I Ptr 5:10 - Testamente Ledrimpswha ni Mapsalma

¹⁰ Nakone, Xikwembu Nkulukumba wa timpswalu hinkwatu, lweyi an'wivitaneliki akuphatimeni kwake loku kungahelikiki, ku Kriste Yesu, ntrhaku ka kuva n'wixaniseki kutrongonyana, atan'wipfuxeta, an'witiyisa ava an'winyika ntamu.

I Ptr 5:10 ပူးပေါင်းရင်းမြစ်များ

Lk 22:32

kambe nikukhongotelile ku Xikwembu Nkulukumba leswaku a kupfumela kwaku kungaheli. Kutani wene, loko undrulukile, tiyisa vamakwenu.

Rm 15:13

Ingi Xikwembu Nkulukumba, lweyi kulavisela kupfaka ku yene, aan'witate hi kutrhava ni kurula kupfumeleni kwenu, akuva n'wiva lava vayandriki akulaviseleni, hi ntamu wa Moya wa Kuxwenga.

Rm 15:5

Ingi Xikwembu Nkulukumba lweyi a kutiyisela ni kulavisela swipfaka ku Yene, angan'winyika kuyingelana kuvavisekeni avan'we ku van'wana, mi landra a xikombiso xa Yesu Kriste.

Rm 16:25

I Xikwembu Nkulukumba lweyi angaswikotaka a kun'wiyentxa n'witiya kupfumeleni, kufambelana ni Ivangeli leyi niyitivisiki ni hi ritu dra Kriste, swanga hi leswi hi nyikiwiki kutiva kungu dra matilo dra huluxo. A kungu ledro, dri fihliwiki kehe ku minkama hinkwayu,

Rm 9:11

Kutani ni loko vana vangasangana pswaliwa, mfuri na vangasangana yentxa lexinene kumbe leximfani, akuva a kungu dra Xikwembu Nkulukumba ledri dringa hi kutilangela ka lweyi, dritiya dringapfi mintirweni, kambe dripfa kurandreni ka lweyi angava vitana,

Rm 9:24

i nga hine lava, na kone a hivitaniki na kunge ntsena makari ka va-Yuda, kambe na kone kuva matiko man'wana.

I Kor 1:10

Nan'witratriya vamakweru hi vito dra Hosi yeru Yesu Kriste, leswaku hinkwenu n'wivulavula a ritu drin'we, kungave ni kuhambana amakari kwenu, kambe n'wiva van'we amiyanakanywini ni le mavoneleni.

I Kor 1:9

Xikwembu Nkulukumba awadumbeka, lweyi ha Yene n'wivitaniweliki kuva kun'we ni N'wanakwe Yesu Kriste, Hosi yeru.

II Kor 13:11

Leswi swisaliki vamakweru, salani, djulisisani akuva lava hetisekiki, txhavelelanani van'we ni van'wana; n'wiva ni kuyanakanya kun'we, hanyani hi kurula, kutani Xikwembu Nkulukumba wa lirandru ni kurula atava na n'wine.

II Kor 4:17

Hikusa a mahlomulo ya nkama lowu wa swoswi mavevuka, mahitisela lidrumo drakuphatima loku kungahelikiki, loku kungekena kupimanisiwa.

Va-le-Filipiya 4:13

Ningaswikota ku hinkwaswu ku lweyi anitiyisaka.

Va-le-Kolosa 2:7

n'widzima mitru na n'witiseketela ku yene, n'witiya kupfumeleni kwenu, hi laha n'widondrisiwiki ha kone n'winyika kutlangela Xikwembu Nkulukumba minkama hinkwayu.

I Tsl 2:12

akuva n'wifamba hi laha swifanekelaka Xikwembu Nkulukumba, lweyi an'wirambaka kuva n'wiva mfun'wini wakwe ni lidrun'wini.

II Tsl 2:14

Hikola ka Ivangeli yeru, Xikwembu Nkulukumba an'wivitaneli kutava ni xiyenge xa lidrumu dra Hosi yeru Yesu Kriste.

II Tsl 2:17

tatani timbilu tenu hi kudumba, ni kuminyika kutiya vuneneni, kungava hi mintiro swanga hi maritu.

II Tsl 3:3

Kambe a Hosi yidumbekile. Yone yitan'winyika ntamu ni kun'wibiyelela vubihini.

I Tmt 6:12

Lwana a yimpi leyinene ya vupfumeli, utikhomela a vutomi lebyi byingahelikiki, lebyi uvitaneliwiki byone, uviki ubyihlaya hi kutihlaya loku kunene amahlweni ka timboni letinyingi.

II Tmt 1:9

lweyi anga hi huluxa, anga hi vitana hi vitaniwo ledra kuxwenga, kunge ha mintiro yeru, eke ku hi vitana hi kutirandrela kwake, ni hi timpswalu leti hinga hananiwa tone ha Kriste Yesu, na minkama leyi mingahelikiki mingasanganava kone,

II Tmt 2:10

Hi swoswo ni tiyisela ku hinkwaswu hinkonta ya lava vahlawuliwiki, akuva na vone vakuma kuhuluka loku kunga ku Kriste Yesu, kun'we ni kuphatima loku kungahelikiki.

Va-Heberu 9:15

Hileswo-ke, Yene i mutlhanganisi wa xipfumelelanu lexi ximpswha, akuva a kufa loko, kuhumeleli kutirula swidoho leswinga tumbuluka hansi ka xipfumelelanwini lexi xa kusungula, lava vitaniwiki vanyikiwa leswi xidumbiso xa kuda pfindla ledri dringahelikiki.

I Ptr 1:15

kambe swanga hi leswi lweyi an'wivitaniki axwengiki, na n'wine xwengani amahanyeleni yenu hinkwawu,

I Ptr 4:10

Mun'wana-ni-mun'wana, hi lana ayamukeliki ha kone a nyiko, ayitiriseli van'wana, na n'wili vayaveli vanene va timpswalu leti tinyingi ta Xikwembu Nkulukumba.

I Ptr 4:11

Loko mhunu avulavula, avulavule swanga swiyangulo swa Xikwembu Nkulukumba; loko mhunu atirela van'wana, aswiyentxe hi ntamu lowu Xikwembu Nkulukumba amunyikaka, kuva ku mintxhumu hinkwayu kutwaliseka Xikwembu Nkulukumba ha Yesu Kriste, lweyi a kutwala ni ntamu swinga swake hi malembe ni malembe, Amen.

II Ptr 1:3

Hileswi hi ntamu wakwe wa vukwembu (vunkulukumba bya le henhla-henhla), ahi hananiki hinkwaswu leswifaneliki avutomi ni lirere, ni hikutivisisa lweyi ahivitaniki akuphatimeni kwake ni ntamu wakwe.

I Yhn 2:25

Lexi hixone xidumbiso lexi Yene ahidumbisiki, anga vutomi lebyingahelikiki.

Yd 1:24

Ke, Yene lweyi anganintamu wa kun'wibekisa kuswikhunguvanyiso, ni kun'wiyimisa mahlweni ka kuphatima kwake hikutrhava na mingena nandru,