I Kor 13:3 - Testamente Ledrimpswha ni Mapsalma

³ Mfuri nambi loko ningayavela a vukosi byanga hinkwabyu, nambi ninganyikela a miri yanga wuhisiwa akuva nititwalisa, loko ningalina lirandru, aswinipfuni ha ntxhumu.

I Kor 13:3 ပူးပေါင်းရင်းမြစ်များ

Mt 23:5

Hinkwaswu leswi vaswiyentxaka, vaswiyentxela akuva vatavoniwa hi vhanu. Hikusa vayanamisa tifilatera tavu, valehisa ni makhaxa ya swiyambalu swavu.

Lk 18:22

Atiki awaswiyingela, Yesu aku ku yene: Kusali xin'we lexi uxipfumalaka: xavisa hinkwaswu leswi unganaswu, uyavela swisiwana. Hi kone utakava ni nhlengwe a matilweni. Hi kone ungataka, unilandra.

Lk 18:28

Petrosi aku: vona, hitriki sweru hikulandra.

Lk 19:8

Kambe Zakeya ayima aku ku Hosi: Lavisa, we Hosi, nitapumbela swisiwana vukosi byanga hi le makari; loko nidile xa mhunu, nitamutlhelisela ha ka mune.

Yohana 12:43

Hikusa varandri kutwalisiwa hi vhanu kutlula kutwalisiwa hi Xikwembu Nkulukumba.

Yohana 13:37

Petrosi aku ku yene: Hosi, xana ninga hluleka kukulandra swoswi hikola kayini xana? Ninga nyiketa vutomi byanga hikola kwaku!

Yohana 15:13

Akuna mhunu lweyi angani lirandru ledri dritlulaka ledri: dra loko mhunu anyikela vutomi byake hikola ka vanakulobye.

Yohana 6:63

A Moya hi wone wuhanyisaka, a handle ka wone a mhunu anganakuyentxa ntxhumu. A maritu lawa nin'wibyelaka wone, i Moya ni vutomi.

Mintiro Ya Vapostola 21:13

Kolahu Pawulosi ayangula aku: Xana n'wiyentxa yini, n'widrila, n'witrhova a mbilu yanga? Hikusa mine anitibekiselanga kubohiwa ntsena, kambe ni kufa a Yerusalema hi vito dra Hosi Yesu.

Gl 5:26

Hingatidjuleli kutikulisa ka swaku ka ndlela, hikupfukana ni vukwele.

Va-le-Filipiya 2:3

N'wingayentxi ntxhumu hi kukanetana, nambi kutidrumisa, kambe hi kutitrongohata, mun'wana-ni-mun'wana ayanakanyi leswaku i ntrongo ku van'wana.

I Tmt 4:8

Hikusa a kutinyiketela antirweni wa miri swipfuna kutrongo, kambe a ntiro wa vukhongoti wapfuna ku hinkwaswu, na kone wuni xidumbiso xa vutomi bya swoswi ni bya nkama lowu wutaka.

Va-Heberu 13:9

N'winga kokiwe hi tidondro ta tinxaka-xaka, ni ta vambe, hikusa i swinene loko mbilu yitiyisiwa hi timpswalu, na kunge hi swakuda swavunandri, leswi swingatiki pfuna ntxhumu ku lava vatinyiketaka ku swone.