II Tmt 3:8 - Testamente Ledrimpswha ni Mapsalma

⁸ Swanga hileswi Yani na Yambre vanga kanetana na Moxe, vatanu na vo vhanu lavo, vatiyentxa vakaneti vaxihlayelamfuri, vanga vhanu lava vaboliki kuyanakanyeni kwavu, lava vakuka ndlela kupfumeleni;

II Tmt 3:8 ပူးပေါင်းရင်းမြစ်များ

Mintiro Ya Vapostola 15:24

Leswi hitiviki leswaku van'we va-kweru vatitan'wiganaganekisa hi maritu, van'wiyentxela ni mpfilu-mpfilu amimoyeni, na hine hingavapfumelelanga;

Rm 1:28

Na swone leswi vatrikiki kutiva Xikwembu Nkulukumba, xiswoswo Xikwembu Nkulukumba avanyikeli avutlharini bya kuhomboloka, akuva vayentxa leswi faka swingafanekeli.

Rm 16:18

hikusa volavu avatireli Kriste Hosi yeru, kambe, ina votirela makhuri yavu. Hi maritu yavu lawa ya hombe ni hi kukutxa, vakanganyisa vhanu lava vangeke na rengu.

Ef 4:14

akuva hingahatami hiva swanga vatrongwana, lava vapfilunganyisiwaka vayisiwaka hala-ni-hala, hi tekiwaka hi timheho hinkwatu ta tidondro, hi kukanganyisiwa hi vhanu, hi marengu lawa vama nhingenisaka ya kuyisa mhunu ku honeni.

I Tmt 1:19

na uni kupfumela ni lipfalu ledri drinene, ledri van'wana vangadridrela kutani vambombeliwa hi kupfumela kwavu.

I Tmt 4:2

hi mandrendre ya vahlayi va madrimi, lava a vanonon'whisiki a lipfalu dravu,

I Tmt 6:5

ni kuvulavulisana ka kuka kungagami, ka vhanu va miyanakanyu ya kusomboloka, lava vatipfumalisiki a xihlayelamfuri, vapimisaka leswaku a vukhongoti i bindru.

II Tmt 4:15

Tivonele ku yene hikusa ayalisi ngopfu maritu yeru.

Tito 1:10

Hikuva kuna vanyingi lava vakutiyalisa, vakhaneli va swakuka-ndlela ni vakanganyisi, ngopfu-ngopfu lava vapfaka ku lava va kusoka,

Tito 1:16

Vone vali vamutiva Xikwembu Nkulukumba, na kasi vamulandrula hi mintiro yavu. I vamfani ni vakutiyalisa, vangakotikiki ntxhumu amintirweni hinkwayu leminene.

II Ptr 2:14

Amahlu yavu matali hi vuwoswi lawa mangatrikiki kudoha, vareya mimoya leyi mingatiyangakiki vani timbilu leti titaliki hikurandra vufuyi. I vhanu lava varuketeliwiki.

I Yhn 2:18

Vana vanga, a nkama wa vugamu hi wolowu, swanga hileswi n'wiswiyingeliki leswaku a Nala wa Kriste (anti-kriste) atata, ni swoswi vunyingi bya valala va Kriste(va antikriste) vahumelela; hikola ka leswo haswitiva leswaku hiwolowu nkama wa vugamu.

I Yhn 4:1

Varandriwa, n'winga pfumeleni ku mimoya hinkwayu; kambe kambisisani kusungula leswaku i mimoya ya Xikwembu Nkulukumba hi xihlayelamfuri, hikusa kuni vaprofeta vanyingi vamadrimi vahangalakiki misaveni.

Mpfuletelo 2:20

Kambe nini xisolo ku wene hi leswi utrikaka Jezabele, a wansati lweyi atihlayaka leswaku i muprofeta, adondrisa ava akanganyisa a malandra yanga akuva mayentxa vumbuye, ni kuda leswi switlhaveliwiki swikwembu swakuka-ndlela.

Mpfuletelo 2:6

Kambe kuni leswi swikuseketelaka: hileswaku uvenga a mintiro ya va-Nekolayiti, leyi na mine nimivengaka.