I Tmt 4:16 - Testamente Ledrimpswha ni Mapsalma

¹⁶ Tibekise wene ha vuswaku, ubekisa ni dondro, utiyisela ku swone; hikuva loko uyentxa leswo utatihuluxa wene, uhuluxa ni lava vakuyingelaka.

I Tmt 4:16 ပူးပေါင်းရင်းမြစ်များ

Marka 13:9

Tivonelani swinene! Vatan'wiyisa tihubyini, n'witabiwa masinagogeni. Nakone n'witanyiketiwa amahlweni ka tindruna ni vafumi hinkonta yanga, akuva n'wiva timboni.

Lk 21:34

Kambe tivonelani, suka timbilu tenu tibindriwa hi maxovo ni kupopswa ni minhlatiyelo ya vutomi! Kutani siku ledro dritatxhuka drin'witela swanga hi xitxhuketo na n'winga drilaviselanga,

Mintiro Ya Vapostola 26:22

Kambe leswi ningakuma kupfuniwa hi Xikwembu Nkulukumba, nahali kone ni namuhla, nihamba vumboni ni le ku lava vatrongo ni lava vakulu. Ningahlayi ntxhumu ahandle ka leswi a vaprofeta na Moxe vangahlaya leswaku switayentxeka.

Mintiro Ya Vapostola 6:4

Hine, hitatiyisela akukhongoteni ni le ntirweni wa kuhlaya ritu dra Xikwembu Nkulukumba.

Rm 11:14

Akuva kumbe xana a van'we ku lixaka dranga vangava ni vukwele ha n'wine, vahuluxiwa.

Rm 16:17

Na n'wikhongota vamakweru, akuva n'witivonela ku lava pfuxaka ku hambana ni kutlakuxa kuganaganeka kakuhambana ni dondro leyi n'wingayi yamukela. Travukanani navu,

Rm 2:7

a vutomi lebyi byingahelikiki ku lava vayentxaka hi kutiyisela a mintiro leminene na vadjula lidrumo ni kutwala ni kuka kungaboliwi.

I Kor 1:21

Hikusa leswi, a vutlharini bya Xikwembu Nkulukumba a misava mingamutivangakiki Xikwembu Nkulukumba hi vutlhari bya yone, Xikwembu Nkulukumba atirandreli a kuhuluxa a vapfumeli hi vusinge bya kurera a Ivangeli.

I Kor 9:22

Ku lava va gome, nitiyentxi wa gome, akuva nikuma lava va gome; nitiyentxi hinkwaswu ku hinkwavu, akuva hi tindlela hinkwatu, nikota a kuhuluxa van'we.

I Kor 9:27

kambe mine nixanisa a miri yanga, ni miyentxa a xikarawa, akuva, nitxhumayela ku van'wana, ningatitxhuka nikumiwa na nili lweyi ningalikina mfanelo ya ntxhumu.

Ef 4:14

akuva hingahatami hiva swanga vatrongwana, lava vapfilunganyisiwaka vayisiwaka hala-ni-hala, hi tekiwaka hi timheho hinkwatu ta tidondro, hi kukanganyisiwa hi vhanu, hi marengu lawa vama nhingenisaka ya kuyisa mhunu ku honeni.

Va-le-Kolosa 4:17

Kutani hlayani leswo ku Arkipo n'wiku: djulisisa kuhetisisa swinene a ntiro lowu a uyamukeliki ku Hosi.

I Tsl 2:16

Vahi sivela kurerela va-Matiko a ritu dra huluku, vatatisa mpimu wa swidoho swavu minkama hinkwayu, kambe amahludru ya Xikwembu Nkulukumba maweli henhla kwavu kutlhasa vugan'wini.

I Tmt 1:3

Hiswoleswo nikutratriyiki ha swone, loko niya Makedoniya, leswaku utrhama a Efesa, akuva uleleta van'we leswaku vangatxhuke vadondrisa tin'wana tidondro,

I Tmt 4:15

Yanakanya leswo utiyisela ku swone, akuva akuya-mahlweni kwaku kuvoneka ku hinkwavu.

I Tmt 4:6

Loko udondrisa leswo ku vamakwenu, utava mutireli munene wa Yesu Kriste, na uxurisiwi hi maritu ya vupfumeli ni ya dondro leyi yinene, leyi wene uyilandraka;

II Tmt 2:10

Hi swoswo ni tiyisela ku hinkwaswu hinkonta ya lava vahlawuliwiki, akuva na vone vakuma kuhuluka loku kunga ku Kriste Yesu, kun'we ni kuphatima loku kungahelikiki.

II Tmt 3:14

Kambe wene trhama ku leswi udondriki swone, ni leswi utiyisiwiki ku swone, utiva lweyi uswidondriki ku yene.

II Tmt 4:2

Rera ritu, utiyisa hi nkama lowu faneliki, ni hinkama lowu wungafanelikiki, khata, khongotela, khwavela hi mbilu ya kuleha, ni hi kudondrisa.

Tito 1:9

anamarelaka aritwini ledri dra kudumbeka ledri drifambelanaka ni dondro, akuva akota a kutiyisa hi dondro leyinene, ni kukholwisa a vakaneti.

Tito 2:15

Hlaya a mintxhumu leyi na utratriya uva ukawuka hi ntamu hinkwawu; kungavi na mhunu lweyi akudrelaka.

Tito 2:7

ku mintxhumu hinkwayu, na wene utikombisa swanga xikombiso amintirweni leminene; akudondriseni, vana lweyi angasolekiki mfuri afanekelaka hi xihluwa,

Filimoni 1:19

Hi mine Pawulosi ni switralaka hi voko dranga. Nita kutlhelisela, mbuu. Nambi loko ninga kota kukudrimuxa leswaku uninandru wa vutomi byaku ku mine hi ntshima.

Va-Heberu 12:15

na n'witivona leswaku kungativa na mhunu lweyi atitronaka timpswalu ta Xikwembu Nkulukumba; mfuri kungavinamutru wa kubava wu milaka henhla, kutani wun'wipfilunganyisa, leswaku ha wone kuhoneka lavanyingi.

Va-Heberu 13:9

N'winga kokiwe hi tidondro ta tinxaka-xaka, ni ta vambe, hikusa i swinene loko mbilu yitiyisiwa hi timpswalu, na kunge hi swakuda swavunandri, leswi swingatiki pfuna ntxhumu ku lava vatinyiketaka ku swone.

Yakobe 5:20

drimukani leswaku, lweyi a pfunaka mudohi akuhambukeni ka ndlela yake ya kubiha, amhuluxa vutomi ni kudrivaleliwa vunyingi bya swihono.