I Ptr 2:2 - Testamente Ledrimpswha ni Mapsalma

² swanga swihlangi leswi swahaka kubelekiwa, navelani a ntrwamba lowu nene wa moya, akuva ha wone n'wikula akuhulukeni,

I Ptr 2:2 ပူးပေါင်းရင်းမြစ်များ

Mt 18:3

aku: Nihlayelamfuri nili ku n'wine: Loko n'wingandruluki n'wiva swanga hi vatrongwana, n'wingaka n'winganhingeni a Mfun'wini wa Matilo.

Mt 19:14

Kambe Yesu aku ku vone: Trikani vatrongwana vata ku mine. N'wingavasiveleni hikusa a Mfumu wa Matilo i wa lava vanga ha vone.

Marka 10:15

Drimukani leswi: lweyi wakuka angayamukeli a Mfumu wa Xikwembu Nkulukumba swanga hi ntrongwana angaka anganhingeni ku wone.

Lk 18:17

Nihlayelamfuri nili ku n'wine, lweyi angayamukelikiki a Mfumu wa Xikwembu Nkulukumba swanga hi ntrongwana, angaka anganhingeni ku wone.

Rm 6:4

Hilahliwi kun'we na Yene, hi Babatiso ku lifu, akuva, swanga hi leswi Kriste apfuxiwiki akufeni hi kuphatima ka Tatana, na hine hi famba hi vutomi lebyi byimpswha.

I Kor 14:20

Vamakweru, n'wingavaneni switrongotwana amayanakanyeleni, vanani switrongotwana ku leswi swimfani; kambe amayanakanyeleni, vanani lava vawupfiki.

Ef 2:21

Na yene Kriste lweyi a yindlu hinkwayu yitiyisiwiki ni kuva yikula, yiko yitindruluta yindlu ya Xikwembu Nkulukumba leyi twalisaka Hosi.

Ef 4:15

Kambe hikulandra a xihlayelamfuri alirandrwini, ahi kuleni hi matlhelo hinkwawu, ku lweyi anga nhloko, anga Kriste,

II Tsl 1:3

I mfanelo yeru kutlangela Xikwembu Nkulukumba hi minkama hinkwayu ha n'wine vamakweru. Swanga hi leswi swifanelekiki, hikusa a kupfumela kwenu kuvi kukula ni kuhuhuma ka lirandru drenu ku mun'wana-ni-mun'wana dra yengetelana.

I Ptr 1:23

n'wine n'wibelekiwi dra vubiri, kungali hi mbewu leyi yibolaka, kambe leyi yingabolikiki hikola ka Ritu dra Xikwembu Nkulukumba, ledri drihanyaka mfuri dringa kone minkama hinkwayu.

II Ptr 3:18

Kutlula hinkwaswu, yanani mahlweni n'wikula atimpswalwini ni le kutiveni ka Hosi yeru ni Muhuluxi Yesu Kriste. Ku yene akunyikiwe lidrumu, kusukela swoswi nikuyatlhasa sikwini ledringahelikiki! Amen.