I Kor 13:2 - Testamente Ledrimpswha ni Mapsalma

² Nakone nambi ningavani nyiko ya vuprofeta, nambi ningativa a swihundla hinkwaswu ni vutivi hinkwabyu; nambi ningava ni kupfumela hinkwaku la kakuva nisusa ni tinhava, loko ningana lirandru, ani ntxhumu.

I Kor 13:2 ပူးပေါင်းရင်းမြစ်များ

Mt 13:11

Avayangula aku: N'wine n'winyikiwi kutiva a swihundla swa Mfumu wa Matilo; kambe vone avanyikiwanga.

Mt 17:20

Yene aku ku vone: Hi leswaku n'wine n'wini kupfumela kutrongo. Nihlayelamfuri nili ku n'wine loko afa n'wini kupfumela loku kudringanaka ni nhleke ya sinapi, afa n'wingabyela nhava leyi n'wiku: Suka la uya kutlhelo drin'wana, afa yitasuka. Akuna ntxhumu lowu afaka wutan'wihlula. [

Mt 21:19

Avona a nkuwa kusuhi ni ndlela, atrhindrekela ku wone, kambe angakumanga ntxhumu ku wone, loko mange makamba ntsena. Kutani aku: Ni kan'we ungahabeki mihandru! A nkuwa wuwoma xikan'we.

Mt 21:21

Yesu ayangula aku ku vone: Nihlayelamfuri nili ku n'wine, loko n'wini kupfumela na n'wingaganaganeki, n'wingaka n'wingayentxi ntsena leswi swiyentxiwiki ankuweni lowu, kambe nambi n'wingaku ku nhava leyi: ‘Tisimule la utitxukumeta lwandle’, switayentxekisa xiswoswo.

Mintiro Ya Vapostola 13:1

Afa kuni vaprofeta ni vadondrisi akerekeni dra Antiyokiya, vanga va Barnabasi, na Simiyoni, lweyi atxhuliwaka Nigere, na Lusiyo wa Kirene, na Manahema lweyi awundliwiki kun'we na Heroda mufumi, na Saulo.

Rm 11:25

Hikusa anirandri vamakweru, leswaku n'wikohla hi xihundla lexi, (akuva n'wingatitxhuka n'witiyanakanya leswaku n'witlharihile). Leswaku Israyele hi tlhelo drin'we, leswaku ava-matiko hinkwavu vakondra vanhingena.

Rm 15:14

Mine, nini kudumba vamakweru, hikola kwenu, leswaku n'witali hi vunene, n'witali hi vutivi byinyingi, n'witibekiseli akuva n'wilayana van'we ni van'wana.

Rm 16:25

I Xikwembu Nkulukumba lweyi angaswikotaka a kun'wiyentxa n'witiya kupfumeleni, kufambelana ni Ivangeli leyi niyitivisiki ni hi ritu dra Kriste, swanga hi leswi hi nyikiwiki kutiva kungu dra matilo dra huluxo. A kungu ledro, dri fihliwiki kehe ku minkama hinkwayu,

I Kor 11:4

A wanuna mun'wana-ni-mun'wana lweyi akhongotaka kumbe aprofetaka na afukumeti a nhloko, ayentxisa tingana a nhloko yake.

I Kor 12:28

Nakone, Xikwembu Nkulukumba abeki van'we, a Kerekeni, hi kusungula a vapostola; hi kulandra, a vaprofeta; a va vuraru, i vadondrisi; ntrhaku, kulandra a vayentxi va mahlolana; ntrhaku a tinyiko ta kuholisa, ni ta kupfuna, ni ta vurangeli, ni ta kuvulavula a tindrimi ta tinxaka-xaka.

I Kor 13:1

Nambi loko mine ningavulavula a tindrimi ta vhanu ni ta tintrumi, loko ningana lirandru, nifana ni nhumbu leyi yipfumaka, xinsimbana lexi xihambaka a mpfumawulu.

I Kor 13:3

Mfuri nambi loko ningayavela a vukosi byanga hinkwabyu, nambi ninganyikela a miri yanga wuhisiwa akuva nititwalisa, loko ningalina lirandru, aswinipfuni ha ntxhumu.

I Kor 13:8

A lirandru adrina vugamu hi la kungahelikiki. Kasi nambi kuni vuprofeta, byitahelisiwa; nambi tindrimi titahela; nambi a vutivi byitahelisiwa.

I Kor 14:29

Kambe vaprofeta vabiri kumbe vararu avavulavule, vambeni avayavanyise.

I Kor 14:39

Xileswo, vamakweru, khinyelani kuprofeta, na kone n'wingasivele a kuvulavula hi tindrimi timbeni.

I Kor 14:4

Lweyi avulavulaka hi tindrimi atiyaka yene ntsena, kambe lweyi aprofetaka, ayaka a kereke.

I Kor 15:51

Vonani, nin'winyika a xihundla lexi: Hingatifa hinkweru, kambe hinkweru hitandrulutiwa;

I Kor 16:22

Loko kuni lweyi angarandriki Hosi, ave anaatema! Maran atha. (Tana Hosi).

I Kor 4:1

Xiswoswo, a vhanu hinkwavu avavoni swanga vatireli va Kriste, ni valaveleli va swihundla swa Xikwembu Nkulukumba.

I Kor 7:19

A kusoka ahi ntxumu, ni kukala a kusoka ahi ntxhumu; a swa lisima i kubekisa a swileleto swa Xikwembu Nkulukumba.

I Kor 8:4

Hileswo-ke, mayelanu ni kuda leswi swiphahleliwiki a swikwembu swakuka-ndlela, haswitiva leswaku a xikwembu xa kuka-ndlela ahi ntxhumu amisaveni hinkwayu, ni leswaku akuna Xikwembu Nkulukumba mun'wana handle ka lweyi wa mun'we ntsena.

II Kor 12:11

Nivi singe, hi kukhanelisa xileswi; kambe avi n'wine n'winisindrisiki akuva niva xiswoswo, hikusa n'wine afa n'witanitwalisa; hikusa anintrongo ku va apostolo volavo, nambi ninge wa ntxhumu.

Gl 5:16

Kambe nili ku n'wine: hanyani hi kulandra Moya, n'winga yentxi hi kunavela ka nyama.

Gl 5:22

Kambe amihandru ya Moya, i lirandru, ni kutrhava, ni kurula ni kutiyisela, ni kutrhavelana ni vunene, kudumbeka, kunabyala ni kutikhoma

Gl 6:3

Loko mhunu apimisa leswaku i xa ntxhumu nange wa ntxhumu, awa tikanganyisa ha vuswake.

Ef 3:4

Kutani loko n'witlhela n'wihlaya leswi ni switraliki, n'witava ni mhaka ya leswi mine ni swi yanakanyaka hikola ka kungu ledro, ledri yentxekaka ku Kriste.

Ef 6:19

Mfuri na mine n'wini khongotela, akuva Xikwembu Nkulukumba anihuhutela, akupfuleni ka nomo wanga ni vulavula hikudumba, akuva a ntiro wa mhaka ya Ivangeli yi vonekisiwa,

Va-le-Kolosa 1:26

A makungu lawa afaka mafihlekile kusukela hi madzana ni madzana ya malembe lawa mahundriki, ni kutinxaka hinkwatu, kambe swoswi a paluxiki ku vahlawuliwa vakwe.

I Tmt 3:16

Kunene a xihundla xa vukhongoti i xikulu: Lweyi akombisiwiki anyameni, ayentxiwi mululami hi Moya avoniwi hi tintrumi, ahuweleliwi amakari ka matiko (ka va-Matiko), awundliwi lomu misaveni, ayamukeliwi akuphatimeni.

I Yhn 4:8

Lweyi angarandrikiki angativi Xikwembu Nkulukumba, hikusa Xikwembu Nkulukumba i lirandru.