II Tmt 2:14 - Testamente Ledrimpswha ni Mapsalma

¹⁴ Valeleti hinkwavu a mintxhumu leyi. Ubeka vumboni mahlweni ya Xikwembu Nkulukumba, akuva vangatilwisana hi maritu, leswingapfunikiki ntxhumu, swakuhambukisa lava vaswiyingelaka.

II Tmt 2:14 ပူးပေါင်းရင်းမြစ်များ

Mt 16:26

Switapfuna yini ku mhunu a kufuya misava hinkwayu, kambe alahlekeliwa hi vutomi byake? Kumbe xana a mhunu atahumexa yini kuva axava a vutomi byake?

Mintiro Ya Vapostola 13:10

kutani aku ku yene: Wene, wa muhembi, mubihi, n'wana Diyavulosi, nala wa hinkwaswu leswi swilulamiki. Xana hikola kayini ungatriki kusombolokisa a tindlela ta kululama ta Hosi?

Mintiro Ya Vapostola 15:24

Leswi hitiviki leswaku van'we va-kweru vatitan'wiganaganekisa hi maritu, van'wiyentxela ni mpfilu-mpfilu amimoyeni, na hine hingavapfumelelanga;

Rm 14:1

Yamukelanani hi vunene lweyi wa kutrana akupfumeleni kwake, na n'winga kanetani na yene hinkonta ya timhaka.

Gl 1:7

Ahi leswaku yi kone yin'wana Ivangeli, kambe hileswaku kuni van'wana vhanu van'wipfilunganisaka, vadjula kun'windrulutela Ivangeli ya Kriste.

Ef 4:17

Hikolahu ka leswi, na n'wibyela, ni kutiyisa aHosini leswaku, n'wingaha fambeni swanga hi va-Matiko, a miyanakan'wini yavu ya kuka-ndlela.

I Tsl 4:1

A vugan'wini vamakweru, ha n'wikombela ni kun'witratriya ku Hosi Yesu leswaku, swanga hileswi n'wiyamukeliki ha hine leswi n'wifanekelaka kufambisa xiswone akuva n'witatrhavisa Xikwembu Nkulukumba, fambisani xiswoswo, akuva n'wiya mahlweni hi kuyandra ngopfu.

II Tsl 3:6

Vamakweru hidjula kun'wileleta hi vito dra Hosi yeru Yesu Kriste, leswaku n'witravukana ni hinkwavu vamakweru lava vahanyaka na vangayentxi ntxhumu, na vangalandrikiki tidondro teru ni swihila leswi vaswiyamukeliki ku hine.

I Tmt 1:4

ni leswaku vangayingiseti swihitana ni milongoloko leyi mingagamiki ya swiloso swa tinxaka, leswi vangaka timholova, matrhan'wini ya kukombisa a makungu ya Xikwembu Nkulukumba, mafambelanaka ni kupfumela.

I Tmt 1:6

leswi van'we vatravukaniki na swone, vahambukela amaritwini ya kuka-ndlela,

I Tmt 4:8

Hikusa a kutinyiketela antirweni wa miri swipfuna kutrongo, kambe a ntiro wa vukhongoti wapfuna ku hinkwaswu, na kone wuni xidumbiso xa vutomi bya swoswi ni bya nkama lowu wutaka.

I Tmt 5:21

Nikuleleta hi ntamu, mahlweni ka Xikwembu Nkulukumba ni le ku Hosi Yesu Kriste, ni le ku tintrumi leti tihlawuliwiki, leswaku ubekisa a swileleto leswi, ungarangisi swiyavanyiso swa magugu, ungayentxi ntxhumu hi xihlawu-hlawu.

I Tmt 6:13

Nakutratriya amahlweni ka Xikwembu Nkulukumba lweyi ahanyisaka hinkwaswu, ni le ku Kriste Yesu, lweyi amahlweni ka Ponciu Pilatu, abekiki a vumboni bya kutihlaya loku kunene,

II Tmt 1:6

Hileswo-ke, ni kudrimuxa leswaku upfuxa nyiko ya Xikwembu Nkulukumba leyi yinga ku wene hi kutlhantekiwa ka mavoko yanga.

II Tmt 2:16

Kambe tingawula maritu lawa yakusandra ya kuka ndlela, hikuva lava vahlayaka swone vatayengetela akuka vangapfumeli.

II Tmt 2:23

Tivonele a swivutisweni swavusinge leswi swingadondrisikiki ntxhumu, uswitivaka leswaku swivanga kulwa.

II Tmt 4:1

Amahlweni ka Xikwembu Nkulukumba ni ka Kriste Yesu, lweyi atakayavanyisa lava vahanyaka ni lava vafiki, hi vito dra kuvoneka kwake ni hi Mfumu wakwe; nakukombela nili:

Tito 3:1

Vadrimuxe leswaku vatibeka hansi ka vafumi ni tindruna; leswaku vavayingiseta ni leswaku vatrhama na vatilulamiseli a kutira mintiro le minene;

Va-Heberu 13:9

N'winga kokiwe hi tidondro ta tinxaka-xaka, ni ta vambe, hikusa i swinene loko mbilu yitiyisiwa hi timpswalu, na kunge hi swakuda swavunandri, leswi swingatiki pfuna ntxhumu ku lava vatinyiketaka ku swone.

II Ptr 1:13

Nambi swili tanu, na nahali kola antrongeni, nipimisa leswaku swilulamile kun'wikawuka hi swidrimuxo leswi,