I Ptr 1:22 - Testamente Ledrimpswha ni Mapsalma

²² Leswi n'wibasisiki a mahika yenu akuyingiseteni ka xihlayelamfuri, akuva n'wivani lirandru dra xikwavu, ledri dringalikina kukanganyisa, khinyelani a kurandraneni van'we ku van'wana, hi mbilu leyi yi basiki;

I Ptr 1:22 ပူးပေါင်းရင်းမြစ်များ

Yohana 15:17

Leswi nin'wileletaka swone hileswaku n'wirandrana!

Yohana 15:3

Niswoswi n'wine n'wibasile, hikola ka ritu ledri nin'wibyeliki drone.

Yohana 17:17

Vaxwengisi axihlayelamfurini xaku; a ritu draku hi xo xihlayelamfuri.

Yohana 17:19

Kutani nitixwengisela vone, akuva na vone vava lava vaxwengisiwiki axihlayelamfurini.

Mintiro Ya Vapostola 15:9

Mfuri angahambanisanga ntxhumu ni mun'we amakari kweru na vone, hikusa avadrivaleli swidoho na vone, hi kupfumela.

Mintiro Ya Vapostola 6:7

A ritu dra Xikwembu Nkulukumba afa driya mahlweni, na yone nhlayu ya vadondrisiwa afa yiyandra ngopfu a Yerusalema; mfuri a vunyingi bya vaprista afa vayamukela vupfumeli.

Rm 1:5

Kuvi hikola kwake hi yamukeliki a timpswalu ni vurumiwa, kuyisela kuyingiseteni ka kupfumela, amakari ka vhanu va-Matiko hinkwawu hinkonta ya vito drakwe.

Rm 2:8

Kambe atavanyika xikhatiso lexakunono'wha lava vamupfukelaka ni lava vangamupfumelikiki hi xihlayelamfuri, kambe valandrelela vubihi.

Rm 8:13

Loko n'wine n'wihanya hi kunavela ka nyama, n'wikongoma kufeni; kambe loko hi Moya n'widlaya mintiho ya vudohi, xileswo n'wine n'witahanya.

II Kor 6:6

Ni hikubasa, ni kutiva, nihi kulehisa mbilu, ni vunene, nihi ka Moya wakuxwenga, hi lirandu na kungena kukanganyisa,

Gl 3:1

Hayi! Vagalatiya, masinge ndrun'wine! N'wikanganyisiwi hi mani xana? N'wine lava ni n'wiyentxiki n'wivona Yesu Kriste lwa vambiwiki.

Gl 5:5

Hikusa hine, hikola ka Moya hi rindrela hi kulavisela ka kululama loku kutaka hi kupfumela.

Gl 5:7

N'wine leswi afaka n'witrutruma swinene, i mani lweyi a n'wiyimisiki kuya mahlweni hi kulandra xihlayelamfuri xana?

Ef 4:3

N'wikhinyela kubekisa vumun'we bya Moya hi kutrimbana ka kurula van'we ku van'wana:

Va-le-Filipiya 1:9

Nakone nikhongota leswaku a lirandru drenu drihundrisa a kukula hi vutlhari ni kuyingelisisa,

I Tsl 3:12

A Hosi yinga yengetela ni kuyentxa lirandru drenu drikula ku van'we ni kuva van'wana ni kuhinkwavu. Swanga hi leswi na hine hin'wirandraka.

II Tsl 1:3

I mfanelo yeru kutlangela Xikwembu Nkulukumba hi minkama hinkwayu ha n'wine vamakweru. Swanga hi leswi swifanelekiki, hikusa a kupfumela kwenu kuvi kukula ni kuhuhuma ka lirandru drenu ku mun'wana-ni-mun'wana dra yengetelana.

II Tsl 2:13

Kambe loko ali hine, vamakweru lava varandrekaka Hosisni, hi fanela kutlangela Xikwembu Nkulukumba, himinkama hinkwayu hikola kwenu. Hikusa Yone yin'wihlawulile akuva vakuranga kuyamukela kuhuluxiwa, hi ntiro wa Moya ni hi kupfumela kwenu ku xihlayelamfuri.

I Tmt 1:3

Hiswoleswo nikutratriyiki ha swone, loko niya Makedoniya, leswaku utrhama a Efesa, akuva uleleta van'we leswaku vangatxhuke vadondrisa tin'wana tidondro,

I Tmt 1:5

Kambe a nkongometo wa leleto i lirandru, ledri dripfaka ambilwini leyi yibasiki, ni le lipfalwini ledri nene, ni le kupfumeleni loku kungalikina kukanganyisa,

I Tmt 4:12

Kungavi na mhunu lweyi asolaka a vumpswha byaku, kambe vana xikombiso ku vapfumeli, aritwini, amahanyeleni, aliradrwini, akupfumeleni ni le kubaseni ka mbilu.

I Tmt 5:2

ni vhanu vakuduhwala va xisati, swanga vamamana vaku, ni lava vampswha va xisati, swanga vamakwenu, hi kubasa ka mbilu hinkwaku.

II Tmt 1:14

Leswi swinene leswi swibekiwiki ku wene, swibekise hi Moya wa Kuxwenga lowu trhamaka ndreni kweru.

Va-Heberu 11:8

Hi kupfumela Abrahamu ayingiseti loko avitaniwile akuva, kutani asuki atiyela atikweni ledri afaka atanyikiwa drone swanga pfindla. Asuki a famba na angakutivi lomu ayaka kone.

Va-Heberu 13:1

Yanani mahlweni n'wiva ni lirandru drawu kwavu.

Va-Heberu 5:9

Kuti loko ahetisekisiwile, andruluki Muvangi wa huluku ledri dringahelikiki ku hinkwavu lava vamuyingisetaka.

Va-Heberu 6:10

Hikusa Xikwembu Nkulukumba angana mona, akuva adrivala ntiro wenu ni lirandru ledri n'widrikombisiki ku vito drakwe, hikusa n'witirelile, mfuri n'wahata tirela vahlawuliwa.

Va-Heberu 9:14

ngopfu-ngopfu a ngati ya Kriste, leyi Yene atinyiketiki ku Xikwembu Nkulukumba ha swake hi Moya lowu wungahelikiki, na ngeke na xisandru, yita hi basisa timpfalu teru a mintirweni leyi mitifeliki, akuva hitakota kutirela Xikwembu Nkulukumba lweyi a hanyaka.

Yakobe 1:21

Ke, bekani hi tlhelo xambya hinkwayu ni mona lowu wuhundrisaka kutani n'wiyamukela hi kutitrongohata a Ritu ledri dribyaliwiki ku n'wine, ledri dringa ni ntamu akuva drihuluxa vutomi.

Yakobe 4:8

Trhindrekelani ku Xikwembu Nkulukumba na Yene atatrhindrekela ku n'wine. Hlambani mandla, vadohi; na n'wine lava va timbilu tibiri, basisani timbilu tenu.

I Ptr 1:2

vahlawuliwiki hi Xikwembu Nkulukumba Tatana, angativela vone a khale, vaxwengisiwiki hi Moya akuva vayingiseta, ni hi kuxuviwa hi ngati ya Yesu Kriste, a timpswalu ni kurula aswive hi ntalu ku n'wine.

I Ptr 2:17

Vana ni xihluwa ku hinkwavu, randrani a vukwavu, txhavani Xikwembu Nkulukumba, n'wivani xihluwa ku mufumi.

I Ptr 3:1

Vavasati, na n'wine tibekani hansi amahlweni ka vanuna venu, akuva loko kuni lava vayalaka a ritu, hi mahanyela yenu, kungali hi kuvulavula, na vone vakokiwa,

I Ptr 3:20

leyi a khale miyaliki a kuyingiseta, loko Xikwembu Nkulukumba, ahayimela hi kuleha-ka-mbilu, amasikwini ya Nowa, loko kahayakiwa a ngalawa, leyi kungahuluxiwa ha yone a vhanu vatrongo, hileswaku, ntlhanu na vararu, amakari ka mati;

I Ptr 3:8

Hi vugamu, vanani va mayanakanyela man'we, n'wili va kutretrelela, n'wini lirandru dra xikwavu, n'wivani vumbilu ni kutitrongohata,

I Ptr 4:17

Hikusa i nkama wa kusungula a kuyavanyisa, kusungula hi yindlu ya Xikwembu Nkulukumba; ke, loko kusungula ha hine, byitava byini a vugamu bya lava va kuka-kuyingiseta a Ivangeli ya Xikwembu Nkulukumba, xana?

I Ptr 4:8

A henhla ka hinkwaswu, randrananani ngopfu van'we ku van'wana, hikusa a lirandru drifukumeta a vunyingi bya swidoho;

II Ptr 1:7

hi vukhongoti, n'wirandrana, hi kurandrana ka lirandru.

I Yhn 3:11

Hikusa i ritu ledri n'wine n'widriyingeliki kusukela kusunguleni, ledri draku: hirandrananeni van'we ku van'wana.

I Yhn 3:23

Ledri hidrone aleleto drakwe: leswaku hi pfumela ku vito dra N'wana wakwe, Yesu Kriste, hiva hirandrana van'we ni van'wana, swanga hileleto drakwe.

I Yhn 4:12

Anga kone mhunu lweyi asamaka a vona Xikwembu Nkulukumba ni siku ni drin'we, loko hine hirandranana, van'we ku van'wana Xikwembu ale ku hine, kutani a lirandru drakwe driyentxa hikuhetiseka avutomi byeru.

I Yhn 4:20

Loko mhunu aku arandra Xikwembu Nkulukumba, nakasi ahambula makwavu, ani madrimi. Ha kunene, lweyi angarandrikiki makwavu, lweyi amuvonaka, anganakuswikota akurandra Xikwembu Nkulukumba, lweyi angamuvonikiki!

I Yhn 4:7

Varandriwa, ahirandraneni van'we ku van'wana, hikusa a lirandru dripfa ku Xikwembu Nkulukumba. Mun'wana-ni-mun'wana lweyi arandraka apswaliwi hi Xikwembu Nkulukumba, na swone ativa Xikwembu Nkulukumba.

Mpfuletelo 2:4

Kambe nini lexi nixisolaka ku wene: hileswaku a lirandru draku dra kusungula udritrikile.