I Kor 8:3 - Testamente Ledrimpswha ni Mapsalma

³ Kambe loko a mhunu arandra Xikwembu Nkulukumba, ativiwa ha Yene (Xikwembu Nkulukumba).

I Kor 8:3 ပူးပေါင်းရင်းမြစ်များ

Mt 7:23

Kutani mine nitavayangula niku: Anisami nin'witiva. Sukani ku mine, n'wine vayentxi va swidoho!

Yohana 10:14

Hi mine Mubyisi lweyi munene. Nitiva tihamba tanga, na tone tanitiva.

Yohana 21:17

Atlhela aku ku yene dra vuraru: Simoni, n'wana Yohana, xana wanirandra xana? Petrosi avaviseka hi mhaka ya leswi amuvutisiki dra vuraru aku: Xana wanirandra xana? Kutani aku ku yene: Hosi, utiva hinkwaswu, waswitiva leswaku nakurandra. Yesu aku ku yene: Byisa tihamba tanga.

Rm 11:2

Xikwembu Nkulukumba angatxukumetanga tiko drakwe, ledri angadrihlawula kehe kusunguleni. Xana n'wine an'wiswitivi leswi a Matralwa ya Kuxwenga ma hlayaka swone ha Eliya lweyi a rambelaka Israyele ku Xikwembu Nkulukumba?

I Kor 13:12

Hikusa swoswi hivona hi xivonivoni, hi liphume; kambe ankameni wolowo, hitavonisisa, liso ni liso; swoswi nitiva hi tlhelo ntsena, kambe ntrhaku nitativisisa swanga hi leswi nitivisiwaka xi swone.

I Kor 2:9

Kambe swanga hi leswi kutraliwiki leswaku: Leswi a tihlo dringaswivonangakiki, ni ndleve yingaswiyingelangakiki, swinganhingenangakiki ni le mbilwini ya mhunu, leswi Xikwembu Nkulukumba an'wibekiseliki lava vamurandraka;

Gl 4:9

Kambe swoswi, leswi n'witivaka Xikwembu Nkulukumba, kumbe, leswi n'witibyiwaka hi Xikwembu Nkulukumba, xana swiyentxisa kuyini, loko n'witlhela ku swagome, swaku ka ndlela, lebyi n'widjulaka kutlhela n'wibyitirela swanga hi le kusunguleni?

II Tmt 2:19

Nambi swilitanu, amasungulo lawa yakutiya ya Xikwembu Nkulukumba mahayimile, na mali ni nfungo lowu waku: a Hosi yitiva lava vanga va yone; ni leswaku lava vavitanaka vito dra Hosi, avatravukanisa ni leswakubiha.

Yakobe 1:12

Anindjombo lweyi atiyiselaka mindringweni, hikuva loko akumiwa na atiyiselili andringweni atayamukela a ngiyana ya vutomi lebyi byingahelikiki, lebyi Xikwembu Nkulukumba adridumbisiki lava vamurandraka.

Yakobe 2:5

Yingelani swinene vamakweru lava varandriwaka. Xikwembu Nkulukumba atihlawuleli lava vangaswisiwana ku mahlu ya misava, akuva avayentxa swipfundri hi kupfumela ni kuvayentxa vadi vapfindla va mfumu lowu Yene awudumbisiki lava murandraka?

I Ptr 1:8

lweyi n'wimurandraka, nambi n'wingamuvonanga; n'wipfumeleka ku Yene, nambi n'wingamuvoni swoswi, kambe n'witrhavaka hi kutrhava loku kukulu ngopfu, kuphatimisiwiki,

I Yhn 4:19

Hine hini lirandru hileswi Yene ahirandriki kusunguleni.

I Yhn 4:7

Varandriwa, ahirandraneni van'we ku van'wana, hikusa a lirandru dripfa ku Xikwembu Nkulukumba. Mun'wana-ni-mun'wana lweyi arandraka apswaliwi hi Xikwembu Nkulukumba, na swone ativa Xikwembu Nkulukumba.

Mpfuletelo 2:13

Nitiva lomu utrhamaka kone, lomu kungani xitrhamu-xa-vufumi xa Sathana, ni leswi wahabekisaka a vito dranga, na ungalandrulanga a kupfumela ku mine, nambi amasikwini ya Antipasi, a mboni yanga ni mudumbeki wanga, lweyi adlayiwiki amakari kwenu, lomu Sathana atrhamaka kone.

Mpfuletelo 2:19

Nitiva a mintiro yaku, ni lirandru draku, ni vupfumeli byaku, ni kutirela kwaku, ni kutiyisela kwaku ni mintiro yaku ya vugamu, mitlulaka a ya kusungula.

Mpfuletelo 2:9

Nitiva a nhlomulu waku ni vusiwana byaku, kambe uxipfundri, mfuri a kusandra ka lava vatihlayaka va-Yuda, na kasi ahi va-Yuda, kambe vone i sinagoga dra Sathana.