I Tmt 4:3 - Testamente Ledrimpswha ni Mapsalma

³ vatsimbisaka vhanu a kutekana, valeletaka ni leswaku kungadiwe swakuda swakukari, leswi Xikwembu Nkulukumba aswitumbuluxeliki kuva swidiwa hi kutlangela, hi vapfumeli lava vativaka a xihlayelamfuri.

I Tmt 4:3 ပူးပေါင်းရင်းမြစ်များ

Mt 14:19

Kuti loko aleleti switrhungu leswaku switrhamisa abyanyini, ateka a ntlhanu wa makati ni tinhlampfi tibiri, alavisa Tilweni, atlangela; kutani akhemelela a makati, anyika vadondrisiwa, vone vayavela switrhungu.

Mt 15:11

Ahi leswi swinhingenaka non'wini swinyamisaka mhunu, kambe leswi swihumaka anon'wini hi swone leswi swinyamisaka mhunu.

Mt 15:36

Atekiki a ntlhanu wa makati na mabiri ni tinhlampfi, atlangela, akhemelela amanyika vadondrisiwa, kutani vone vayavela xitrhungu.

Lk 24:30

Kuti loko atrhami navu akudeni, ateka kati atlangela ku Xikwembu Nkulukumba, akhemelela avayavela.

Yohana 6:23

Kambe kuti mabyatrhu lawa mapfaka Tiberiyasi, matlhasa kusuhi ni mbangu lowu vangada makati ku wone, loko Hosi yitlangelile;

Mintiro Ya Vapostola 27:35

Loko ahlayi leswo, ateka kati, atlangela Xikwembu Nkulukumba amahlweni ka hinkwavu, akhemelela, asungula kuda.

Rm 14:17

Hileswo-ke, a Mfumu wa Xikwembu Nkulukumba ahi mhaka ya swakuda ni swakunwa, kambe i mhaka ya kululama, kurula ni kutrhava loku pfaka ku Moya wa Kuhlawuleka.

Rm 14:3

Ke, lweyi a daka hinkwaswu anga faneli kudrela lweyi anga dikiki; ni lweyi angadikiki angafaneli kusola lweyi a daka hinkwaswu, hikusa na yene awa yamukeliwa ha Xikwembu Nkulukumba.

Rm 14:6

Lweyi ahlawulaka siku drin'wana ni drin'wana driva dra Hosi ayentxe; lweyi a daka hinkonta ya Hosi aade hikusa atwalisa Hosi; Lweyi angadikiki hinkonta ya Hosi angade atwalise Hosi.

I Kor 6:13

A swakuda i swa xidelo, ni xidelo i xa swakuda; kambe Xikwembu Nkulukumba ataswihelisa, a swakuda ni xidelo. Kambe a miri ahi ya vumbuye kumbe vuwoswi, kambe i ya Hosi, na yone Hosi i ya miri.

I Kor 7:28

Kambe loko uteka a nsati, awudohi. Na yene a nhwanyana lweyi angasikitivana ni wanuna, loko atekiwa angadohi. Kambe volavo vatavani nhlomulu wukulu anyameni; kutani mine nirandra a kun'witretrelela.

I Kor 8:8

Kambe a swakuda aswihiyisi kusuhi ni Xikwembu Nkulukumba; hikusa nambi hingadi ntxhumu, nambi hida, ahiyengeteliwi ntxhumu.

Va-le-Kolosa 2:16

Hi swoswo kunga ve na mhunu lweyi atakan'wisola hinkonta ya kuva n'wida kumbe swa kunwa, kumbe hinkonta ya masiku ya nkhuvu, hi masiku ya hweti leyimpswha, kumbe hi savata.

Va-le-Kolosa 3:17

Hinkwaswu leswi n'wiswiyentxaka kumbe n'wiswihlayaka, aswiyentxiwe hi vito dra Hosi Yesu, ha yene, n'witlangela Xikwembu Nkulukumba Tatana.

I Tmt 2:4

Lweyi adjulaka leswaku vhanu hinkwavu vahuluxiwa, ni leswaku vatlhasa akutiveni ka xihlayelamfuri.

I Tmt 4:4

Hikusa hinkwaswu leswi swivumbiwiki hi Xikwembu Nkulukumba i swa hombe, mfuri akuna leswi swingadreliwaka, loko swiyamukeliwa hi kutlangela,

I Tmt 5:14

Ke nidjula leswaku a vavasati va mafelwa lava vampswha vatekiwa, vavani vana, vafuma tiyindlu tavu, vanganyiki mukaneti nkama wa kuruka;

Va-Heberu 13:4

A vukati abyi bekeliwi xihluwa hi vhanu hinkwavu, na byone likuku byinga nyenyentsisiwi, kambe loko vali vayentxi va vumbuye ni vuwoswi, Xikwembu Nkulukumba ata vayavanyisa.

Va-Heberu 13:9

N'winga kokiwe hi tidondro ta tinxaka-xaka, ni ta vambe, hikusa i swinene loko mbilu yitiyisiwa hi timpswalu, na kunge hi swakuda swavunandri, leswi swingatiki pfuna ntxhumu ku lava vatinyiketaka ku swone.