II Tsl 3:5 - Testamente Ledrimpswha ni Mapsalma

⁵ Ingi a Hosi yinga fambisa timbilu tenu lirandrwini dra Xikwembu Nkulukumba ni kutiya loku pfaka ku Kriste.

II Tsl 3:5 ပူးပေါင်းရင်းမြစ်များ

Rm 5:5

Swatwala, akulavisela akuvangi tingana, hikuva alirandru dra Xikwembu Nkulukumba dritxheleteliwile atimbilwini teru, hi Moya wa Kuxwenga lowu hinyikiwiki wone.

Rm 8:25

Kambe loko hine hilavisela leswi hingasiki na swivona, hiswilavisela hi kutiyisela.

Rm 8:28

Haswitiva hine leswaku hinkwaswu switlhanganela akuva switirisa ku lava varandraka Xikwembu Nkulukumba, vanga lava avavitaniki hi kungu drakwe.

I Kor 8:3

Kambe loko a mhunu arandra Xikwembu Nkulukumba, ativiwa ha Yene (Xikwembu Nkulukumba).

Gl 5:22

Kambe amihandru ya Moya, i lirandru, ni kutrhava, ni kurula ni kutiyisela, ni kutrhavelana ni vunene, kudumbeka, kunabyala ni kutikhoma

I Tsl 1:10

na n'wilavisela a n'wanakwe Matilweni, lweyi amupfuxiki kufeni, anga Yesu, lweyi a hi huluxaka ku mahlundru lawa matakata.

I Tsl 1:3

na hi n'widrimuka, hinga karali hikola ka mintiro ya kupfumela kwenu, ku ntiro wenu wa lirandru, ni kutiyisela ka kulavisela ku Hosi yeru Yesu Kriste, amahlweni ka Xikwembu Nkulukumba Tatana weru,

I Tsl 3:11

Kambe Xikwembu Nkulukumba ha vuswake, Tatana weru ni Hosi yeru Yesu Kriste, angafambisi ndlela yeru akuva hita ku n'wine.

II Tmt 4:8

Kutani swoswi nibekeliwa ngiyana ya kululama, leyi Hosi a muyavanyisi lweyi wa kululama, yitakaninyika asikwini ledro; a nge mine swanga vatahananiwa hinkwavu lava valaviselaka kubuya kwake.

Tito 2:13

na hilavisela a kudumba loku kukhensekaka, ni kutikombisa ka kuphatima kukulu ka Xikwembu Nkulukumba ni Muhuluxi weru Yesu Kriste,

Va-Heberu 9:28

Hiswoswo ke, Kriste ahumexiwi kan'we kususa swidoho swa vhanu. Ntrhaku ata humelela nangweso, kunge ha kutata susa xidoho, kambe a kutata huluxa lava mulaviselaka.

Yakobe 2:5

Yingelani swinene vamakweru lava varandriwaka. Xikwembu Nkulukumba atihlawuleli lava vangaswisiwana ku mahlu ya misava, akuva avayentxa swipfundri hi kupfumela ni kuvayentxa vadi vapfindla va mfumu lowu Yene awudumbisiki lava murandraka?

I Ptr 4:1

Leswi-ke Kriste axanisekiki anyameni, na n'wine hi mayanakanyela wolawo randranani, hikusa lweyi axanisekiki anyameni, atravukani ni xidoho,

II Ptr 3:12

na n'wilavisela n'wiyimela a siku dra Xikwembu Nkulukumba, na n'witinyiketela leswaku drita hi kuhangwesa, hi siku ledro amatilo mataka hisiwa mahelisiwa ni swivumbiwa hinkwaswu switamunyetiwa hi ndrilo.

I Yhn 4:19

Hine hini lirandru hileswi Yene ahirandriki kusunguleni.

Mpfuletelo 1:9

Mine Yohana, makwenu ni muhlengeli na n'wine akuxanisiweni, ni le Mfun'wini, ni le kutiyiseleni loku kunga ku Kriste, nivi axihlaleni lexi xitxhuliwaka Patimosi, hinkonta ya ritu dra Xikwembu Nkulukumba, ni vumboni bya Yesu.

Mpfuletelo 13:10

Lweyi ayisaka van'wana bohelweni, ataya bohelweni. Lweyi atakadlaya hi lipanga, swadjuleka adlayiwa hi lipanga. Hiwolowu nkama wa kutiyisela ni wa kupfumela ka tinsasi.