3 Ni tlangela Xikwembu Nkulukumba lweyi ni mutirelaka swanga hi vakokwana vanga, hi lipfalu ledri dribasiki; na kone anikaluti kukudrimuka aswikhongotweni swanga vusiku ni nhlikanhi.
Kutani afaka ali mufelwa, wa malembe lawa madjulaka kuva ya ntlhanu wa makume na makume mararu na mune (84), afa angasuki aNdlwini ya Hosi, na atirela Hosi hi kutitrona ni kukhongota vusiku ni nhlikanhi.
Ni mu-Yuda mine, nibelekiwiki a Tarso wa Kilikiya, kambe niwundliwi amutini lowu, niva nidondrisiwa aminengeni ya Gamaliyele a kutivisisa swinene a Nawu wa vatatana veru; afaka nikhinyelela Xikwembu Nkulukumba, kumutirela swanga ha n'wine leswi n'winga swone namuhla.
Kambe nitatihlayela leswi ku wene: Mine nitirela Xikwembu Nkulukumba wa vatatana veru hi kulandra Ndlela leyi yimpswha, leyi valiki i dondronyana ya kuhambuka, na nipfumelaka ku hinkwaswu leswi swifambelanaka ni Nawu (wa Moxe), swikumekaka ni le ku vaprofeta,
Hi tlhelo dra vutomi byanga, leswi nihanyisiki xi swone kusukela a vutrongwanini, a Yerusalema, ni le tikweni dra le kweru hinkwadru, hinkwavu va-Yuda vaswitiva.
Hikusa a lidrumo dreru drakuva vumboni bya lipfalu dreru, leswaku hi fambisiwi misaveni, hi vunene ni xihlayelamfuri xa Xikwembu Nkulukumba, akavanga hi vutivi bya vumhunu, kambe a timpswalwini ta Xikwembu Nkulukumba, mfuri ngopfu ku n'wine.
Kambe a nkongometo wa leleto i lirandru, ledri dripfaka ambilwini leyi yibasiki, ni le lipfalwini ledri nene, ni le kupfumeleni loku kungalikina kukanganyisa,
Hikusa a wansati lweyi anga mufelwa hi xihlayelamfuri, lweyi asaliki vuswake, alavisela ku Xikwembu Nkulukumba, atiyisela amikombelweni ni le swikhongotweni, vusiku ni nhlikanhi;
hi kukumbuka kupfumela kwaku loku ngeke na kukanganyisa, loku afaka ali naku kokwana waku Loyide kusunguleni, ni mamana waku Ewunice, ni nikudumba leswaku unaku na wene.
Ni leswaku wa mativi nawehentrongo, a Matralwa ya Kuxwenga, lawa manga ni ntamu waku kutlharihisa, ukota uhuluxiwa hi kupfumela loku kunga ku Kriste Yesu.