I Tmt 5:10 - Testamente Ledrimpswha ni Mapsalma

¹⁰ ani vumboni bya leswaku aveni mintiro minene, awundli swinene a vana vakwe, arureli vayeni, ahlampswi a minkondro ya vahlawuleki, apfuni vaxaniseki, ni leswaku a tinyiketeli amintirweni hinkwayu le minene.

I Tmt 5:10 ပူးပေါင်းရင်းမြစ်များ

Mt 25:17

Na yene lweyi ayamukeliki mabiri ayayentxisa xiswoswo, abindrula man'wana mabiri.

Mt 5:16

A kuvaninga kwenu akuvaningisi xiswoswo amahlweni ka vhanu, akuva vatakota kuvona a mintiro yenu leminene, vatatwalisa Tatana wenu lweyi anga Matilweni.

Lk 7:38

Ayima hi le ntrhaku ka Yesu aminengeni yake, adrila, asungula kutranisa minenge yake hi minyembeti, amisula hi misisi yake, aminyunta, a mitota hi mafura.

Lk 7:44

Kutani andruluka alavisa lweyi wansati, aku ku Simoni: Wamuvona a wansati lweyi? Ninhingeni andlwini yaku, awuninyikanga mati yakuhlamba minenge, kambe yene anihlampswi a minenge hi minyembeti yake, ava amisula hi misisi yake.

Mintiro Ya Vapostola 10:22

Vone vaku: Hipfa hi ku Korneliyo, a ndruna ya dzana, anga wanuna wa kululama, atxhavaka Xikwembu Nkulukumba, lweyi akhensiwaka hi tiko hinkwadru dra va-Yuda, apfuleteliwiki hi ntrumi ya kuxwenga, akuva akuvitanela a kaya kwake, atayingela leswi utakamubyela swone.

Mintiro Ya Vapostola 22:12

Kone afa kuni wanuna lweyi valiki hi Ananiya, mukhongeli nkulu hi kulandra a Nawu; na kone afaka ankhensiwa hi va-Yuda hinkwavu lava afaka vatrhama kone.

Mintiro Ya Vapostola 6:3

Ke, vamakweru, tihlawulelani a vavanuna amakari kwenu va ntlhanu na vabiri, lava va kudumbeka ni vutivi lava vataliki hi Moya wa Kuxwenga akuva hitavabeka valavisela ntiro lowu.

Mintiro Ya Vapostola 9:36

A mutini wa Yopa, afa kuni mudondrisiwa wa wansati, a vito drakwe hi Tavita, hi Xigirika swihlayaka Dorkasi, Mhunti. Yene afa atali hi mintiro leminene ni kupfuna swisiwana.

Mintiro Ya Vapostola 9:39

Petrosi afamba navu. Loko atlhasile, vamuntlhantukelisa andlwini ya le henhla. A vavasati va mafelwa hinkwavu vatrandrela Petrosi, na vadrila, vamukomba minkhantxu ni swiyambalu swin'wana leswi swihambiwiki ha Dorkasi.

Rm 12:13

Yavelanani ni vapfumeli lava pfumalaka, yamukelani swinene a vayeni.

Ef 2:10

Hikusa hi yentxiwa ha Yene, hi vumbiwiki ku Kriste Yesu mintirweni leminene, yoleyo Xikwembu Nkulukumba hi ntshima angayibekisa akuva hi famba ku yone.

Va-le-Kolosa 1:10

akuva n'wifamba hi kululama amahlweni ka Hosi, n'wimutrhavisa ku hinkwaswu, n'wibeka mihandru amintirweni hinkwayu leminene, na n'wikula akutiveni ka Xikwembu Nkulukumba;

I Tmt 2:10

kambe avatixongise hi leswi swifanekelaka a vavasati lava vatxhavaka Xikwembu Nkulukumba, anga mintiro leminene.

I Tmt 3:2

Hileswo-ke, kudjuleka leswaku a bixopo ava lweyi angasolekiki, anga nuna wa nsati mun'we, adaka ni kunwa hi kutipimelela, atikhomaka, angatitlakuxiki, arurelaka vayeni, ativaka kudondrisa,

I Tmt 3:7

Mfuri kudjuleka ava lweyi ankhensiwaka hi va le handle, akuva angatxhuki awela akusoliweni ni le ntlhan'wini wa Diyavulosi.

I Tmt 5:16

Loko kuni wansati wa mupfumeli lweyi angani mafelwa, amalondre, akuva kereke dringabindreliwi, drikota kulondra mafelwa lawa mangalikina n'winyi.

I Tmt 5:25

Hi xiswoswo, a mintiro le minene mi le livaleni, mfuri leyi mihambanaka na yone, amina kufihleka.

I Tmt 6:18

ni leswaku vayentxa leswinene, vava swipfundri hi mintiro leminene, vavani nkhinkhi akuhananeni, vava vanabyala akuva vayavela a swavu;

II Tmt 1:5

hi kukumbuka kupfumela kwaku loku ngeke na kukanganyisa, loku afaka ali naku kokwana waku Loyide kusunguleni, ni mamana waku Ewunice, ni nikudumba leswaku unaku na wene.

II Tmt 2:21

Ke, loko mhunu atinhlampswa ku swihoxo leswo, atava xibya xa ntiro lowu wa hombe, lexi xixwengisiwiki, lexi pfunaka swinene n'winyi wa xone, lexi bekeliwiki mintiro hinkwayu le minene.

II Tmt 3:15

Ni leswaku wa mativi nawehentrongo, a Matralwa ya Kuxwenga, lawa manga ni ntamu waku kutlharihisa, ukota uhuluxiwa hi kupfumela loku kunga ku Kriste Yesu.

II Tmt 3:17

akuva a mutireli wa Xikwembu Nkulukumba ava lweyi ahetisekiki, abekiseliwa mintiro leminene hinkwayu.

Tito 2:14

lweyi atinyikeliki ha vuswake hi kola kweru, akuva ahitirula ku vusomboloki hinkwabyu, ava atibasisela a ntalu wa vhanu lava vanga vakwe ntsena, lava vakukhinyela ku mintiro leminene

Tito 2:7

ku mintxhumu hinkwayu, na wene utikombisa swanga xikombiso amintirweni leminene; akudondriseni, vana lweyi angasolekiki mfuri afanekelaka hi xihluwa,

Tito 3:1

Vadrimuxe leswaku vatibeka hansi ka vafumi ni tindruna; leswaku vavayingiseta ni leswaku vatrhama na vatilulamiseli a kutira mintiro le minene;

Tito 3:14

Na vone a vaka-kweru avadondre a kutinyiketela amintirweni leminene lomu kunganikuvilela, akuva vangativa lava vakuka-vangabindruli mihandru.

Tito 3:8

Aritu ledri dradumbeka; nidjula leswaku, mayelano ni mintxhumu leyo, utiyisa hi kudumba, akuva lava vapfumeliki ku Xikwembu Nkulukumba, vakhinyela kutinyiketa amintirweni le minene. Leswo i swinene, swipfuna vhanu.

Va-Heberu 10:24

Hiva hi yanakanyana van'we ku van'wana, hi kutxetelana lirandrwini ni le mintirweni leminene.

Va-Heberu 13:2

N'wingavi drivala kuyamukela vayeni, hikuva hinkonta ya kuyamukela vayendri van'we vhanu vayamukeli tintrumi na vanga switivi.

Va-Heberu 13:21

an'wihetisekisi ku mintiro leminene hinkwayu, akuva n'wiyentxa kurandra kwake, ni leswaku ayentxa leswi amahlweni Yakwe leswi swimutrhavisaka ha Yesu Kriste, lweyi alidrumu dringa ku Yene hi minkama hinkwayu. Amen!

I Ptr 2:12

n'wiva ni mahanyela manene amakari ka va-Matiko, akuva, leswi van'wihlevaka ha swone swanga tinsulavoya, hi kuvona a mintiro yenu leminene, vatatwalisa Xikwembu Nkulukumba hi siku ledri atakavayendrela ha drone.

I Ptr 4:9

yamukelanani ama kaya kwenu na n'wingan'unun'uti.

III Yhn 1:12

Loko ali Demetriyo, vhanu hinkwavu vahlaya swahombe ha yene, na xihlayelamfuri hi ntshima xihlaya swahombe ha yene. Na hine hibeka vumboni, wa switiva wene leswaku avumboni byeru i xihlayelamfuri.