I Tmt 4:8 - Testamente Ledrimpswha ni Mapsalma

⁸ Hikusa a kutinyiketela antirweni wa miri swipfuna kutrongo, kambe a ntiro wa vukhongoti wapfuna ku hinkwaswu, na kone wuni xidumbiso xa vutomi bya swoswi ni bya nkama lowu wutaka.

I Tmt 4:8 ပူးပေါင်းရင်းမြစ်များ

Mt 12:32

Ni loko kumbe mhunu ahumexela ritu dra kubiha ku N'wana wa Mhunu, atadrivaleliwa kambe kungaku loko ahlayi, asandra a Moya wa Kuxwenga, angaka angadrivaleliwi, nambi kuva ankameni lowu, nambi ali nkameni lowu wutakata.

Mt 19:29

Mun'wana-ni-mun'wana lweyi atrikiki tiyindlu, vamakwavu va xinuna ni va xisati, ni tatana wakwe kumbe mamana wakwe, kumbe nsati ni vana, kumbe masimu hinkonta yanga, atayamukela hi ka dzana (100) ni kuhindra, ava ada pfindla dra vutomi lebyi byingahelikiki.

Mt 6:33

Djulisisani kusungula a Mfumu wa Xikwembu Nkulukumba ni kululama kwake, kutani hinkwaswu leswo n'witayengeteliwa.

Marka 10:30

yelweyo atayamukela leswi switlulaka ka dzana (100) swoswi amisaveni leyi, a tiyindlu ni vamakwavu va vaxinuna ni vaxisati, ni vamamana ni masimu, kun'we ni tinxanisa. Nakone atakuma a vutomi lebyi byingahelikiki ankameni lowu wutaka.

Lk 5:38

Kambe vhinyo ledrimpswha swifanekeli dritxheliwa aminkwameni leyi mimpswha.

Rm 8:28

Haswitiva hine leswaku hinkwaswu switlhanganela akuva switirisa ku lava varandraka Xikwembu Nkulukumba, vanga lava avavitaniki hi kungu drakwe.

I Kor 3:22

nambi Pawulosi, nambi Apolo kumbe Petrosi, nambi misava hinkwayu, nambi vutomi kumbe lifu; nambi mintxhumu ya swoswi kumbe ya nkama lowu wutaka, hinkwaswu i swenu,

I Kor 8:8

Kambe a swakuda aswihiyisi kusuhi ni Xikwembu Nkulukumba; hikusa nambi hingadi ntxhumu, nambi hida, ahiyengeteliwi ntxhumu.

I Tmt 4:7

kambe yala a swihitana leswi swingafambelaniki ni vupfumeli, leswi mfuri swingahapfuniki ntxhumu, utinyiketela antirweni wa vukhongoti.

I Tmt 6:3

Loko mhunu adondrisa dondro yimbeni ava angapfumeli a maritu manene ya Hosi yeru Yesu Kriste ni dondro leyi yifambelanaka ni vukhongoti,

I Tmt 6:5

ni kuvulavulisana ka kuka kungagami, ka vhanu va miyanakanyu ya kusomboloka, lava vatipfumalisiki a xihlayelamfuri, vapimisaka leswaku a vukhongoti i bindru.

I Tmt 6:6

Kambe kunene, a vukhongoti kun'we ni kutrhava i bindru drikulu.

II Tmt 3:5

lava vangani xiyimu xa vukhongoti kasi valandruli ntamu wa byone; trhindreka kule ni vhanu lavo.

Tito 3:8

Aritu ledri dradumbeka; nidjula leswaku, mayelano ni mintxhumu leyo, utiyisa hi kudumba, akuva lava vapfumeliki ku Xikwembu Nkulukumba, vakhinyela kutinyiketa amintirweni le minene. Leswo i swinene, swipfuna vhanu.

Va-Heberu 13:9

N'winga kokiwe hi tidondro ta tinxaka-xaka, ni ta vambe, hikusa i swinene loko mbilu yitiyisiwa hi timpswalu, na kunge hi swakuda swavunandri, leswi swingatiki pfuna ntxhumu ku lava vatinyiketaka ku swone.

I Yhn 2:25

Lexi hixone xidumbiso lexi Yene ahidumbisiki, anga vutomi lebyingahelikiki.

Mpfuletelo 3:12

A muhluli, nitamuhamba ava mhandre ya kutiya a Tempeleni dra Xikwembu Nkulukumba wanga, lomu angatikihuma swimbeni, mfuri nitatrala a henhla kwake a vito dra Xikwembu Nkulukumba wanga, ni vito dra muti wa Xikwembu Nkulukumba wanga, dra Yerusalema mumpswha, lweyi axikaka hi le Tilweni, apfa hi le ku Xikwembu Nkulukumba wanga, ni vito dranga ledri drimpswha.

Mpfuletelo 3:21

A muhluli nitamunyika a kutrhama na mine axitrhan'wini xanga xa vuhosi, swanga ha mine nihluliki, kutani nitrhamiki na Tatana wanga axitrhan'wini xakwe xa vuhosi.