I Ptr 3:18 - Testamente Ledrimpswha ni Mapsalma

¹⁸ Hikuva na yene Kriste axaniseki kan'we hinkonta ya swidoho, yene Mululami, hinkonta ya vasomboloki, akuva an'wiyisa ku Xikwembu Nkulukumba; yene hi tlhelo drin'we afiki anyameni, kambe hi tlhelo drin'wana ahanyisiwiki amoyeni;

I Ptr 3:18 ပူးပေါင်းရင်းမြစ်များ

Mt 27:19

Kuti loko atrhamisi ahubyeni, a nsati wakwe arumela a ritu aku ku yene: Kungatxhuke kuvani ntxhumu amakari kwaku ni mululami lweyo, hikusa nixaniseki ngopfu namuhla, anorweni, hinkonta yake.

Mt 27:24

Pilatu loko avona leswaku angakoti ntxhumu, ni leswi a pongwe, driyaka mahlweni, ateka mati ahlamba mandla amahlweni ka xitrhungu aku: Ningavena nandru angatini ya mululami lweyi; swivonani n'wine.

Yohana 16:10

a kululama hikuva nimuka ku Tatana, n'wine n'wingahanivoni;

Mintiro Ya Vapostola 22:14

Kolahu yene aku: Xikwembu Nkulukumba wa vatatana veru akuhlawuleli kuva utiva kurandra kwake, uva uvona Mululami wakwe ni kuva uyingela a ritu dra nomo wakwe.

Mintiro Ya Vapostola 3:14

N'wiyali lweyi wa kuxwenga ni wa kululama, n'wavi n'wikombela kuva kuntrhunxiwa wanuna wa mudlayi.

Rm 1:4

kambe a kombisiwiki hi ntamu leswaku, i N'wana wa Xikwembu Nkulukumba hinkonta ya Moya wa Kuxwenga, hi kupfuka kwake ku vafi, anga Yesu Kriste a Hosi Yeru.

Rm 4:25

Lweyi anyiketiwiki kufeni hinkonta ya swidoho sweru ni kumupfuxa, ni kuhlayiwa kweru a vululami.

Rm 5:2

Lweyi ha Yene hikumiki hi kupfumela, timpswalu leti hitiyiki ku tone, nakone hititwalisa akulaviseleni ka kuphatima ka Xikwembu Nkulukumba.

Rm 8:11

Hakunene loko n'wili ni Moya wa lweyi angapfuxa Yesu aku feni, yelweyi kunene a pfuxiki Kriste Yesu aku feni atahanyisa miri yenu leyi mi faka, hinkonta ya Moya wakwe lowu trhamaka ku n'wine.

Rm 8:3

Hikusa leswi afaka swinga koteki ku nawu, hi leswi afaka wu hikola ka nyama, Xikwembu Nkulukumba a yentxile leswi hi ku rumela N'wana wakwe hiku fana ni nyama ya xidoho, xiswoswo, Xikwembu Nkulukumba a yavanyisile Xidoho a nyameni.

II Kor 1:24

Anirandri kuva n'winyi wa vupfumeli byenu, Kambe hi tirisana na n'wine akuva n'wikuma kutrhava, hikusa hi kupfumela n'witiyile.

II Kor 13:4

Hikusa, kunene, avambiwile a gomeni, ku hinkwaswu, awa hanya hi ntamu wa Xikwembu Nkulukumba, hikuva na hini gome ha Yene, kambe hita hanya ha Yene, hi muhanyela hi ntamu wa Xikwembu Nkulukumba.

II Kor 5:21

Lweyi afa angativi xidoho, kambe Yene amuyentxi xidoho ha hine; akuva ha Yene hiva vakululama ka Xikwembu Nkulukumba.

Gl 1:4

Lweyi atinyiketiki ha swake, hinkonta ya swidoho sweru, akuva ahi kulula misaveni leyi minfani, leyi hinga ku yone, ahetisisa xileswi hikurandra ka Xikwembu Nkulukumba, Tatana weru.

Gl 3:13

Kriste ahintrhunxi kuruketeliweni ka nawu, yene atiyentxi xiruku hinkonta yeru, hikusa a Matralwa mali: Kuruketeliwi mani na mani lweyi a hayekiwiki mhandreni,

Ef 3:12

Kuvi hi kupfumela ku Kriste ni kutlhangana na yene loku hine hi twaka ntrhunxeko wa kuva hi tikombisa mahlweni ka Xikwembu Nkulukumba, na hitali hi kudumba.

Tito 2:14

lweyi atinyikeliki ha vuswake hi kola kweru, akuva ahitirula ku vusomboloki hinkwabyu, ava atibasisela a ntalu wa vhanu lava vanga vakwe ntsena, lava vakukhinyela ku mintiro leminene

Va-Heberu 10:10

Hikusa akurandreni kwake koloko, hine ha xwengisiwile kan'we, hiku humexeliwa ka miri ya Yesu Kriste.

Va-Heberu 9:14

ngopfu-ngopfu a ngati ya Kriste, leyi Yene atinyiketiki ku Xikwembu Nkulukumba ha swake hi Moya lowu wungahelikiki, na ngeke na xisandru, yita hi basisa timpfalu teru a mintirweni leyi mitifeliki, akuva hitakota kutirela Xikwembu Nkulukumba lweyi a hanyaka.

Va-Heberu 9:26

Hikusa loko swilitanu, afa afanekelile kuxaniseka ha kunyingi, kusukela akutumbulukeni ka misava. Kambe swoswi ahumeleli kan'we akuhetisekeni ka minkama, atadrivalela swidoho hi kutinyiketa ava mhamba.

Va-Heberu 9:28

Hiswoswo ke, Kriste ahumexiwi kan'we kususa swidoho swa vhanu. Ntrhaku ata humelela nangweso, kunge ha kutata susa xidoho, kambe a kutata huluxa lava mulaviselaka.

Yakobe 5:6

n'wiyavanyisile, ni kudlaya lweyi wakululama, na angan'wiyaleli.

I Ptr 3:19

lowu ha wone ayiki ayarera ku mimoya leyi afaka mili bohelweni,

I Ptr 4:1

Leswi-ke Kriste axanisekiki anyameni, na n'wine hi mayanakanyela wolawo randranani, hikusa lweyi axanisekiki anyameni, atravukani ni xidoho,

I Ptr 4:6

Avi hikola ka leswo a Ivangeli yidrunguleliwiki na kone ku lava va kufa, akuva, hi tlhelo drin'we, vatayavanyisiwa hi kulandra a mahanyela ya ximhunu anyameni, kambe hi tlhelo drin'wana vatahanya, amoyeni, hi kulandra kurandra ka Xikwembu Nkulukumba.

I Yhn 1:9

Loko hitihlaya swidoho sweru Xikwembu awadumbeka, alulamile kuhi drivalela swidoho sweru ni kuhi basisa avusombolokeni hinkwabyu.