II Tsl 1:8 - Testamente Ledrimpswha ni Mapsalma

⁸ Atata hi le makari ka malangavi ya ndrilo, a kutatakhatisa lava vayalaka Xikwembu Nkulukumba, ni lava vangayingisetikiki a Ivangeli ya Hosi Yesu Kriste.

II Tsl 1:8 ပူးပေါင်းရင်းမြစ်များ

Mt 25:41

Kutani a HOSI yitabyela lava vanga ximantrhini yiku: Sukani ku mine, n'wine lava varuketeliwiki; fambani n'wiya ndrilweni lowu wungatimekikiki, lowu wubekiseliwiki Diyavulosi ni tintrumi takwe.

Mt 25:46

Volavo vataya akuxanisiweni loku kungahelikiki, kasi a valulami vataya avutomini lebyi byingahelikikiki.

Yohana 3:19

A kuyavanyisa hi loku: A kuvaninga kuti misaveni, kambe vhanu varandri munyama kutlula kuvaninga, hikusa mintiro yavu afa mibihile.

Yohana 8:19

Vaku ku yene: A tatana waku akwini? Yesu ayangula, aku: An'winitivi, nambi ali Tatana wanga an'wimutivi; loko afa n'winitivile, an'witativa ni Tatana wanga.

Mintiro Ya Vapostola 6:7

A ritu dra Xikwembu Nkulukumba afa driya mahlweni, na yone nhlayu ya vadondrisiwa afa yiyandra ngopfu a Yerusalema; mfuri a vunyingi bya vaprista afa vayamukela vupfumeli.

Rm 1:28

Na swone leswi vatrikiki kutiva Xikwembu Nkulukumba, xiswoswo Xikwembu Nkulukumba avanyikeli avutlharini bya kuhomboloka, akuva vayentxa leswi faka swingafanekeli.

Rm 1:5

Kuvi hikola kwake hi yamukeliki a timpswalu ni vurumiwa, kuyisela kuyingiseteni ka kupfumela, amakari ka vhanu va-Matiko hinkwawu hinkonta ya vito drakwe.

Rm 10:16

Kambe ahi hinkwavu lava yamukelaka Ivangeli. Ezaya ahlayisi xiswoswo aku: Tatana, i mani xana lweyi apfumelaka kuleswi afaka hi rera swone?

Rm 15:18

Hikusa mine anitiyi nhlana wa kukhanela loko kunge hi leswi Kriste aswi yentxiki ha mine akuva ni yisa va-Matiko kuyamukela Xikwembu Nkulukumba. Leswo swi yentxiwi hi maritu ni mintiho,

Rm 16:26

swoswi dri vonekisiwi hi mabuku ya vahlayi va ritu swanga hi leleto dra Xikwembu Nkulukumba lweyi angakone hila kungahelikiki. Kutani dri nyikiwi matiko hinkwawu leswaku wone mayamukela kupfumela.

Rm 6:16

N'wine n'waswitiva leswaku, lweyi n'witinyiketaka ku yene swanga switiri akuva n'wimuyingiseta, ku yelweyo n'wimuyingisetaka n'wiswitiri swake, kumbe swa xidoho lexi xiyisaka ku feni, kumbe akuyingiseteni loko kutisaka kululama.

I Kor 15:34

Ntrhunxekani, kunene, n'wingadoheni; hikusa van'we avana kutiva ka Xikwembu Nkulukumba; nihlaya leswo akuva nin'wiyentxisa tingana.

II Kor 10:5

ni kutikukumuxa hinkwaku loku kuhumelelaka akulwa ni vutivi bya Xikwembu Nkulukumba, Hiva hiyentxa miyanakanyu hinkwayu miyingiseta Kriste.

Gl 3:1

Hayi! Vagalatiya, masinge ndrun'wine! N'wikanganyisiwi hi mani xana? N'wine lava ni n'wiyentxiki n'wivona Yesu Kriste lwa vambiwiki.

Gl 4:8

Kambe n'wine khale afa n'wingativi Xikwembu Nkulukumba, afa n'witirela swikwembu leswi afaka swingeswone.

I Tsl 4:5

Kunge hi kunavela ka swakubiha, swanga hi va-Matiko, lava vangativikiki Xikwembu Nkulukumba.

Va-Heberu 10:27

Kambe kusali ntsena kurindrela loku kutxhavisaka ka kuyavanyisiwa ni vukari lebyi byipfuraka loku kutaka hisa valala.

Va-Heberu 10:30

Hikusa ha mutiva swinene lweyi anga hlaya aku: Kudrihisa i kwanga; Hi mine nitakavatlhelisela, Nangweso a Hosi yili: Hosi yi ta yavanyisa tiko dra yone.

Va-Heberu 11:8

Hi kupfumela Abrahamu ayingiseti loko avitaniwile akuva, kutani asuki atiyela atikweni ledri afaka atanyikiwa drone swanga pfindla. Asuki a famba na angakutivi lomu ayaka kone.

Va-Heberu 12:29

hikusa Xikwembu Nkulukumba weru i ndrilo lowu hohlotaka.

Va-Heberu 2:3

Ngopfu xana hine hita swikotisa kuyini kuphonyoka, loko hingahlayi ntxhumu hi huluxo ledri drikulu? Ledri afaka dritivisiwa hi Hosi. Ntrhaku dritivisiwa hi lava vadriyingeliki;

Va-Heberu 5:9

Kuti loko ahetisekisiwile, andruluki Muvangi wa huluku ledri dringahelikiki ku hinkwavu lava vamuyingisetaka.

I Ptr 1:2

vahlawuliwiki hi Xikwembu Nkulukumba Tatana, angativela vone a khale, vaxwengisiwiki hi Moya akuva vayingiseta, ni hi kuxuviwa hi ngati ya Yesu Kriste, a timpswalu ni kurula aswive hi ntalu ku n'wine.

I Ptr 3:6

swanga ha Sara ayingisetiki Abrahamu, na amuhlaya n'winyi wakwe; Sara lweyi n'wine n'windrulukiki vana vakwe hi kuyentxa leswinene na n'wingatxhavisiwi ha ntxhumu.

I Ptr 4:17

Hikusa i nkama wa kusungula a kuyavanyisa, kusungula hi yindlu ya Xikwembu Nkulukumba; ke, loko kusungula ha hine, byitava byini a vugamu bya lava va kuka-kuyingiseta a Ivangeli ya Xikwembu Nkulukumba, xana?

II Ptr 3:7

Kambe hi ritu droledro a matilo ni misava swibekisiweli ndrilo, swibekisiweli a siku drakuyavanyisa ni kusuvisa vhanu vavabihi.

Yd 1:7

Swanga ha Sodoma na Gomora ni mimiti leyi afaka miyaki kusuhi, leyi mitinyiketele vuwosweni swanga ha yone, ni kulandra yimbeni, yone mibekeliwi akuva xifaniso xa ndrilo lowu wungahelikiki, hikola ka leswo miyamukeli xikhatiso xa ndrilo lowu wungahelikiki, minyiketiwa kukhatisiweni.

Mpfuletelo 20:10

Diyavulosi, lweyi a ngava kanganyisa, atxukumetiwi tiveni dra ndrilo ni wa xivavula, lomu kunga ni xihari xa kulebya ni muprofeta wa madrimi. Vata xanisiwa nhlikanhi ni vusiku hi madzana ni madzana ya malembe.

Mpfuletelo 21:8

Kambe a matoya hinkwawu ni lavanga dumbekangakiki, ni lava vayentxaka swakunyenyentsa, ni vadlayi, ni va vumbuye, ni vangoma, ni lava khongotaka swifaniso ni vahembi hinkwavu, a yavelo dravu i tiva ledri pfuraka dra xivavula, i nga kufa ka vubiri.

Mpfuletelo 6:10

Na vabandlukana hi ritu ledri kulu vaku: Kutakota kuva ha drini, we Hosi ya kuxwenga ni ya xihlayelamfuri, ungayavanyisiki ni kudrihisa a ngati yeru, ku lava vayakiki misaveni?