I Tmt 1:5 - Testamente Ledrimpswha ni Mapsalma

⁵ Kambe a nkongometo wa leleto i lirandru, ledri dripfaka ambilwini leyi yibasiki, ni le lipfalwini ledri nene, ni le kupfumeleni loku kungalikina kukanganyisa,

I Tmt 1:5 ပူးပေါင်းရင်းမြစ်များ

Mt 12:35

A mhunu munene ahumexa leswi swinene avukosini byake lebyi byinene; kasi a mhunu lweyi mfani ahumexa leswi swibihiki avukosini byake lebyi bya kubiha.

Mt 5:8

Vakatekile lava vabasiki timbilu, hikusa vatavona Xikwembu Nkulukumba!

Mintiro Ya Vapostola 15:9

Mfuri angahambanisanga ntxhumu ni mun'we amakari kweru na vone, hikusa avadrivaleli swidoho na vone, hi kupfumela.

Mintiro Ya Vapostola 23:1

Kolahu Pawulosi apondrolela a swiro swa Huvu, aku: Vavanuna, vamakweru! Mine nihanyi hi lipfalu dra kululama hinkwaku amahlweni ka Xikwembu Nkulukumba kutlhasa siku dra namuhla.

Mintiro Ya Vapostola 24:16

Hileswo-ke na mine nikhinyela minkama hinkwayu kuva ni lipfalu ledri dribasiki, amahlweni ka Xikwembu Nkulukumba ni le ku vhanu.

Rm 10:4

Hikusa akuhela ka nawu hi Kriste, akuva kuhlayiwa mululami lweyi apfumelaka ku Yene.

Rm 12:9

Ingi lirandru drenu dringava ni kudumbeka, nyenyani swakubiha n'wiyentxa leswi swinene.

Rm 14:15

Ke, loko wene upfuxa kuvaviseka ku makwenu hinkonta ya leswi uswidaka, kutani awahayentxi hi lirandru. Hi swakuda swaku, unga vi pfuxa kulahleka ka mun'wana lweyi Kriste amufeliki.

Rm 9:1

Hi vito dra Kriste, nihlaya xihlayelamfuri na ninga hembi. A lipfalu dranga, hi kupfuniwa hi Moya wa Kuxwenga, nili:

I Kor 13:1

Nambi loko mine ningavulavula a tindrimi ta vhanu ni ta tintrumi, loko ningana lirandru, nifana ni nhumbu leyi yipfumaka, xinsimbana lexi xihambaka a mpfumawulu.

II Kor 1:12

Hikusa a lidrumo dreru drakuva vumboni bya lipfalu dreru, leswaku hi fambisiwi misaveni, hi vunene ni xihlayelamfuri xa Xikwembu Nkulukumba, akavanga hi vutivi bya vumhunu, kambe a timpswalwini ta Xikwembu Nkulukumba, mfuri ngopfu ku n'wine.

Gl 5:22

Kambe amihandru ya Moya, i lirandru, ni kutrhava, ni kurula ni kutiyisela, ni kutrhavelana ni vunene, kudumbeka, kunabyala ni kutikhoma

Gl 5:6

Hikusa ku Kriste Yesu, aku soka ni kuka kusokiwa, aswipfuni ntxhumu, kambe i kupfumela kutiraka hikola ka lirandru.

I Tmt 1:18

A leleto ledri nidrinyikaka wene n'wananga Timotewu, swanga hi kulandra a kuprofeta loku kuyentxiwiki hi tlhelo draku, leswaku ha kone, ulwa akulwa loku kunene,

I Tmt 1:19

na uni kupfumela ni lipfalu ledri drinene, ledri van'wana vangadridrela kutani vambombeliwa hi kupfumela kwavu.

I Tmt 3:9

na vabekisa a xihundla xa vupfumeli alipfalwini ledri dribasiki.

II Tmt 1:3

Ni tlangela Xikwembu Nkulukumba lweyi ni mutirelaka swanga hi vakokwana vanga, hi lipfalu ledri dribasiki; na kone anikaluti kukudrimuka aswikhongotweni swanga vusiku ni nhlikanhi.

II Tmt 1:5

hi kukumbuka kupfumela kwaku loku ngeke na kukanganyisa, loku afaka ali naku kokwana waku Loyide kusunguleni, ni mamana waku Ewunice, ni nikudumba leswaku unaku na wene.

II Tmt 2:22

Kambe trutrumela kule ni swinavelo swalava vampswha, ulandra kululama, ni kupfumela, ni lirandru, ni kurula, kun'we ni lava tivitanelaka Hosi hi timbilu leti ta kubasa.

Tito 1:15

Hinkwaswu swibasile ku lava vabasiki, kambe ku lava vanyamiki ni lava vangapfumelikiki, akuna lexi xibasiki hikusa akuyanakanya kwavu ni lipfalu dravu swinyamisiwile.

Va-Heberu 10:22

A hitrhindrekeleni hi mbilu leyi nene, ni hi kupfumela loku tiyiki, na hili ni timbilu leti tibasisiwiki, ni kubasisiwa lipfalu ledri nfani, ledri n'winhlampsiki hi mati lawa ya kubasa.

Va-Heberu 13:18

Hikhongotelani hikusa hadumba leswaku hi nilipfalu ledrinene, swanga lava va navelaka kutifambela hi kululama matlhelo hinkwawu.

Va-Heberu 9:14

ngopfu-ngopfu a ngati ya Kriste, leyi Yene atinyiketiki ku Xikwembu Nkulukumba ha swake hi Moya lowu wungahelikiki, na ngeke na xisandru, yita hi basisa timpfalu teru a mintirweni leyi mitifeliki, akuva hitakota kutirela Xikwembu Nkulukumba lweyi a hanyaka.

Yakobe 4:8

Trhindrekelani ku Xikwembu Nkulukumba na Yene atatrhindrekela ku n'wine. Hlambani mandla, vadohi; na n'wine lava va timbilu tibiri, basisani timbilu tenu.

I Ptr 1:22

Leswi n'wibasisiki a mahika yenu akuyingiseteni ka xihlayelamfuri, akuva n'wivani lirandru dra xikwavu, ledri dringalikina kukanganyisa, khinyelani a kurandraneni van'we ku van'wana, hi mbilu leyi yi basiki;

I Ptr 3:16

kambe swiyentxani hi kunabyala ni xitxhavu, n'wivani lipfalu ledrinene, akuva, ku leswi van'wifingetaka ha swone, vava ni tingana lava van'wifingetaka hi mahanyela yenu lawa manene ku Kriste.

I Ptr 3:21

lawa na n'wine, swanga xikombiso xa babatiso, man'wihuluxaka swoswi, kungali kususa nxambya ya nyama, kambe kuli kudjulela Xikwembu Nkulukumba a lipfalu ledrinene hikola ka kupfuka-kufeni ka Yesu Kriste,

I Ptr 4:8

A henhla ka hinkwaswu, randrananani ngopfu van'we ku van'wana, hikusa a lirandru drifukumeta a vunyingi bya swidoho;

II Ptr 1:7

hi vukhongoti, n'wirandrana, hi kurandrana ka lirandru.

I Yhn 3:10

Kuleswo akuhambana ka vana va Xikwembu Nkulukumba ni vana va Diyavulosi, hi loku: lweyo ni lweyo angayentxikiki kululama, mfuri angarandrikiki makwavu angapfi ku Xikwembu Nkulukumba.

I Yhn 3:23

Ledri hidrone aleleto drakwe: leswaku hi pfumela ku vito dra N'wana wakwe, Yesu Kriste, hiva hirandrana van'we ni van'wana, swanga hileleto drakwe.

I Yhn 3:3

Lweyo ni lweyo angani kulavisela ku Yene, awa tibasisa ha swake, swanga ha Yene a basiki.