I Ptr 1:15 - Testamente Ledrimpswha ni Mapsalma

¹⁵ kambe swanga hi leswi lweyi an'wivitaniki axwengiki, na n'wine xwengani amahanyeleni yenu hinkwawu,

I Ptr 1:15 ပူးပေါင်းရင်းမြစ်များ

Mt 5:48

Kolahu-ke, vanani lava vahetisekiki, swanga hi Tatana wenu lweyi anga Matilweni ahetisekiki.

Rm 9:24

i nga hine lava, na kone a hivitaniki na kunge ntsena makari ka va-Yuda, kambe na kone kuva matiko man'wana.

II Kor 7:1

Leswi hinga ni swidumbiso leswo varandriwa, Ahi tibasiseni swidoho sweru ku hinkwaswu, swingava swa nyama, kumbe swa moya, hi hetiseka avululameni byeru, ni kutxhava Xikwembu Nkulukumba.

Va-le-Filipiya 1:27

N'wifanela kutifambela hi vunene hi kulandra hi Ivangeli ya Kriste. Akuva nambi ni djula kuta, nita nitan'wivona, nambi ninge kone, niyingela timhaka tenu ta leswaku, n'wile moyeni mun'we, n'wilwa kun'we avupfumeleni bya Ivangeli.

Va-le-Filipiya 3:14

nitrutruma niya ankongometweni, akuva nitakuma a hakelo dra kuvitaniwa loku kulu hi Xikwembu Nkulukumba ku Kriste Yesu.

Va-le-Filipiya 3:20

Kambe a muti weru wu le Matilweni, lomu na kone hi laviselaka aku buya ka Muhuluxi, a Hosi, Yesu Kriste.

I Tsl 2:12

akuva n'wifamba hi laha swifanekelaka Xikwembu Nkulukumba, lweyi an'wirambaka kuva n'wiva mfun'wini wakwe ni lidrun'wini.

I Tmt 4:12

Kungavi na mhunu lweyi asolaka a vumpswha byaku, kambe vana xikombiso ku vapfumeli, aritwini, amahanyeleni, aliradrwini, akupfumeleni ni le kubaseni ka mbilu.

II Tmt 1:9

lweyi anga hi huluxa, anga hi vitana hi vitaniwo ledra kuxwenga, kunge ha mintiro yeru, eke ku hi vitana hi kutirandrela kwake, ni hi timpswalu leti hinga hananiwa tone ha Kriste Yesu, na minkama leyi mingahelikiki mingasanganava kone,

Tito 3:14

Na vone a vaka-kweru avadondre a kutinyiketela amintirweni leminene lomu kunganikuvilela, akuva vangativa lava vakuka-vangabindruli mihandru.

Tito 3:8

Aritu ledri dradumbeka; nidjula leswaku, mayelano ni mintxhumu leyo, utiyisa hi kudumba, akuva lava vapfumeliki ku Xikwembu Nkulukumba, vakhinyela kutinyiketa amintirweni le minene. Leswo i swinene, swipfuna vhanu.

Va-Heberu 12:14

Djulani kurulisana ni hinkwavu, ni kutixwengisa, handle ka leswo, akuna mhunu angaswikotaka kuvona Hosi,

Va-Heberu 13:5

A mahanyeleni yenu n'wingavi pfumela kufumiwa hi lirandru dra mali, trhavani hi leswi n'winga naswu, hikusa Yene ate: Ningatikutrhika ni kutrongo, nambi kukusukela.

Yakobe 3:13

A kone makari kwenu anganivutlhari ni vutivi xana? Aakombise hi kunabyala ni hivutlhari a mintiro yake, ni hi mahanyela lawa manene.

I Ptr 2:12

n'wiva ni mahanyela manene amakari ka va-Matiko, akuva, leswi van'wihlevaka ha swone swanga tinsulavoya, hi kuvona a mintiro yenu leminene, vatatwalisa Xikwembu Nkulukumba hi siku ledri atakavayendrela ha drone.

I Ptr 2:9

Kambe n'wine lixaka dra kuhlawuliwa, vuprista bya vuhosi, tiko drakuhlawuleka, xitrhungu xilumbaka ntsena Xikwembu Nkulukumba, akuva n'witivisa a vunene bya lweyi an'wivitaniki amunyameni, an'witisa alivaningweni drakwe dra kuhlamalisa;

I Ptr 3:16

kambe swiyentxani hi kunabyala ni xitxhavu, n'wivani lipfalu ledrinene, akuva, ku leswi van'wifingetaka ha swone, vava ni tingana lava van'wifingetaka hi mahanyela yenu lawa manene ku Kriste.

I Ptr 5:10

Nakone, Xikwembu Nkulukumba wa timpswalu hinkwatu, lweyi an'wivitaneliki akuphatimeni kwake loku kungahelikiki, ku Kriste Yesu, ntrhaku ka kuva n'wixaniseki kutrongonyana, atan'wipfuxeta, an'witiyisa ava an'winyika ntamu.

I Yhn 3:3

Lweyo ni lweyo angani kulavisela ku Yene, awa tibasisa ha swake, swanga ha Yene a basiki.

Mpfuletelo 3:7

Ku ntrumi leyi yinga kerekeni ledri dringa Filadelifiya trala, uku: Lweyi wa kuxwenga ni wa xihlayelamfuri, lweyi angani mpfungulu wa Davida, lweyi apfulaka kungapfali mhunu, lweyi apfalaka kungapfuli mhunu, ahlaya leswi:

Mpfuletelo 4:8

Mfuri a swivumbiwa leswi swa mune, xin'wana-ni-xin'wana, afa xini ntlhanu na drin'we wa timpapa; na switali hi mahlu amatlhelweni hinkwawu ni le ndreni, na swingawisi akuhlaya, nhlikanhi ni vusiku swiku: Wa kuxwenga, wa kuxwenga, wa kuxwenga, hi Hosi, Xikwembu Nkulukumba wa ntamu hinkwawu; lweyi afaka ali kone, lweyi anga kone, ni lweyi atakata!

Mpfuletelo 6:10

Na vabandlukana hi ritu ledri kulu vaku: Kutakota kuva ha drini, we Hosi ya kuxwenga ni ya xihlayelamfuri, ungayavanyisiki ni kudrihisa a ngati yeru, ku lava vayakiki misaveni?