II Tmt 3:5 - Testamente Ledrimpswha ni Mapsalma

⁵ lava vangani xiyimu xa vukhongoti kasi valandruli ntamu wa byone; trhindreka kule ni vhanu lavo.

II Tmt 3:5 ပူးပေါင်းရင်းမြစ်များ

Mt 7:15

Tivonelani ku vaprofeta va madrimi, lava vataka ku n'wine na vayambali swanga tihamba, kambe hi le ndreni i mahava lawa mahahlulaka.

Ef 4:14

akuva hingahatami hiva swanga vatrongwana, lava vapfilunganyisiwaka vayisiwaka hala-ni-hala, hi tekiwaka hi timheho hinkwatu ta tidondro, hi kukanganyisiwa hi vhanu, hi marengu lawa vama nhingenisaka ya kuyisa mhunu ku honeni.

II Tsl 3:14

Loko wakukari angayingiseti swileleto leswi hi n'winyikaka ku papela ledri, lavisisani leswaku n'wikhanelisana ni lweyi wakuyini, n'winga hanyisaneni na yene akuva atakhomiwa hi tingana.

II Tsl 3:6

Vamakweru hidjula kun'wileleta hi vito dra Hosi yeru Yesu Kriste, leswaku n'witravukana ni hinkwavu vamakweru lava vahanyaka na vangayentxi ntxhumu, na vangalandrikiki tidondro teru ni swihila leswi vaswiyamukeliki ku hine.

I Tmt 4:7

kambe yala a swihitana leswi swingafambelaniki ni vupfumeli, leswi mfuri swingahapfuniki ntxhumu, utinyiketela antirweni wa vukhongoti.

I Tmt 4:8

Hikusa a kutinyiketela antirweni wa miri swipfuna kutrongo, kambe a ntiro wa vukhongoti wapfuna ku hinkwaswu, na kone wuni xidumbiso xa vutomi bya swoswi ni bya nkama lowu wutaka.

I Tmt 5:8

Kambe loko mhunu angalondrisi a va le kwake, ngopfu-ngopfu ku vandangu wakwe, lweyo alandruli khale a vupfumeli, mfuri atlula ni lweyi angalikinakupfumela.

I Tmt 6:5

ni kuvulavulisana ka kuka kungagami, ka vhanu va miyanakanyu ya kusomboloka, lava vatipfumalisiki a xihlayelamfuri, vapimisaka leswaku a vukhongoti i bindru.

II Tmt 2:16

Kambe tingawula maritu lawa yakusandra ya kuka ndlela, hikuva lava vahlayaka swone vatayengetela akuka vangapfumeli.

II Tmt 2:23

Tivonele a swivutisweni swavusinge leswi swingadondrisikiki ntxhumu, uswitivaka leswaku swivanga kulwa.

Tito 1:16

Vone vali vamutiva Xikwembu Nkulukumba, na kasi vamulandrula hi mintiro yavu. I vamfani ni vakutiyalisa, vangakotikiki ntxhumu amintirweni hinkwayu leminene.

Tito 3:10

A mhunu lweyi arandraka a kuvanga a mintlawa, mutshinyi kan'we kumbe kubiri, ntrhaku mutravuxe,