I Kor 8:1 - Testamente Ledrimpswha ni Mapsalma

¹ Mayelano ni mintxhumu leyi miphahleliwiki a swikwembu swakuka-ndlela, haswitiva leswaku hinkweru hini vutivi. A vutivi byiyentxa leswaku a mhunu atikukumuxa, kambe a lirandru drayaka.

I Kor 8:1 ပူးပေါင်းရင်းမြစ်များ

Mintiro Ya Vapostola 15:10

Loko swili xileswi, xana n'wilwela yini ni Xikwembu Nkulukumba, hi kusindrisa vapfumeli lava kuyentxa ntxhumu lowu nambi vatatana veru, nambi hine, ahawukotanga ku wurwala?

Mintiro Ya Vapostola 15:29

N'widrela a mintxhumu leyi mihahleliwiki swikwembu, ngati ya swihari swakufa hi xihluku, ni kuyentxa vumbuye. Loko n'witivonela ku mintxhumu leyo, n'witava n'wiyentxa swone. Hambanini!

Mintiro Ya Vapostola 21:25

Loko kuli lava vanga va-Matiko kambe vapfumeliki, hine havatraleli leswaku vatitrona leswi switlhabyeliwiki swifaniso, ni ngati ni leswi swakufa hi xihluku, ni vumbuye.

Rm 11:25

Hikusa anirandri vamakweru, leswaku n'wikohla hi xihundla lexi, (akuva n'wingatitxhuka n'witiyanakanya leswaku n'witlharihile). Leswaku Israyele hi tlhelo drin'we, leswaku ava-matiko hinkwavu vakondra vanhingena.

Rm 12:16

Hanyani hi kuyingelana amoyeni mun'we; n'wingatidjuleli leswi tlakukiki, kambe yamukelani leswi trongahatekiki; n'winga tikuliseni hi leswi n'wiswitivaka.

Rm 14:10

Loko swilitanu, umuyavanyisela yini wene makwenu kumbe kumu drela? Hinkweru hita kombisiwa amahlweni ka Xikwembu Nkulukumba akuva hi yavanyisiwa ha xone.

Rm 14:14

Swanga hi mupfumeli ku Hosi Yesu, naswitiva niva ni kholwa akuna ntxhumu lexi yilaka hi swa xone. Kambe, loko mun'wana ayanakanya leswaku a ntxhumu wa yila, wu ndruluka hakunene wa kuyila ku yene.

Rm 14:19

Xileswo ahidjuleni mintxhumu leyi minyikaka kurula na mi hi pfuna kutiyisa kupfumela ku van'we ni van'wana.

Rm 14:22

Leswi u pfumelaka swone wene ha vuswaku aswivi makari kwaku ni Xikwembu Nkulukumba. Akatekile lweyi angalikina swakutiyavanyisa ha vuswake hikola ka leswi aswihlawulaka.

Rm 14:3

Ke, lweyi a daka hinkwaswu anga faneli kudrela lweyi anga dikiki; ni lweyi angadikiki angafaneli kusola lweyi a daka hinkwaswu, hikusa na yene awa yamukeliwa ha Xikwembu Nkulukumba.

Rm 15:14

Mine, nini kudumba vamakweru, hikola kwenu, leswaku n'witali hi vunene, n'witali hi vutivi byinyingi, n'witibekiseli akuva n'wilayana van'we ni van'wana.

I Kor 1:5

hikusa, ku mintxhumu hinkwayu, n'windruluki swipfundri ku yene, aritwini hinkwadru, ne kutiveni hinkwaku;

I Kor 10:15

Nivulavula swanga ku vhanu lava vatlharihiki. Swiyanakanyani n'wine leswi niswihlayaka.

I Kor 10:28

Kambe loko mhunu an'wibyela aku: Leswi switlhaveliwi a swikwembu swakuka-ndlela, laho-ke n'wingadeneni, hinkonta ya lweyi an'widrimuxiki, ni hinkonta ya lipfalu.

I Kor 14:20

Vamakweru, n'wingavaneni switrongotwana amayanakanyeleni, vanani switrongotwana ku leswi swimfani; kambe amayanakanyeleni, vanani lava vawupfiki.

I Kor 15:34

Ntrhunxekani, kunene, n'wingadoheni; hikusa van'we avana kutiva ka Xikwembu Nkulukumba; nihlaya leswo akuva nin'wiyentxisa tingana.

I Kor 4:10

Hinkonta ya Kriste hine hi swihunguki; kambe n'wine n'wi tintivi ku Kriste; hine hi va gome, kambe n'wine n'wi va ntamu; n'wine n'wi va kutxhaviseka, kambe hine hayeyisiwa.

I Kor 4:18

Kambe, hikuva mine ningati ku n'wine, van'we vatikukumuxile;

I Kor 4:6

A mintxhumu leyi, vamakweru, nimifanisi ha mine na Apolo hinkonta yenu, akuva n'widondra ku hine akuva n'wingatluli leswi switraliwiki ni kuva amakari kwenu kungavini lweyi atikulisaka a henhla ka mun'wana.

I Kor 5:2

Nambi swili tanu, n'watikukumuxa, n'wiva n'wingasoli, akuva a mhunu lweyi ayentxiki a mhaka leyo asusiwa amakari kwenu!

I Kor 5:6

Ahi ntxhumu wunene a kutikukumuxa kwenu. Xana an'wiswitivi leswaku a handrelo yitrongo yibilisa a mbila hinkwayu xana?

I Kor 8:2

Loko mun'we apimisa leswaku ativa a ntxhumu wa kukari, aative ha kan'we leswaku angasinawutiva hi laha swidjulekaka ha kone.

I Kor 8:4

Hileswo-ke, mayelanu ni kuda leswi swiphahleliwiki a swikwembu swakuka-ndlela, haswitiva leswaku a xikwembu xa kuka-ndlela ahi ntxhumu amisaveni hinkwayu, ni leswaku akuna Xikwembu Nkulukumba mun'wana handle ka lweyi wa mun'we ntsena.

I Kor 8:7

Kambe a kutiva leswo akukumeki ku hinkwavu; hikusa van'we, hi kutolovela a swikwembu swakuka-ndlela kutlhasa ni swoswi, vada leswi swiphahleliwiki a swikwembu swakuka-ndlela, kutani lipfalu dravu, dringa dra gome, drinyamisiwa.

Ef 4:16

ku lweyi a miri hinkwayu mitiyisiwaka mitlhanganisiwa hi kupfuna ka minkatrwa hinkwayu, hikutlhangana loku kunene ka xin'we ku swone xikuma ntamu wa kuva miyakiwa alirandrwini.

Va-le-Kolosa 2:18

N'wingatitriki, n'wiwutleliwa a hakelo hi vhanu lava tiyentxaka valandreleli kambe na vakhisamelaka ntrumi. A vhanu lavo vakaneta mintxhumu leyi vangiki mivona na vatitata hi kutikulisa hi miyanakanyu ya ntshima ya lirandru dravu.

Mpfuletelo 2:14

Kambe nini mintxhumu mitrongo leyi nikusolaka ha yone: Hileswaku kolanu uni lava vampfekelaka a dondro ya Balahamu, lweyi afaka adondrisa Balake a kutxukumetela a swikhunguvanyiso ku vana va Israyele, nikuva vada leswi switlhaveliwiki a swikwembu swakuka-ndlela, ni kuyentxa vumbuye.

Mpfuletelo 2:20

Kambe nini xisolo ku wene hi leswi utrikaka Jezabele, a wansati lweyi atihlayaka leswaku i muprofeta, adondrisa ava akanganyisa a malandra yanga akuva mayentxa vumbuye, ni kuda leswi switlhaveliwiki swikwembu swakuka-ndlela.