I Kor 6:2 - Testamente Ledrimpswha ni Mapsalma

² Kumbe xana an'wiswitivi leswaku a vapfumeli vatayavanyisa misava? Ke loko a misava mitayavanyisiwa ha n'wine, an'wifanelanga ha yini a kuyavanyisa atimhaka leti titrongo?

I Kor 6:2 ပူးပေါင်းရင်းမြစ်များ

Mt 19:28

Yesu avayangula aku: Nihlayelamfuri nili ku n'wine: Loko kutlhasa a nkama lowo, hinkwaswu switakapfuxeteliwa; loko a N'wana wa Mhunu atatrhama axiluvelweni xakwe xa kuphatima, n'wine lava vanilandriki, n'witatrhama ku khume dra switrhamu na swibiri, akuva n'wiyavanyisa a tinxaka leti ta khume na tibiri ta Israyele.

Lk 22:30

akuva n'wida, n'winwa atafuleni dranga aNfun'wini wanga; n'witrhama switrhan'wini swa vufumi, n'witrema timhaka ta tinxaka leti ta khume na tibiri ta Israyele.

Rm 6:16

N'wine n'waswitiva leswaku, lweyi n'witinyiketaka ku yene swanga switiri akuva n'wimuyingiseta, ku yelweyo n'wimuyingisetaka n'wiswitiri swake, kumbe swa xidoho lexi xiyisaka ku feni, kumbe akuyingiseteni loko kutisaka kululama.

I Kor 1:20

Yi kwini a ntlhari? A kwini a mutrali? A kwini a muphikisi wa minkama leyi? Xikwembu Nkulukumba angayentxanga leswaku a vutlhari bya misava leyi byindruluka vusinge xana?

I Kor 1:21

Hikusa leswi, a vutlharini bya Xikwembu Nkulukumba a misava mingamutivangakiki Xikwembu Nkulukumba hi vutlhari bya yone, Xikwembu Nkulukumba atirandreli a kuhuluxa a vapfumeli hi vusinge bya kurera a Ivangeli.

I Kor 6:4

Ke, loko n'wini mhaka ya vutomi lebyi, yifanelaka a kuyavanyisiwa, xana n'wibeka lava vadreliwaka akuva vava vatremi?

II Kor 4:18

Hine hingalangusikiki leswi swivoniwaka, kambe ku leswi swingavoniwikiki. Hikusa leswi swivoniwaka i swa nkamanyana, kambe leswi swingavoniwikiki, i swaminkama hinkwayu.

I Tsl 3:13

Yita tiyisa timbilu tenu akuxwengeni ni kukota kutikombisa n'wihetisekile n'wingena nandru mahlweni ka Xikwembu Nkulukumba Tatana weru, akubuyeni ka Hosi yeru Yesu Kriste ni hinkwatu tinsasi.

Mpfuletelo 20:4

Nakone nivoni swiluvelo, ku swone afa kutrhami lava vone vanyikiwiki ntamu wa kutrema. Nahanga vona na kambe, amahika ya lava afaka vatremiwi tinhloko hinkonta ya vumboni lebyi vabyibekiki bya Yesu, ni hi kurera ritu dra Xikwembu Nkulukumba, hi lava vanga gandrelangakiki xihari xa kulebya, nambi xi xifaniso xa yone, nambi kuli kuva ni xifungo a mi mombyeni, kumbe mavokweni yavu. Kutani vahanya na Yesu, hi mpfhuka wa khume dra madzana ya malembe (1000).

Mpfuletelo 3:21

A muhluli nitamunyika a kutrhama na mine axitrhan'wini xanga xa vuhosi, swanga ha mine nihluliki, kutani nitrhamiki na Tatana wanga axitrhan'wini xakwe xa vuhosi.