I Kor 4:2 - Testamente Ledrimpswha ni Mapsalma

² Ntlhanta kubiri, leswi swidjulekaka ku valaveleli, hileswaku mun'wana-ni-mun'wana ava lweyi adumbekaka.

I Kor 4:2 ပူးပေါင်းရင်းမြစ်များ

Mt 25:21

A hosi yake yiku ku yene: I swa hombe, mutiri lweyi munene, wa kudumbeka. Leswi udumbekiki atimhakeni leti titrongo, nitakubeka ahenhla ka leti tinyingi. Nhingena akutrhaveni ka hosi yaku.

Mt 25:23

A hosi yake yiku ku yene: I swa hombe mutiri lweyi munene wa kudumbeka. Leswi udumbekiki atimhakeni leti titrongo, nitakubeka ahenhla ka leti tinyingi. Nhingena akutrhaveni ka hosi yaku!

Lk 12:42

Yesu aku: Hiwini a mulaviseli wa yindlu lweyi wa kudumbeka, ava atlhariha, lweyi a n'winyi wakwe ataka mubeka, alavisela vatiri vakwe, akuva atavayavela swakuda hi nkama lowu wufanekelaka?

I Kor 4:1

Xiswoswo, a vhanu hinkwavu avavoni swanga vatireli va Kriste, ni valaveleli va swihundla swa Xikwembu Nkulukumba.

I Kor 4:17

Hikola ka leswo nin'wirumeli Timotewu, anga n'wananga wa kurandreka ni kudumbeka a Hosini, akuva atan'widrimuxa a tindlela tanga ku Kriste, kukotisa leswi nidondrisaka matlhelo hinkwawu akerekeni drin'wana-ni-drin'wana.

I Kor 4:3

Na swone, ku mine i ntxhumu wutrongo ngopfu a kuyavanyisiwa ha n'wine, kumbe a kuyavanyisiwa hi huvu ya ximhunu; mfuri nambi mine ha vuswanga anitiyavanyisi!

I Kor 7:25

Hi tlhelo dra vanhwanyana lava vangasikitivana ni vavanuna, anina nawu wa Hosi, kambe ninyika a mavonela yanga, swanga mhunu lweyi ayamukeliki a kutretreleliwa hi Hosi akuva nidumbeka.

II Kor 2:17

Hikusa ahifani ni lava vakutala, lava vayentxaka bindru hi Ritu dra Xikwembu Nkulukumba; hi kusungula, hi vulavula ku Kriste swanga lava vapfaka ku Xikwembu Nkulukumba, ni hi kutitrongohata mahlweni ka Xikwembu Nkulukumba.

II Kor 4:2

Hi trhikile amintxhumu leyi mifihliwiki leyi mikhomisaka tingana; ahi yentxi hi marengu, nambi kuli kusombolota ritu dra Xikwembu Nkulukumba; hikuhambana, nitinyiketa kutivisa alivaleni a xihlayelamfuri ku vhanu lavangani lipfalu, amahlweni ka Xikwembu Nkulukumba.

Va-le-Kolosa 1:7

Hinkwaswu leswi n'wine n'wiswidondrisiwiki hi Epafra, nakulori murandriwa weru wa kudumbeka ni mutirikulori ntirweni wa Kriste, lweyi anisiviki ku n'wine.

Va-le-Kolosa 4:17

Kutani hlayani leswo ku Arkipo n'wiku: djulisisa kuhetisisa swinene a ntiro lowu a uyamukeliki ku Hosi.

Va-le-Kolosa 4:7

Tikiko a makweru lweyi arandriwaka, lweyi angamutirikulori lweyi wa kudumbeka Hosini atan'winyika madrungula hinkwawu ha mine.