II Tsl 1:10 - Testamente Ledrimpswha ni Mapsalma

¹⁰ Dri tava siku ledri a Hosi yitaka tela kubekeliwa xihluwa hi hinkwavu ni vahlawuliwa va yone, ni kukutxiwa hi hinkwavu lava yamukeliki vupfumeli. Na n'wine mipfumeli mhaka yeru ya Ivangeli.

II Tsl 1:10 ပူးပေါင်းရင်းမြစ်များ

Mt 16:27

A N'wana wa Mhunu atata hi kuphatima ka Tatana wakwe, kun'we ni tintrumi takwe, kutani atatlhelisela mun'wana-ni-mun'wana kuya hi matirela yake.

Mt 16:28

Nihlayelamfuri nili ku n'wine, amakari ka lava vayimiki kola, vakone van'we lava vangatikifa na vangavonanga kutlhasa ka N'wana wa Mhunu akuphatimeni ka Mfumu wakwe.

Mt 24:36

Kambe a siku ni nkama, akuna mhunu lweyi aswitivaka, nambi tili tintrumi ta Tilo, nambi ali N'wana, loko angali Tatana ntsena.

Mt 25:31

Kambe kutaku loko a N'wana wa Mhunu ata vumenyemenyeni byake, kun'we ni tintrumi hinkwatu, atatrhamisa a xitrhan'wini xa vumenyemenye byake.

Mt 7:22

Asikwini ledro vanyingi vataku: HOSI, HOSI, xana ahaprofetanga hi vito draku? Ahihlongolanga mademoni hi vito draku? Ahayentxanga ni mahlolana lawa manyingi hi vito draku?

Lk 10:12

Yesu aku natiyisa ku n'wine leswaku: Asikwini ledro, a xikhatiso xitavevuka ku Sodoma kutlula ku muti lowo.

Yohana 11:4

Loko Yesu ayingeli leswo, aku: A vuvabyi lebyi abyiyisi kufeni, kambe byihumeleli akukomba kutwala ka Xikwembu Nkulukumba, ni leswaku N'wana wa Xikwembu Nkulukumba atwalisiwa ha byone.

Yohana 17:10

Hinkwaswu leswi swinga swanga, i swaku; ni swaku, i swanga; kutani nitwalisiwi hikola ka swone.

I Kor 1:6

swanga hi leswi a vumboni bya Kriste byitiyisiwiki ku n'wine,

I Kor 3:13

a ntiro wa mun'wana-ni-mun'wana wutavoneka alivaleni; hikusa a siku ledro dritawuvonekisa, wuvonekisiwa hi ndrilo, a ndrilo lowu wutakakambisisa a ntiro wa mun'wana-ni-mun'wana leswaku i ntiro muni!

Gl 1:24

Kutani afa vadrumisa Xikwembu Nkulukumba hinkonta yanga.

Ef 1:12

Hikuva hitava lidrumu dra kuphatima kwake, hine lava hilaviselaka ku Kriste.

Ef 1:14

Lowu wunga xirangana xa pfindla, ledri inga xidumbiso xakutirula lava vanga vakwe, ku lidrumu drakuphatima kwake.

Ef 1:18

Akuvaningiwa ka miyanakanyu yenu, akuva n'witakota kutiva akulavisela akuvitaniweni kwenu, ni lifuyo dra kuphatima ka kulavisela ka tinsasi,

Ef 1:6

Hakuva kudrumisiwa kuphatima ka timpswalu leti ahinyikiki tone, hi mahala ku Murandriwa wakwe.

Ef 2:7

Akuva akombisa ku madzana-dzana ya malembe lawa mataka, a vukulu bya vupfundri bya timpswalu, ni vunene ku hine, ha Kriste Yesu.

Ef 3:10

Kambe swoswi nambi mintamu ni minfumu ya le tilweni n'wifanekela kutiva, hi tlhelo dra Kereke a kuyanama ka vutivi bya Xikwembu Nkulukumba.

Ef 3:16

akuva an'winyika kuphatima hi nhlengwe yake, nikuva n'witiyisiwa ni kuseketeliwa hi Moya wakwe, ku mhunu wa le ndreni.

I Tsl 1:5

Hikuva, a Ivangeli yeru ayivanga ku n'wine hi ritu ntsena, kambe hi ntamu ni hi Moya wa Kuxwenga, ni hi kutiyisa loku kaxihlayelamfuri swanga hileswi n'wiswitiviki leswi hihanyisiki xiswone makari kwenu, hi lirandru na n'wine.

I Tsl 2:1

Hikusa n'wine mfuri, vamakweru, n'waswitiva swinene leswaku amanhingenela yeru ku n'wine akuvanga ka mahala.

I Tsl 2:12

akuva n'wifamba hi laha swifanekelaka Xikwembu Nkulukumba, lweyi an'wirambaka kuva n'wiva mfun'wini wakwe ni lidrun'wini.

I Tsl 2:13

Nakone ku leswo hi tlangela Xikwembu Nkulukumba, hikukhinyelela, hi kuva n'wiyamukeli ritu dra Xikwembu Nkulukumba hi kurera kweru, ledri driviki ritu ledri n'wiyamukeliki. Hikuva afaka dringe ritu dra vhanu, kambe afaka drili ritu dra xihlayelamfuri, ledri dritiraka ku n'wine vapfumeli.

II Tsl 1:12

Hindlela le, a vito dra Hosi yeru Yesu Kriste dritadrumisiwa hi mahanyela yenu, na n'wine mita drumisiwa ha yene, hi matovoko ya Xikwembu Nkulukumba wenu ni ya Hosi Yesu Kriste.

II Tsl 2:13

Kambe loko ali hine, vamakweru lava varandrekaka Hosisni, hi fanela kutlangela Xikwembu Nkulukumba, himinkama hinkwayu hikola kwenu. Hikusa Yone yin'wihlawulile akuva vakuranga kuyamukela kuhuluxiwa, hi ntiro wa Moya ni hi kupfumela kwenu ku xihlayelamfuri.

I Tmt 3:16

Kunene a xihundla xa vukhongoti i xikulu: Lweyi akombisiwiki anyameni, ayentxiwi mululami hi Moya avoniwi hi tintrumi, ahuweleliwi amakari ka matiko (ka va-Matiko), awundliwi lomu misaveni, ayamukeliwi akuphatimeni.

II Tmt 1:12

Hileswo-ke naxaniseka ha swone; kambe anina tingana hikusa nitiva lweyi nipfumeliki ku yene, nidumba leswaku ana ni ntamu wa kubekisa leswi nibekiki ku yene, kukota kutlhasa ledro siku.

II Tmt 1:18

A Hosi ayimunyiki hi siku ledriya, leswaku a kuma vumbilu ku Hosi. Nakone wene wa switiva ngopfu kutlula mine, leswaku mintiro mingani aniyentxeliki le Efesa.

II Tmt 4:8

Kutani swoswi nibekeliwa ngiyana ya kululama, leyi Hosi a muyavanyisi lweyi wa kululama, yitakaninyika asikwini ledro; a nge mine swanga vatahananiwa hinkwavu lava valaviselaka kubuya kwake.

I Ptr 2:9

Kambe n'wine lixaka dra kuhlawuliwa, vuprista bya vuhosi, tiko drakuhlawuleka, xitrhungu xilumbaka ntsena Xikwembu Nkulukumba, akuva n'witivisa a vunene bya lweyi an'wivitaniki amunyameni, an'witisa alivaningweni drakwe dra kuhlamalisa;