I Tmt 5:8 - Testamente Ledrimpswha ni Mapsalma

⁸ Kambe loko mhunu angalondrisi a va le kwake, ngopfu-ngopfu ku vandangu wakwe, lweyo alandruli khale a vupfumeli, mfuri atlula ni lweyi angalikinakupfumela.

I Tmt 5:8 ပူးပေါင်းရင်းမြစ်များ

Mt 18:17

Loko yene angadjuli kuvayingela, byela a Kereke; loko na kone ayala akuyingela a Kereke, ku wene ave swanga wa matiko ni muhlengisi.

Mt 7:11

Nambi n'wine n'winga vamfani n'witivaka a kunyika mintxhumu leminene ku vanenu, ngopfu Tatana wenu, lweyi anga Matilweni, atanyika leswi swinene ku lava vamukombelaka!

Yohana 15:22

Loko afa ningatanga nitatavulavula navu, ana vangena xihono; kambe swoswi avana leswi vangatilandrulaka ha swone hinkonta ya xihono xavu.

I Kor 6:6

Kambe mun'we, loko ani mhaka ni makwavu, xana vaya akuyavanyisiweni amahlweni ka lava vangaliki vapfumeli?

II Kor 12:14

Hi swoswo, nilulamile akuta halanu ka vuraru, ningatin'wibindrela, hikuva anidjuli swenu, nidjula n'wine; hikusa ahi vana lava vafanekelaka kuhlengeleta vapswele, kambe avapswele hi vone vahlengeletaka a vana.

II Kor 6:15

Xana akuyingelana ka Kriste na Diyavulosi hi kwini? Kumbe, i ntwananu muni wa vapfumeli ni lava vangapfumelikiki?

Gl 6:10

Hileswo-ke, leswi hingani nkama ahi yentxeleni leswi swinene ku hinkwavu, kambe ngopfu ku lava vanga vandangu wa vupfumeli.

II Tmt 2:12

Loko hitiyisela na hine hita fuma na Yene; loko himulandrula, na Yene ata hilandrula.

II Tmt 3:5

lava vangani xiyimu xa vukhongoti kasi valandruli ntamu wa byone; trhindreka kule ni vhanu lavo.

Tito 1:16

Vone vali vamutiva Xikwembu Nkulukumba, na kasi vamulandrula hi mintiro yavu. I vamfani ni vakutiyalisa, vangakotikiki ntxhumu amintirweni hinkwayu leminene.

II Ptr 2:1

Kahumeleli vaprofeta va madrimi amakari ka tiko dra va-Yuda, swanga hi leswi vataka va kone makari kwenu a vadondrisi va madrimi, lava taka dondrisa tidondro leti honisaka ta madrimi vatalandrula ni Hosi leyi vatiruliki, kambe vatatekeliwa kulahlekeni hi kuhangwesa.

Yd 1:4

Hikusa kunhingeni van'we vhanu hi xihundla, lava kusukela ka khale vatraleliwiki kuyavanyisiwa; vhanu va kubiha, vandruluta timpswalu ta Xikwembu Nkulukumba weru hivubihi, na kone valandrula Yesu Kriste lweyi anga Mudondrisi weru ntsena ni Hosi.

Mpfuletelo 2:13

Nitiva lomu utrhamaka kone, lomu kungani xitrhamu-xa-vufumi xa Sathana, ni leswi wahabekisaka a vito dranga, na ungalandrulanga a kupfumela ku mine, nambi amasikwini ya Antipasi, a mboni yanga ni mudumbeki wanga, lweyi adlayiwiki amakari kwenu, lomu Sathana atrhamaka kone.

Mpfuletelo 3:8

Nitiva a mintiro yaku. Vona, ni beki amahlweni kwaku a xipfalu lexi xipfulekiki, xipfalu lexi kungaliki na mhunu lweyi angaxipfalaka, hikusa uni ntamunyana, na kone ubekisi a ritu dranga, ni vito dranga awudrilandrulanga.