I Tmt 1:18 - Testamente Ledrimpswha ni Mapsalma

¹⁸ A leleto ledri nidrinyikaka wene n'wananga Timotewu, swanga hi kulandra a kuprofeta loku kuyentxiwiki hi tlhelo draku, leswaku ha kone, ulwa akulwa loku kunene,

I Tmt 1:18 ပူးပေါင်းရင်းမြစ်များ

Mintiro Ya Vapostola 16:1

Pawulosi ayatlhasa na kone amitini ya Derbe na Listra. Kone afa kuni mupfumeli mun'we, atxhuliwaka Timotewu, n'wana wa mun'we wa wansati wa mu-Yuda wa mupfumeli, kambe a tatana wakwe afa ali mu-Girika.

I Kor 4:17

Hikola ka leswo nin'wirumeli Timotewu, anga n'wananga wa kurandreka ni kudumbeka a Hosini, akuva atan'widrimuxa a tindlela tanga ku Kriste, kukotisa leswi nidondrisaka matlhelo hinkwawu akerekeni drin'wana-ni-drin'wana.

I Kor 9:7

Hi mani lweyi asamaka aya a yimpini ni muholo wakwe, xana? Hi mani lweyi abyalaka a nsimu ya livhinya ntrhaku angadi a mihandru ya yone xana? Kumbe hi mani lweyi abyisaka a ntlhambi ava angadi a ntrwamba wa ntlhambi wolowo, xana?

Va-le-Filipiya 2:22

Kambe n'wakutiva kudumbeka kwake, leswaku atiri kun'we na mine antirweni wa Ivangeli, swanga hi n'wana ni tatana wakwe.

I Tmt 1:2

ku Timotewu n'wananga hi xihlayelamfuri akupfumeleni: Timpswalu, ni lirere ni kurula, leswi swipfaka hi le ku Xikwembu Nkulukumba Tatana weru, ni le ku Kriste Yesu Hosi yeru.

I Tmt 1:5

Kambe a nkongometo wa leleto i lirandru, ledri dripfaka ambilwini leyi yibasiki, ni le lipfalwini ledri nene, ni le kupfumeleni loku kungalikina kukanganyisa,

I Tmt 4:14

Ungatrike a kubekisa a nyiko leyi yinga ku wene, leyi unyikiwiki yone hi vuprofeta ni hi kuntlhantekiwa mavoko hi nkulu wa kereke.

I Tmt 4:4

Hikusa hinkwaswu leswi swivumbiwiki hi Xikwembu Nkulukumba i swa hombe, mfuri akuna leswi swingadreliwaka, loko swiyamukeliwa hi kutlangela,

I Tmt 6:20

Ke we' Timotewu, bekisa leswi swibekiwiki ku wene hi kudumbeka, udrela a swivula-vula swakuka-ndlela ni swakusandra, ni kukanetana ka kutiva loku kuhlayisiwaka xiswoswo na kungali kutiva;

II Tmt 1:2

ku Timotewu n'wananga lweyi arandrekaka, a timpswalu ni lirere ni kurula, leswipfaka ku Xikwembu Nkulukumba Tatana, ni le ku Kriste Yesu, Hosi yeru.

II Tmt 4:7

Nilwile akulwa loku kunene, niheti akutrutruma kwanga, nibeki akupfumela kwanga.

Tito 1:4

ku Tito n'wananga hi ntshima kupfumeleni loku kunga ka hinkweru, timpswalu ni kurula, swipfaka ku Xikwembu Nkulukumba Tatana ni le ku Kriste Yesu, Muhuluxi weru.

Filimoni 1:10

Ina, nakukombela hikola ka n'wananga Onesimo, lweyi ni mubelekiki kola bohelweni.