II Tmt 1:8 - Testamente Ledrimpswha ni Mapsalma

⁸ Hileswo-ke ungave ni tingana hi vumboni bya Hosi yeru, nambi kakuva ha mine, ninga mubohiwa wa yone; kambe yingela kuvaviseka kun'we na mine, a Ivhangeleni leyinene, hi ntamu wa Xikwembu Nkulukumba;

II Tmt 1:8 ပူးပေါင်းရင်းမြစ်များ

Marka 8:38

A mhunu lweyi atakavani tingana ha mine ni maritu yanga amakari ka lixaka dra kusandra, ni dra kudoha, a N'wana wa Mhunu na yene atava ni tingana ha yene, a siku atakabuya hi kuphatima ka Tatana wakwe, kun'we ni swirun'wa leswi swakuxwenga.

Lk 9:26

Lweyi atakavani tingana ha mine ni hi maritu yanga, na yene N'wana wa Mhunu atava ni tingana ha yene, loko atabuya hi kuphatima kwake ni kuphatima ka Tatana wakwe, ni ka tintrumi ta kuhlawuleka.

Yohana 15:27

Na n'wine n'witahamba vumboni hikusa n'witrhama na mine kusukela akusunguleni.

Yohana 19:35

Lebyi i vumboni bya lweyi aswivoniki; byibekeliwaka leswaku na n'wine n'witakupfumela. A vumboni byake byitiyile, na yene awaswitiva leswaku ahlayelamfuri.

Mintiro Ya Vapostola 5:41

A vapostola vahuma, hubyini na vatrhavi ngopfu, hi kuva vakumi mfanelo ya kuxanisiwa hinkonta ya vito dra Yesu.

Rm 1:16

Aninatingana hi Ivangeli ya Kriste. Hikusa kunene hi wone ntamu wa Xikwembu Nkulukumba wa kuhanyisa hinkwavu lava pfumelaka, kusungula a va-Yuda ni va-Matiko.

Rm 16:25

I Xikwembu Nkulukumba lweyi angaswikotaka a kun'wiyentxa n'witiya kupfumeleni, kufambelana ni Ivangeli leyi niyitivisiki ni hi ritu dra Kriste, swanga hi leswi hi nyikiwiki kutiva kungu dra matilo dra huluxo. A kungu ledro, dri fihliwiki kehe ku minkama hinkwayu,

Rm 8:36

Swanga hi leswi kutraliwiki: Hinyiketiwi ku dlayiweni hinkonta yaku masiku hinkwawu. Vahiyentxisa swanga tihamba leti yisiwaka kutlhabyiweni.

Rm 9:33

swanga hi leswi kutraliwiki: Nibeka ribye a Siyoni ledri drikhunguvanyisaka ni kuwisana; Kambe lweyi a pfumelaka ku drone angavi na tingana.

I Kor 1:6

swanga hi leswi a vumboni bya Kriste byitiyisiwiki ku n'wine,

II Kor 6:7

aritwini dra xihlayelamfuri, antan'wini wa Xikwembu Nkulukumba, nihi matlhari ya kululama, kungava kutimpfekela kumbe kulweni.

Ef 3:1

Hikola ka leswo mine Pawulosi, ni bohiwiki, hinkonta ya kupfumela kwanga ku Kriste Yesu, ni bohiwile hinkonta ya bindru drenu va-Matiko.

Ef 3:13

Hikolahu nin'wikombela n'winga tikarati hi tinxanisa leti ni taka hundra hi le kutone, hinkonta yenu. Leswo swifanela kuva mhaka yenu ya lisima.

Ef 4:1

Hileswo-ke na n'wikombela, mine mubohiwa Hosini, leswaku n'wifamba hi laha swifanekelaka ku vitaniwa loku n'wivitaniwiki ha kone;

Ef 4:17

Hikolahu ka leswi, na n'wibyela, ni kutiyisa aHosini leswaku, n'wingaha fambeni swanga hi va-Matiko, a miyanakan'wini yavu ya kuka-ndlela.

Va-le-Filipiya 1:7

Mfuri swilulamile leswaku ni n'wiyanakanya swoswi n'wine hinkwenu; hikusa ni na n'wine hinkwenu ambilwini, angava kubohiweni, nambi kutimpfekeleni ni kutiyiseni ka Ivangeli, na kone n'wivayaveliwa-kun'we na mine atimpswalu.

Va-le-Filipiya 3:10

akuva nitiva ni ntamu wa kupfuka kwake, ni kutlhangana atinxaniseni, ni ndrulutiwa hi kufana ni kufa kwake;

Va-le-Filipiya 4:13

Ningaswikota ku hinkwaswu ku lweyi anitiyisaka.

Va-le-Kolosa 1:11

n'witiyisiwa hi kutiya hinkwaku, hikola ka ntamu wakutwala kwake, akutiyiseleni hinkwaku n'wilehisa mbilu ni kutrhava.

Va-le-Kolosa 1:24

Swoswi na nyoxa a mahlomulweni yanga hinkonta yenu, ni hetisisa leswi swisaliki swaku kuxaniseka ka Kriste hinkonta ya miri yake, inga Kereke.

I Tsl 3:4

A nkama afaka hili halanu, afa han'wibyelile leswaku hifaneli kuxanisiwa. Naswihumelelile, swanga hi leswi n'wiswitivaka.

I Tmt 2:6

lweyi atinyiketiki, ava xitirulo hinkonta ya hinkwavu, byili vumboni aminkameni leyi mifanekeliki;

II Tmt 1:10

a tivonekisiki swoswi, hi kuvoneka ka Muhuluxi weru Kriste Yesu, lweyi ahelisiki kufa, avonekisa vutomi ni kuhanya loku kungahelikiki hi Ivangeli,

II Tmt 1:12

Hileswo-ke naxaniseka ha swone; kambe anina tingana hikusa nitiva lweyi nipfumeliki ku yene, nidumba leswaku ana ni ntamu wa kubekisa leswi nibekiki ku yene, kukota kutlhasa ledro siku.

II Tmt 1:16

Aan'winyiki Xikwembu Nkulukumba a vumbilu byake ku ndangu wa Onesiforo, hikusa ha kanyingi animbuweteliki angavanga na tingana ha mine hikuva mine ni bohiwile.

II Tmt 2:3

Xaniseka kun'we na mine swanga hi musotxha lweyi munene wa Kriste Yesu.

II Tmt 2:8

Drimuka Yesu Kriste, lwanga pfuka kufeni, wa lixaka dra Davida, hilaha nihlayaka ha kone a Ivhangeleni yanga,

II Tmt 2:9

Ivangeli leyi ni bohiwiki ha yone swanga ni nsulavoya; kambe a ritu dra Xikwembu Nkulukumba drone adri bohiwanga.

II Tmt 4:17

Kambe Hosi yaniyimelelile, yininyiki ntamu, akuva akurera kwanga ka Ivangeli kuhetiseka ku mine, lava vangeke vakhongoti hinkwavu vakota kuniyingela masiku hinkwawu, nive nihuluxiwa non'wini wa ndrawu.

II Tmt 4:5

Kambe wene hiteka atimhakeni hinkwatu, ukhinyela kuxanisekeni, uyentxa ntiro wa mureri wa Ivangeli, uhetisisa a vutireli byaku.

I Ptr 1:5

n'wine lava hikola ka vupfumeli n'wibekisiwaka hi ntamu wa Xikwembu Nkulukumba akuva n'wikuma a huluxu, ledri drilulameliki kutivonekisa ankameni wa vugamu.

I Yhn 4:14

Hine hiswivonile kutani hinyika vumboni bya leswaku Tatana arumi N'wana wakwe akuva Muhuluxi wa misava.

Yd 1:24

Ke, Yene lweyi anganintamu wa kun'wibekisa kuswikhunguvanyiso, ni kun'wiyimisa mahlweni ka kuphatima kwake hikutrhava na mingena nandru,

Mpfuletelo 1:2

lweyi avikini kutiyisa ku ritu dra Xikwembu Nkulukumba ni ku vumboni bya Yesu Kriste, mayelano ni hinkwaswu leswi yene aswivoniki.

Mpfuletelo 1:9

Mine Yohana, makwenu ni muhlengeli na n'wine akuxanisiweni, ni le Mfun'wini, ni le kutiyiseleni loku kunga ku Kriste, nivi axihlaleni lexi xitxhuliwaka Patimosi, hinkonta ya ritu dra Xikwembu Nkulukumba, ni vumboni bya Yesu.

Mpfuletelo 12:11

Kutani vone vamuhlulile hi ngati ya Hambana, ni vumboni bya ritu dravu avayalanga kunyiketa vutomi byavu kuyatlhasa kufeni.

Mpfuletelo 19:10

Kolahu ni wela minengeni ya yone akuva ni yigandrela, kambe yone yiku ku mine: Im'hi! Ungayentxi leswo! Mine ni nandra-kuloni ni wa vamakwenu lava vanga ni vumboni bya Yesu. Gandrela Xikwembu Nkulukumba. Hikuva a vumboni bya Yesu i Moya wa kurera kweru.