I Ptr 3:22 - Testamente Ledrimpswha ni Mapsalma

²² lweyi anga xineneni xa Xikwembu Nkulukumba, ntrhaku ka loko atlhantukeli Matilweni, abekiki a hansi kwake a tintrumi, ni vuhosi, ni mintamu hinkwayu.

I Ptr 3:22 ပူးပေါင်းရင်းမြစ်များ

Mt 22:44

A HOSI yati ku HOSI yanga: Trhamisa axineneni xanga, nikondra nibeka a valala vaku a hansi ka minkondro yaku.

Mt 28:18

Kolahu Yesu atrhindrekela akhanela navu aku: Ninyikiwi ntamu hinkwawu ni vuhosi atilweni ni le misaveni.

Marka 12:36

Yene Davida, hi ntshima yake, ahlayi hi kuhuhuteliwa hi Moya wa Kuxwenga aku: Xikwembu Nkulukumba ati ku Hosi yanga: Trhamisa avokweni dranga dra xinene, nikondra nibeka a valala vaku a hansi ka minkondro yaku.

Marka 16:19

Ntrhaku kakuva akhaneli ni vadrondrisiwa, Hosi Yesu atekeliwi atilweni, ayatrhamisa axineneni xa Xikwembu Nkulukumba.

Lk 20:42

Kasi na ye Davida ahlaya a bukwini dra swidrumiso; aku: Xikwembu Nkulukumba ati ku Hosi yanga: Trhamisa xineneni xanga,

Yohana 13:32

Loko Xikwembu Nkulukumba atwalisiwile ku yene, na yene Xikwembu Nkulukumba atamutwalisa amahlweni kwake, atahatla amutwalisa.

Mintiro Ya Vapostola 1:11

volavo vaku ku vone: Vavanuna va Galileya! Xana n'wiyimeli yini kolahu na n'wilavisa Tilweni? Yesu yelweyi asukiki ku n'wine aya Tilweni, atatlhela abuya hi ndlela yoleyi n'wimuvoniki antlhantuka ha yone.

Mintiro Ya Vapostola 3:21

lweyi swifanekeliki a tilo drimuyamukela kukondra kutlhasa minkama ya kupfuxetiwa ka hinkwaswu, leyi Xikwembu Nkulukumba angakhanela ha yone khale, hi nomu wa vaprofeta va kuxwenga vakwe.

Rm 8:34

Hi mani lweyi atakavayavanyisa? I Kriste Yesu lweyi a fiki, kumbe xana, lweyi apfukiki kufeni, na kone anga vokweni dra xinene dra Xikwembu Nkulukumba mfuri a hi kombelelaka.

Rm 8:38

Hikusa nakholwisisa leswaku, nambi ka kuva kufa, nambi bya kuva vutomi; nambi swakuva swirun'wa kumbe min'wana minfumu kumbe mintamu ya moya; nambi swakuva swa swoswi, nambi swakuva leswi switaka;

I Kor 15:24

Ntrhaku ata vugamu, atanyiketa a mfumu ku Xikwembu Nkulukumba ni Tatana, loko atava ahohloti a vuhosi hinkwabyu, ni kufuma hinkwaku, ni mintamu hinkwayu.

Va-le-Kolosa 3:1

Hikolahu-ke leswi n'wipfuxiwiki kun'we na Kriste swoswi, djulisisani mintxhumu leyi minga ya le tilweni, lomu Kriste atrhamiki kone axitrhan'wini xa lidrumu xineneni xa Xikwembu Nkulukumba.

Va-Heberu 1:13

Ke, hi yini kutintrumi asamiki ahlaya ni leswaku: Trhamisa xineneni xanga ni ko ni beka valala vaku a hansi ka minkondro yaku.

Va-Heberu 1:3

Yene lweyi angakuphatima ka lidrumu drakwe, ni ritu dra kuhetiseka dra vumhunu byake, atameli mintxhumu hinkwayu hi ritu dra ntamu wakwe. Ntrhaku ka kuva a yentxile ntiro wa kuhlampswa swihono, ateki vutrhamu byake xineneni xavunkulukumba, a henhla-henhla.

Va-Heberu 1:6

Na kambe, loko akurumela N'wana wakwe lweyi wa kuva swake misaveni ate: Atintrumi hinkwatu ta Xikwembu Nkulukumba tifanela kumugandrela!

Va-Heberu 10:12

Kambe Yesu loko ahumexi mhamba yin'we ntsena hinkonta ya swihono hi laha kungahelikiki, ali kuya trhamisa avokweni dra xinene dra Xikwembu Nkulukumba.

Va-Heberu 12:2

Na hi lavisa ku Yesu hikutiya, amuvangi ni muhetisisi wa kupfumela, lweyi hi kunyoxa loku abekeliwiki kone atiyiseliki xihambanwini, adrela tingana ta xone, swoswi atrhami xineneni xa xiluvelo xa Xikwembu Nkulukumba.

Va-Heberu 4:14

Ke, leswi hinga na Yesu, n'wana wa Xikwembu Nkulukumba, swanga muprista lwenkulu, lweyi atremakanyiki matilo, ahitiyeni akupfumeleni kweru.

Va-Heberu 6:20

lomu Yesu anganhingena hinkonta yeru, avamurangeli weru, lweyi atiyentxiki muprista lwenkulu hi laha kungahelikiki hi ndlela ya Melkisedeki.

Va-Heberu 8:1

A xalisima lexi hihlayiki xone hileswaku hinani muprista lwenkulu lweyi wa kutanu, lweyi atrhamisiki avokweni dra xinene dra xiluvelo xa vukulu bya le Matilweni,

Va-Heberu 9:24

Hikusa Kriste anga nhingenanga ambangwini wa kuxwenga lowu yentxiwiki hi mavoko, lexi xinga xifaniso ntsena xa lowu wunga wone. Kambe atilweni antshima ya drone, ayahumelela swoswi amahlweni ka Xikwembu Nkulukumba ahikombelelaka.