I Tmt 5:25 - Testamente Ledrimpswha ni Mapsalma

²⁵ Hi xiswoswo, a mintiro le minene mi le livaleni, mfuri leyi mihambanaka na yone, amina kufihleka.

I Tmt 5:25 ပူးပေါင်းရင်းမြစ်များ

Mt 5:16

A kuvaninga kwenu akuvaningisi xiswoswo amahlweni ka vhanu, akuva vatakota kuvona a mintiro yenu leminene, vatatwalisa Tatana wenu lweyi anga Matilweni.

Lk 11:33

Akuna mhunu lweyi, loko alumeki motre, awubekaka lomu kakufihleka, kumbe ahansi ka xihundru. Awubeka ahenhla, akuva lava nhingenaka vavona ku vaninga ka wone.

Mintiro Ya Vapostola 10:22

Vone vaku: Hipfa hi ku Korneliyo, a ndruna ya dzana, anga wanuna wa kululama, atxhavaka Xikwembu Nkulukumba, lweyi akhensiwaka hi tiko hinkwadru dra va-Yuda, apfuleteliwiki hi ntrumi ya kuxwenga, akuva akuvitanela a kaya kwake, atayingela leswi utakamubyela swone.

Mintiro Ya Vapostola 22:12

Kone afa kuni wanuna lweyi valiki hi Ananiya, mukhongeli nkulu hi kulandra a Nawu; na kone afaka ankhensiwa hi va-Yuda hinkwavu lava afaka vatrhama kone.

Mintiro Ya Vapostola 9:36

A mutini wa Yopa, afa kuni mudondrisiwa wa wansati, a vito drakwe hi Tavita, hi Xigirika swihlayaka Dorkasi, Mhunti. Yene afa atali hi mintiro leminene ni kupfuna swisiwana.

Va-le-Filipiya 1:11

N'witala hi mihandru ya kululama, leyi mitumbulukaka ha Yesu Kriste akuva kudrumisiwa Xikwembu Nkulukumba.

I Tmt 3:7

Mfuri kudjuleka ava lweyi ankhensiwaka hi va le handle, akuva angatxhuki awela akusoliweni ni le ntlhan'wini wa Diyavulosi.

Mpfuletelo 14:13

Kutani ni yingela ritu dripfa tilweni na driku: Trala leswi: Kukateke vafi lava kusukela swoswi vafelaka Hosini! Ahina, kuhlaya Moya, akuva vata wisa mintirweni ya yavu, hikuva mintiro yavu mitavalandra.