II Tsl 2:13 - Testamente Ledrimpswha ni Mapsalma

¹³ Kambe loko ali hine, vamakweru lava varandrekaka Hosisni, hi fanela kutlangela Xikwembu Nkulukumba, himinkama hinkwayu hikola kwenu. Hikusa Yone yin'wihlawulile akuva vakuranga kuyamukela kuhuluxiwa, hi ntiro wa Moya ni hi kupfumela kwenu ku xihlayelamfuri.

II Tsl 2:13 ပူးပေါင်းရင်းမြစ်များ

Lk 1:75

hi kuhlawuleka ni kululama amahlweni kwake, amasikwini hinkwawu ya kuhanya kweru.

Yohana 1:1

Akusunguleni, a Ritu afa drili kone. A Ritu afa drili na Xikwembu Nkulukumba, kutani Ritu afa drili Xikwembu Nkulukumba.

Yohana 14:6

Yesu aku ku yene: Hi mine ndlela, ni xihlayelamfuri, ni vutomi; akuna mhunu lweyi angataka ku Tatana, loko kunge ha mine.

Mintiro Ya Vapostola 13:48

Loko a va-Matiko vaswiyingela, vatrhava ngopfu vadrumisa a ritu dra Hosi, kutani hinkwavu lava afaka vabekiseliwi vutomi lebyi byingahelikiki vapfumela.

Mintiro Ya Vapostola 15:9

Mfuri angahambanisanga ntxhumu ni mun'we amakari kweru na vone, hikusa avadrivaleli swidoho na vone, hi kupfumela.

Rm 6:17

Kambe, a kutlangeliwi Xikwembu Nkulukumba! N'wine lava n'wiviki swikarawa swaxidoho, kuhinkwaswu n'wivi nikuyingiseta hi mbilu amayentxela ya dondro dondrweni leyi n'wiyi nyikiwiki.

Rm 8:33

Hi mani lweyi angarambelaka lava Xikwembu Nkulukumba a vahlawuliki xana? I Xikwembu Nkulukumba avahlayiki valulami.

Rm 9:11

Kutani ni loko vana vangasangana pswaliwa, mfuri na vangasangana yentxa lexinene kumbe leximfani, akuva a kungu dra Xikwembu Nkulukumba ledri dringa hi kutilangela ka lweyi, dritiya dringapfi mintirweni, kambe dripfa kurandreni ka lweyi angava vitana,

I Kor 1:21

Hikusa leswi, a vutlharini bya Xikwembu Nkulukumba a misava mingamutivangakiki Xikwembu Nkulukumba hi vutlhari bya yone, Xikwembu Nkulukumba atirandreli a kuhuluxa a vapfumeli hi vusinge bya kurera a Ivangeli.

Gl 3:1

Hayi! Vagalatiya, masinge ndrun'wine! N'wikanganyisiwi hi mani xana? N'wine lava ni n'wiyentxiki n'wivona Yesu Kriste lwa vambiwiki.

Ef 2:8

Hikusa hi timpswalu n'wihuluxiwile, hinkonta ya kupfumela; kutani leswo aswipfi ku hine, i nyiko ya Xikwembu Nkulukumba;

Va-le-Kolosa 1:5

Hinkonta yakulavisela loku n'wibekiseliwiki kone Matilweni, swanga hi leswi n'wiyingeliki ke hikusungula hi ritu dra xihlayelamfuri dra Ivangeli,

Va-le-Kolosa 3:12

Leswi angavahlawuliwa va Xikwembu Nkulukumba, vaxwengi ni varandriwa hi leswo-ke vanani ni lilondro ni vunene, kutitrongohata ni kunabyala, ni kulehisa ka mbilu.

I Tsl 1:4

hileswi hi tivaka, vamakweru, leswaku akuhlawuliwa kwenu kupfa ku Xikwembu Nkulukumba.

I Tsl 2:12

akuva n'wifamba hi laha swifanekelaka Xikwembu Nkulukumba, lweyi an'wirambaka kuva n'wiva mfun'wini wakwe ni lidrun'wini.

I Tsl 4:7

Xikwembu Nkulukumba angahi vitanelanga vuwoswini, kambe akuxwengeni.

I Tsl 5:9

Hikuva Xikwembu Nkulukumba angahibekelanga mahlundru, kambe hikuma huluko ha Hosi yeru Yesu Kriste,

II Tsl 1:3

I mfanelo yeru kutlangela Xikwembu Nkulukumba hi minkama hinkwayu ha n'wine vamakweru. Swanga hi leswi swifanelekiki, hikusa a kupfumela kwenu kuvi kukula ni kuhuhuma ka lirandru drenu ku mun'wana-ni-mun'wana dra yengetelana.

II Tsl 2:10

Atatirisa vukanganyisi hinkwabyu bya vubihi, akuva akanganyisa lava lahlekaka, hikuva vanga khensanga, nambi kupfumela xihlayelamfuri lexi afaka xi tava huluxa.

II Tsl 2:12

Xileswo kuyentxiwa yavanyisiwo dra lava vangapfumelangakiki ku xihlayelamfuri, kambe valangi kuyentxa vubihi.

II Tsl 2:16

Ingi a Hosi yeru Yesu Kriste ha swake ni Xikwembu Nkulukumba Tatana weru, lweyi ahirandriki hi timpswalu takwe, ahinyikiki xixixi xa kutiya ni kulavisela kukulu,

II Tmt 1:9

lweyi anga hi huluxa, anga hi vitana hi vitaniwo ledra kuxwenga, kunge ha mintiro yeru, eke ku hi vitana hi kutirandrela kwake, ni hi timpswalu leti hinga hananiwa tone ha Kriste Yesu, na minkama leyi mingahelikiki mingasanganava kone,

II Tmt 2:15

Djulisisa kutivonekisa mahlweni ka Xikwembu Nkulukumba uva lweyi wa kukhenseka, a mutiri lweyi angeke na tingana, lweyi areraka ritu dra Xikwembu Nkulukumba hi kululama.

II Tmt 3:15

Ni leswaku wa mativi nawehentrongo, a Matralwa ya Kuxwenga, lawa manga ni ntamu waku kutlharihisa, ukota uhuluxiwa hi kupfumela loku kunga ku Kriste Yesu.

Va-Heberu 1:10

Nakone; Akusunguleni, wene Hosi, ubekile masungulo ya misava, na wone matilo i ntiro wa mavoko yaku,

Yakobe 1:18

Hikuva hikurandra kwake, Yene ahibeleki hi ritu dra xihlayelamfuri, akuva hi va swirangana swa swivumbiwa swake.

I Yhn 4:10

Kutani a lirandru drile kuleswi: akuvanga hine lava varandriki Xikwembu Nkulukumba, kambe kuvi Yene ahirandriki kutani ahirumeli N'wana wakwe, akuva kudrivaleliwa swidoho sweru.

I Yhn 4:19

Hine hini lirandru hileswi Yene ahirandriki kusunguleni.