II Tmt 2:25 - Testamente Ledrimpswha ni Mapsalma

²⁵ A dondrisa avakaneti vakwe hi kunabyala akuva kumbe xana Xikwembu Nkulukumba angavanyika kundruluka, vativa ni xihlayelamfuri,

II Tmt 2:25 ပူးပေါင်းရင်းမြစ်များ

Mt 11:29

Tibyatrhelani a mpinga wanga, n'wiva n'widondra ku mine, hikusa ni wa kurula ni wa mbilu ya kutitrongohata. N'witakuma kuwisa amimoyeni yenu;

Mt 21:32

Hikusa Yohana ati ku n'wine hi ndlela ya vululami, kambe an'wipfumelanga ku yene. Kambe a vahlengisi ni vavasati va vumbuye vapfumelile. N'wine kambe nambi leswi n'wiswivoniki, an'windrulukanga akuva n'wipfumela ku yene.

Marka 1:15

A nkama wuhetisekile, a Mfumu wa Xikwembu Nkulukumba wutlhasile. Xileswo ndrulukani n'wipfumela ku Ivangeli.

Yohana 5:34

Aniyamukeli hi vumboni lebyi byihumaka ku mhunu, kambe nihlaya timhaka leti akuva n'witahuluxiwa.

Mintiro Ya Vapostola 11:18

Vone kambe, loko vayingeli timhaka leto, vahangarula, vadrumisa Xikwembu Nkulukumba, vaku: Kasi, Xikwembu Nkulukumba anyiki na vone va-Matiko akuva vandruluka vakuma vutomi!

Mintiro Ya Vapostola 2:38

Petrosi avayangula aku: Ndrulukani, mun'wana-ni-mun'wana ababatisiwa avitweni dra Yesu Kriste, akuva n'witadrivaleliwa a swidoho swenu, kutani n'witayamukela nyiko ya Moya wa Kuxwenga.

Mintiro Ya Vapostola 20:21

na nitiyisa mahlweni ka va-Yuda ni le ku va-Girika a kundrulukela ku Xikwembu Nkulukumba ni kupfumela ku Hosi yeru Yesu Kriste.

Mintiro Ya Vapostola 5:21

Vaswiyingeliki, vahangavindruka, vayanhingena a Tempeleni, vadondrisa. Kambe a muprista lwenkulu kun'we ni lava avali na yene, vaku vatlhasa, vahlengeleta huvu ni vakulu hinkwavu va vana va Israyele, varuma vhanu abohelwini kuya buyisa a vapostola.

Mintiro Ya Vapostola 5:31

Kambe yelweyo, Xikwembu Nkulukumba amutlakuxelile axineneni xakwe, ava Hosi ni Muhuluxi, atanyika Israyele akuva andruluka ava adrivaleliwa swidoho swake.

Mintiro Ya Vapostola 8:22

Ndruluka, avubihini byaku, ukhongota ku Hosi, kumbe xana utadrivaleliwa, akuyanakanyeni loku ka mbilu yaku.

Gl 6:1

Vamakweru, loko mhunu akumiwa na e nandrwini, n'wine lava vanga va Moya, mululamisani hi Moya lowu wa kunabyala, na utivonela ungatidringiwa na wene.

I Tmt 2:4

Lweyi adjulaka leswaku vhanu hinkwavu vahuluxiwa, ni leswaku vatlhasa akutiveni ka xihlayelamfuri.

I Tmt 6:11

Kambe wene, mhunu wa Xikwembu Nkulukumba, tingawula a mintxhumu yoleyo; uva udjuletela a kululama, ni vukhongoti, ni vupfumeli, ni lirandru, ni kutiyisela, ni kunabyala.

II Tmt 3:7

Volavo vadondra minkama hinkwayu, kambe avatlhasi akutiveni ka xihlayelamfuri.

Tito 1:1

Mine Pawulosi nandra wa Xikwembu Nkulukumba ni mupostola wa Kriste Yesu, hi kulandra a ntiro wa kupfumela ka vahlawuliwa va Xikwembu Nkulukumba ni kutiva a xihlayelamfuri lexi xifambelanaka ni vukhongoti,

Tito 3:2

vangalumbeti mhunu, vava vhanu va kurula, varandri va hinkwavu, vakombisa kunabyala hinkwaku ku vhanu hinkwavu.

Yakobe 1:17

Akuhanana hinkwaku loko ka hombe ni nyiko hinkwayu leyi ya kuhetiseka, swipfa henhla-henhla, swipfa ku Tatana, nhlovo ya livaningo hinkwadru. Ku yene akuna kundruluka nambi ntrhuti ni wun'we wa kundruluka.

I Ptr 3:15

kambe xwengisani Kriste, swanga Hosi, atimbilwini tenu, n'witrhama na n'witibekiselile minkama hinkwayu a kutiyangulela ku mani-na-mani lweyi atakatxhuka an'wivutisa xa ntxhumu mayelano ni kulavisela loko kunga ku n'wine;

I Yhn 5:16

Loko mhunu avona makwavu ayentxa xidoho, xidoho lexi xingayisiki kufeni, afanela kukhongota ku Xikwembu Nkulukumba, kutani Xikwembu Nkulukumba atanyika vutomi lava vangayentxiki xidoho lexi xiyisaka kufeni, kuni xidoho lexi xiyisaka kufeni, na kone, hi xidoho lexo, anihlayi leswaku afanela kukhongota.