II Tsl 3:14 - Testamente Ledrimpswha ni Mapsalma

¹⁴ Loko wakukari angayingiseti swileleto leswi hi n'winyikaka ku papela ledri, lavisisani leswaku n'wikhanelisana ni lweyi wakuyini, n'winga hanyisaneni na yene akuva atakhomiwa hi tingana.

II Tsl 3:14 ပူးပေါင်းရင်းမြစ်များ

Mt 18:17

Loko yene angadjuli kuvayingela, byela a Kereke; loko na kone ayala akuyingela a Kereke, ku wene ave swanga wa matiko ni muhlengisi.

Rm 16:17

Na n'wikhongota vamakweru, akuva n'witivonela ku lava pfuxaka ku hambana ni kutlakuxa kuganaganeka kakuhambana ni dondro leyi n'wingayi yamukela. Travukanani navu,

I Kor 4:14

Anin'witraleli leswi kuva nin'wikhomisa tingana, kambe akuva nin'wikhwavela swanga vana vanga lava varandrekaka ngopfu.

I Kor 5:11

Kambe swoswi, nin'witralela akuva n'wingatipatri ni lweyi ahlayiwaka makwenu na kasi i wa vumbuye, kumbe munaveli wa vukosi bya misava leyi, kumbe mugandreli wa swikwembu swakuka-ndlela, kumbe mulumbeti, kumbe mpopswi, kumbe muyivi; a mhunu wa kufana ni lweyo, n'wingapatrani na yene, nambi kudeni.

I Kor 5:9

Apapeleni ledri afaka nin'witraleli leswaku n'wingapatrani ni va vumbuye;

II Kor 10:6

Hitiyimiseli kukhatisa kutiyalisa kukala kuyingiseta hinkwaku, kuva kuyingiseta kwenu kuhetiseka.

II Kor 2:9

Avi hikolahu ni n'witraleliki akuva ni n'wikamba ni kuvona leswaku n'winikuyingiseta.

II Kor 7:15

Alirandru drakwe ku n'wine driyandrile, loko a drimuka kuyingiseta kwenu hinkwenu, ni leswi n'wingamuyamukela hi xitxhavu ni kutitrongohata.

Va-le-Filipiya 2:12

Kolahu-ke vamakweru, swanga hi leswi n'wiyingisetiki minkama hinkwayu, na angali ntsena hi loko afa nili kone kolahu, kambe kutlula swoswi ningaliki kone, hi swoswo na kone n'witirela kuhuluka kwenu hi kutitrongohata ni kururumela;

Va-le-Kolosa 4:16

Ntrhaku ka kuva n'wihlayi papela ledri drirumelani driya hlayiwa a kerekeni dra Lawodikiya, na n'wine hlayani ledri dritaka rumeliwa hi kereke dra Lawodikiya.

I Tsl 4:8

Hikolahu, lweyi a drelaka leswi anga dreli mhunu, kambe a drela Xikwembu Nkulukumba, lweyi ahinyikaka nawone a Moya wakwe wa Kuxwenga.

II Tsl 3:6

Vamakweru hidjula kun'wileleta hi vito dra Hosi yeru Yesu Kriste, leswaku n'witravukana ni hinkwavu vamakweru lava vahanyaka na vangayentxi ntxhumu, na vangalandrikiki tidondro teru ni swihila leswi vaswiyamukeliki ku hine.

Tito 2:8

uvani ritu ledri dritiyiki, ledri dringafanekeliki kusoliwa, akuva a mukaneti avani tingana, angavina ntxhumu xa kubiha angaxihlayaka ha hine.

Tito 3:10

A mhunu lweyi arandraka a kuvanga a mintlawa, mutshinyi kan'we kumbe kubiri, ntrhaku mutravuxe,

Filimoni 1:21

Hikudumba loko ninga naku, hi kuyingelisisa kwakwu, ni kutralelaka leswi, na nitiva leswaku utayentxa leswi ni kukombelaka, mfuri ni kutlula leswo.

Va-Heberu 13:17

Yingisetani vafambisi venu, n'witibeka hansi kwavu, hikusa vone va hitekela mahika yenu, swanga lava vataka vutisiwa ha wone, akuva vaswitira hi kutrhava, na vanga konyi, hikusa afa swingatin'wipfuna leswo.

II Yhn 1:10

Loko kuta mhunu ku n'wine, na angabuyisi dondriso leyi, n'wingamuyamukeleni atindlwini tenu, nambi kumuhlayela hoyo-hoyo.