II Tmt 1:7 - Testamente Ledrimpswha ni Mapsalma

⁷ Hikusa Xikwembu Nkulukumba angahinyikanga moya wa vutoya, kambe wakuva wa ntamu, ni lirandru ni vutlhari.

II Tmt 1:7 ပူးပေါင်းရင်းမြစ်များ

Lk 10:19

Yingisetani! Nin'winyiki a ntamu wakukandretela tinyoka ni mibalana ni le henhla ka ntamu hinkwawu wa nala; akuna xa kuva xitaka n'wihona ha ntxhumu.

Lk 15:17

A kutiyanakanya aku: A vatalanga ha kone, vatiri va tatana, lava vaxuraka hi makati, na kasi mine halenu nafa hi ndlala.

Lk 24:49

Lavisani, nitan'wirumela leswi n'widumbisiwiki swone ha Tatana. N'wine trhamani kola Yerusalema, n'wikota n'wiyambexiwa ntamu wa le henhla.

Lk 8:35

A vhanu vahuma akuya vona leswi swihumeleliki. Loko vatlhasi lomu afaka kuna Yesu, vakuma a mhunu lweyi a mimoya mihumiki ku yene atrhamisi minengeni ya Yesu, na ayambalile, atlharihile; kutani vatxhava.

Yohana 14:27

Nin'wisiyela kurula, nin'winyika kurula kwanga. Anin'winyikisi xileswi misava minyikisaka xiswone. A timbilu tenu tingatxhuki tiganaganeka, tingatxhuki titxhava.

Mintiro Ya Vapostola 1:8

Ke, n'witanyikiwa ntamu loko a Moya wa Kuxwenga wutava wuxikeli ku n'wine, kutani n'witava timboni tanga la Yerusalema, ni le tikweni hinkwadru dra Yudeya, ni le Samariya, ni kuyatlhasa avugan'wini bya misava.

Mintiro Ya Vapostola 10:38

Yinga mhaka ya Yesu lweyi apfiki hi le Nazarete, leswaku Xikwembu Nkulukumba amutoti hi Moya wa Kuxwenga ni ntamu, atifambela na ayentxa leswi swinene, ahanyisa hinkwavu lava vakandreteliwiki hi Diyavulosi, hikusa Xikwembu Nkulukumba afa ali na Yene;

Mintiro Ya Vapostola 20:24

Kambe anitihlayeli ntxhumu hi vutomi byanga, aniyanakanyi leswaku byini lisima ku mine; nitakota kuheta a mpfhuka wanga ni ntiro, lowu niwuyamukeliki ku Hosi Yesu, wa kuva ni hambela vumboni Ivangeli ya timpswalu ta Xikwembu Nkulukumba.

Mintiro Ya Vapostola 21:13

Kolahu Pawulosi ayangula aku: Xana n'wiyentxa yini, n'widrila, n'witrhova a mbilu yanga? Hikusa mine anitibekiselanga kubohiwa ntsena, kambe ni kufa a Yerusalema hi vito dra Hosi Yesu.

Mintiro Ya Vapostola 26:11

Amasinagogeni hinkwawu, ni vaxanisi ha kanyingi, nivasindrisa akuva vasandra vupfumeli byavu. Nivahlundrukela ngopfu, nivahlongola kuyatlhasa mitini ya va-Matiko.

Mintiro Ya Vapostola 26:25

Pawulosi aku: Anihungukanga, we Festu, mufumi wa kutxhaviseka. Kambe nikuhlaya a maritu ya xihlayelamfuri ni ya vutlhari.

Mintiro Ya Vapostola 6:8

Stefano, lweyi ataliki hi timpswalu ni ntamu, afa ayentxa mahlolana ni swikombiso amakari ka tiko.

Mintiro Ya Vapostola 9:22

Kambe Saulo afa akhinyela na ayengeteleka ntamu, akaneta va-Yuda lava afaka vatrhama Damaseka, na avakholwisa leswaku Yesu i Kriste.

Rm 5:5

Swatwala, akulavisela akuvangi tingana, hikuva alirandru dra Xikwembu Nkulukumba dritxheleteliwile atimbilwini teru, hi Moya wa Kuxwenga lowu hinyikiwiki wone.

Rm 8:15

Hikusa an'wiyamukelanga Moya wa vukarawa, akuva n'wihanya na n'witxhava, kambe n'wiyamukeli a Moya wakuhlayiwa leswaku n'wi vana, lowu ha wone hi bandlukanaka: Abba, swidjulaka kuhlaya leswaku Tatana.

I Kor 2:4

na kone a ritu dranga ni kurera kwanga, aswavanga swa maritu ya vutlhari bya kukholwisa, kambe kuvi kukombisa ka ntamu wa Moya,

Gl 5:22

Kambe amihandru ya Moya, i lirandru, ni kutrhava, ni kurula ni kutiyisela, ni kutrhavelana ni vunene, kudumbeka, kunabyala ni kutikhoma

Va-le-Kolosa 1:8

Lweyi angahibyela hi swa lirandru drenu n'wingana drone, amoyeni.

Va-Heberu 2:15

Nikuva atantrhunxa hinkwavu lava vabohiwiki, afaka vali hansi ka vukarawa a kuhanyeni kwavu hinkwaku, hinkonta ya kutxhava kufa.

I Ptr 1:22

Leswi n'wibasisiki a mahika yenu akuyingiseteni ka xihlayelamfuri, akuva n'wivani lirandru dra xikwavu, ledri dringalikina kukanganyisa, khinyelani a kurandraneni van'we ku van'wana, hi mbilu leyi yi basiki;

I Yhn 4:18

Alirandrwini akuna kutxhava, kambe alirandru dra xihlayelamfuri dritxukumeta kutxhava kule; kone avutoya byivanga kukhatisiwa, lweyi angani vutoya anga hetisekisiwanga lirandrwini.