I Ptr 4:1 - Testamente Ledrimpswha ni Mapsalma

¹ Leswi-ke Kriste axanisekiki anyameni, na n'wine hi mayanakanyela wolawo randranani, hikusa lweyi axanisekiki anyameni, atravukani ni xidoho,

I Ptr 4:1 ပူးပေါင်းရင်းမြစ်များ

Marka 3:3

Yesu aku ku mhunu lweyi wa kuwonyana a voko: Sekeleka uta la makari.

Rm 6:11

Hi ndlela yoleyo, tipimisani na n'wine lava feliki xidoho kambe n'wihanyela Xikwembu Nkulukumba hi kutlhanganasiwa na Yesu Kriste.

Rm 6:2

Swingatxhuki swiva tanu! Hinga hanyisa kuyini a xidohweni Hine lava ku Yene hi fiki?

Rm 6:7

Lweyi afiki antrhunxekile axidohweni.

Gl 2:20

Hikolahu, ni vambiwile kun'we na Kriste, ana ha hanyi, kambe Kriste a hanya ku mine, akuhanya loku ni hanyaka kone swoswi anyameni, ni hanya hi kupfumela, loku kunga ku N'wana wa Xikwembu Nkulukumba, lweyi anirandriki ava atinyiketa hinkonta yanga.

Gl 5:24

Kambe avaka Kriste Yesu va vambi nyama ni kurandra ni kunavela ka yone.

Ef 6:13

Hileswo-ke tamelani a matlhari hinkwawu ya Xikwembu Nkulukumba, akuva n'wita tiya sikwini ledriya dra kubiha, akuva loko n'wihlulile hinkwaswu n'witakota kutiya.

Va-le-Filipiya 2:5

Vanani ni kuyanakanya kun'we ni loku afaka kuli ku Kriste Yesu:

Va-Heberu 12:3

Yanakanyani ha yene lweyi a tiyiseliki hi ndlela leyo, loko vadohi vamukaneta, akuva n'winga trani mahikeni yenu, nambi kuhela timbilu.

Va-Heberu 4:10

Hikusa lweyi anhingeniki akuwiseni ka Xikwembu Nkulukumba, awisile na yene amintirweni yake, swanga ha Xikwembu Nkulukumba awisiki.

I Ptr 2:21

Ke n'wivitaneliwi swoleswo, hikusa na yene Kriste axanisekeli n'wine ava an'wisiyela a xikombiso, akuva n'wilandra a mintila yake,

I Ptr 3:18

Hikuva na yene Kriste axaniseki kan'we hinkonta ya swidoho, yene Mululami, hinkonta ya vasomboloki, akuva an'wiyisa ku Xikwembu Nkulukumba; yene hi tlhelo drin'we afiki anyameni, kambe hi tlhelo drin'wana ahanyisiwiki amoyeni;