II Tsl 2:9 - Testamente Ledrimpswha ni Mapsalma

⁹ A musomboloki atahumelela hi ntamu wa Sathana, atanyika swikombiso swa ntamu wukulu hi mahlolana ya kuka ndlela, ni swikombiso.

II Tsl 2:9 ပူးပေါင်းရင်းမြစ်များ

Mt 12:22

Kutani vatisi ku Yene a mun'we wa kufa-mahlu ni kuva ali mbheveve, lweyi afaka ani mademoni; kutani Yene amuhanyisa lakakuva avona, ava avulavula.

Mt 24:24

Hikusa kutahumelela lava vatakatihlaya va Kriste hi madrimi, ni vaprofeta va madrimi, vatakahumexa swikombiso leswi swikulu ni mahlolana, akuva loko swikoteka, kukanganyisiwa na vone a vahlawuliwa.

Mt 4:10

Yesu amuyangula aku: Suka Sathana! Hikusa kutraliwi leswaku: Utagandrela HOSI Xikwembu Nkulukumba waku, utirela yene ntsena.

Marka 13:22

Hikusa kutahumelela lava vatihlayaka vaku mine ni Kriste, hi madrimi, ni profeta va madrimi vatakahamba ni swikombiso ni mahlolana, akuva vakanganyisa vahlawuliwa va Xikwembu Nkulukumba, loko swingakotekaka.

Lk 11:25

Wutiki wata, wuyikuma na yikukuliwile, yiva yilongisiwa.

Yohana 4:48

Yesu aku ku yene: Loko n'wingavoni mahlolana ni swihlamaliso, an'wipfumeli.

Yohana 8:41

N'wine n'wiyentxa mintiro ya tatana wenu. A va-Yuda vaku: Hine ahi vana va vumbuye. Hina Tatana mun'we ntsena, anga Xikwembu Nkulukumba.

Yohana 8:44

N'wine n'wipfa ku tatana wenu, anga Diyavulosi, kutani n'wirandra kulandra a kunavela kwake. Lweyo i mudlayi wa vhanu ni le kusunguleni, kutani angatrhamanga xihlayelamfurini; hikusa akuna xihlayelamfuri andreni kwake. Loko ahlaya madrimi ahlaya leswi swinga kone ambilwini yake, hikusa i muhembi, i tatana wa kuhemba.

Mintiro Ya Vapostola 13:10

kutani aku ku yene: Wene, wa muhembi, mubihi, n'wana Diyavulosi, nala wa hinkwaswu leswi swilulamiki. Xana hikola kayini ungatriki kusombolokisa a tindlela ta kululama ta Hosi?

II Kor 11:14

Aswina kuhlamalisa hikusa nambi Sathana atindruluta ava ntrumi ya livaningo.

II Kor 11:3

Kambe ni txhava leswaku, swanga Eva lweyi angakanganyisiwa hi madrimi ya nyoka na n'wine a miyanakanyu yenu mingatxhuka mihoniwa, mitrika vunene ni kubasa leswi swiyisaka ku Kriste.

II Kor 4:4

Vone lava a swikwembu swa nkama lowu swidlayiki miyanakanyu yava kuka kupfumela, akuva vangati vaningeliwa hi Ivangeli ya kutwala ka Kriste, lweyi angaxifaniso xa Xikwembu Nkulukumba.

Ef 2:2

Leswi afaka n'wifamba ku swone khale, hi mafambela ya misava, hi mafambela ya mintamu ya minfumu ya le henhla mpfhukeni, wunga moya lowu wutiraka swoswi ku vana lava vakuka vangayingiseti.

II Tmt 3:8

Swanga hileswi Yani na Yambre vanga kanetana na Moxe, vatanu na vo vhanu lavo, vatiyentxa vakaneti vaxihlayelamfuri, vanga vhanu lava vaboliki kuyanakanyeni kwavu, lava vakuka ndlela kupfumeleni;

Yakobe 3:15

Lebyo ahi byone vutlhari lebyi pfaka hi le henhla; kambe i bya misava, ahibya Moya, i bya Sathana.

Mpfuletelo 12:17

Kutani dragoni drihlundrukela wansati, drisuka driya lwa ni lava vasaliki va lixaka drakwe lava vabekisaka swileleto swa Xikwembu Nkulukumba, ni lava vangani vumboni bya Kriste Yesu.

Mpfuletelo 12:9

Kutani kakutxukumetiwa a dragoni ledrikulu, a nyoka leyi ya khale, leyi vitaniwaka Diyavulosi na Sathana, lweyi a kanganyisaka misava hinkwayu. Yene ni tintrumi takwe vatxukumeteliwi misaveni.

Mpfuletelo 18:23

Kunga ha vaningiwi swimbeni ndreni kwaku livaningo dra motre! Nambi kuyingeliwa a ritu dra muteki ni mutekiwa, swingahati yingeliwa ku wene! Hileswaku a vaxavisi vaku afa vali vakulu va misava, hikusa a matiko hinkwawu makanganyisiwile hi vungoma byaku.

Mpfuletelo 19:20

Kambe kukhomiwi xihari xa kulebya kun'we ni muprofeta wa madrimi, lweyi hi kuyentxa mahlolana ni swikombiso amahlweni ka yone, akanganyisiki lava vangayamukela xikombiso xa xihari xa kulebya, afaka vakhisamela xifaniso xa xone. A xihari ni muprofeta wa madrimi vatxukumetiwa na vaha hanya ativeni dra ndrilo lowu wupfuraka, wa xivavula.

Mpfuletelo 20:10

Diyavulosi, lweyi a ngava kanganyisa, atxukumetiwi tiveni dra ndrilo ni wa xivavula, lomu kunga ni xihari xa kulebya ni muprofeta wa madrimi. Vata xanisiwa nhlikanhi ni vusiku hi madzana ni madzana ya malembe.

Mpfuletelo 9:11

mfuri afa yirangeliwa hi mufumi wa yone, lweyi yinga ntrumi ya khele dra kuyeta dringagami, a vito dra yone hi Xiheberu i Abadoni, ni hi Xigirika yingani vito draku Apoliyoni.