I Ptr 3:14 - Testamente Ledrimpswha ni Mapsalma

¹⁴ Kambe, na kone loko n'witxhuka n'wixaniseka hinkonta ya vululami, n'wikatekile. N'wingatxhaveni kutxhavisela ka vhanu, mfuri n'wingakaratekeni ha ntxhumu,

I Ptr 3:14 ပူးပေါင်းရင်းမြစ်များ

Mt 10:28

Nakone n'wingatxhaveni lava vadlayaka a miri, na vangakotiki kudlaya a hika; kambe txhavani ngopfu lweyi angani ntamu wa kusuvisa a hika ni miri akheleni dra ndrilo.

Mt 10:31

Hileswo-ke n'wingavi txhava! N'wine n'witlula a swinyanyatana leswi swinyingi.

Mt 10:39

Lweyi abekisaka a vutomi byake atabyilahla, kambe lweyi alahlekeliwaka hi vutomi byake hinkonta yanga, atatlhela abyikuma.

Mt 16:25

Hikusa lweyi arandraka kuhuluxa vutomi byake atabyilahla; kambe lweyi atakalahla vutomi byake hikola kwanga, atabyikuma.

Mt 19:29

Mun'wana-ni-mun'wana lweyi atrikiki tiyindlu, vamakwavu va xinuna ni va xisati, ni tatana wakwe kumbe mamana wakwe, kumbe nsati ni vana, kumbe masimu hinkonta yanga, atayamukela hi ka dzana (100) ni kuhindra, ava ada pfindla dra vutomi lebyi byingahelikiki.

Marka 10:29

Yesu aku: Nihlayelamfuri nili: Mani na mani lweyi atrikiki yindlu, kumbe vamakwavu vaxinuna ni vaxisati, kumbe mamana wakwe, kumbe tatana wakwe, kumbe vana, kumbe masimu, ha mine, ni hikola ka Ivangeli,

Marka 8:35

Hikusa lweyi arandraka kuhuluxa a vutomi byake atabyilahla, kambe lweyi atakalahla a vutomi byake ha mine ni hi dondriso dranga, yene atabyihuluxa.

Yohana 14:1

A timbilu tenu tingaganaganeki; pfumelani ku Xikwembu Nkulukumba; n'wipfumela ni le ku mine.

Yohana 14:27

Nin'wisiyela kurula, nin'winyika kurula kwanga. Anin'winyikisi xileswi misava minyikisaka xiswone. A timbilu tenu tingatxhuki tiganaganeka, tingatxhuki titxhava.

Mintiro Ya Vapostola 9:16

Hikusa nitamukomba mahlomulu hinkwawu atakafanela kumayingela hinkonta ya vito dranga.

II Kor 12:10

Na nyoxa hikola ka gome, aswiruko, akupfumala, akuxanisiwa ni kubindreliwa hinkonta ya lirandru dra Kriste. Hikusa, loko nini gome, lahu hi kone ninga ni ntamu.

Va-le-Filipiya 1:29

Hikusa hinkonta ya Kriste n'winyikiwile, kunge hi kupfumela ku Yene ntsena, kambe na swone hi kuvaviseka ha Yene;

Yakobe 1:12

Anindjombo lweyi atiyiselaka mindringweni, hikuva loko akumiwa na atiyiselili andringweni atayamukela a ngiyana ya vutomi lebyi byingahelikiki, lebyi Xikwembu Nkulukumba adridumbisiki lava vamurandraka.

Yakobe 5:11

Hili, vakatekile lava vatiyiseliki. N'wine n'wiswiyingelile loko kukhaneliwa hi kulavisela ka Yob, na kone n'wiswivonile, a Hosi yi munyikile; hikusa a Hosi yitali hi timpswalu ni lirere.

I Ptr 3:6

swanga ha Sara ayingisetiki Abrahamu, na amuhlaya n'winyi wakwe; Sara lweyi n'wine n'windrulukiki vana vakwe hi kuyentxa leswinene na n'wingatxhavisiwi ha ntxhumu.