesu aku, na mine nan'wibyela nili: Tiyentxelani vanakuloni hi vukosi lebyi byinga lulamangakiki, akuva byitaku byahela, van'wiyamukela atiyindlweni leti tingahelikiki.

Lk 18:2

aku: Afa kuni mutremi mun'we ku muti mun'we, lweyi afaka angatxhavi Xikwembu Nkulukumba; ni mhunu angahlayi ntxhumu ha yene.

Lk 18:22

Atiki awaswiyingela, Yesu aku ku yene: Kusali xin'we lexi uxipfumalaka: xavisa hinkwaswu leswi unganaswu, uyavela swisiwana. Hi kone utakava ni nhlengwe a matilweni. Hi kone ungataka, unilandra.

Gl 5:6

Hikusa ku Kriste Yesu, aku soka ni kuka kusokiwa, aswipfuni ntxhumu, kambe i kupfumela kutiraka hikola ka lirandru.

Ef 3:17

Nakone ni kombela ku Xikwembu Nkulukumba akuva Kriste atrhamisa atimbilwini tenu hi kupfumela, ni kuva n'wisimekiwa swinene n'witrhukutrhela alirandrwini,

Va-le-Filipiya 3:12

Anihlayi leswaku nitava nitlhasi avugan'wini, kumbe leswaku, nihetisekile, kambe nahaya mahlweni akuva nikuma leswi na mine afaka nikhomiwile hinkonta ya Kriste Yesu.

Va-le-Filipiya 3:14

nitrutruma niya ankongometweni, akuva nitakuma a hakelo dra kuvitaniwa loku kulu hi Xikwembu Nkulukumba ku Kriste Yesu.

I Tmt 6:12

Lwana a yimpi leyinene ya vupfumeli, utikhomela a vutomi lebyi byingahelikiki, lebyi uvitaneliwiki byone, uviki ubyihlaya hi kutihlaya loku kunene amahlweni ka timboni letinyingi.

II Tmt 1:1

Pawulosi, mupostola wa Yesu Kriste hi kurandra ka Xikwembu Nkulukumba, hi xidumbiso xa vutomi lebyinga ku Kriste Yesu,

II Tmt 2:19

Nambi swilitanu, amasungulo lawa yakutiya ya Xikwembu Nkulukumba mahayimile, na mali ni nfungo lowu waku: a Hosi yitiva lava vanga va yone; ni leswaku lava vavitanaka vito dra Hosi, avatravukanisa ni leswakubiha.

I Ptr 1:4

leswaku n'wivani pfindla ledri dringabolikiki, drixwengiki, mfuri dringabunikiki, ledri dribekiseliwiki n'wine a Matilweni,