II Ptr 3:7 - Testamente Ledrimpswha ni Mapsalma

⁷ Kambe hi ritu droledro a matilo ni misava swibekisiweli ndrilo, swibekisiweli a siku drakuyavanyisa ni kusuvisa vhanu vavabihi.

II Ptr 3:7 ပူးပေါင်းရင်းမြစ်များ

Mt 10:15

Nihlayelamfuri nili ku n'wine, hi siku dra kuyavanyisa a kukhatisa kutavevuka ku tiko dra Sodoma na Gomora kutlula muti lowo.

Mt 11:22

Nambi swili tanu, nan'wibyela, nili: Asikwini dra yavanyiso kutavevukeliwa Tiri na Sidoni kutlula n'wine.

Mt 11:24

Kambe nan'wibyela leswaku: hi siku dra yavanyiso kutavevukeliwa Sodoma kutlula wene.

Mt 12:36

Kambe nan'wibyela nili: A ritu hinkwadru dra kuka-ndlela ledri a vhanu vatakahlaya drone, vatatiyangulela hikola ka drone hi siku dra kuyavanyisa.

Mt 24:35

A tilo ni misava switahundra, kambe a maritu yanga mangaka mangahundri.

Mt 25:41

Kutani a HOSI yitabyela lava vanga ximantrhini yiku: Sukani ku mine, n'wine lava varuketeliwiki; fambani n'wiya ndrilweni lowu wungatimekikiki, lowu wubekiseliwiki Diyavulosi ni tintrumi takwe.

Marka 6:11

Nakone loko ku mun'we mbangu vayala a kun'wiyamukela ni kun'wiyingiseta, sukani kone n'wiphumuna a ntrhuri lowu wunga minengeni yenu, swanga xitiviso ku vone.

Yohana 12:48

Lweyi anifularelaka, ava angayamukeli maritu yanga, ani lweyi amuyavanyisaka; a maritu lawa nimahlayaka hi wone matakamuyavanyisa hi siku dra vugamu.

Rm 2:5

Kambe hinkonta yakunono'hwa kambilu yaku, leya kuka yingadjuli kundruluka. Hi swoleswo utihlengeletela nhlengo ya mahlundru a sikwini dra mahlundru ya kupfuleteleka ka tremo dra kululama dra Xikwembu Nkulukumba,

I Kor 3:13

a ntiro wa mun'wana-ni-mun'wana wutavoneka alivaleni; hikusa a siku ledro dritawuvonekisa, wuvonekisiwa hi ndrilo, a ndrilo lowu wutakakambisisa a ntiro wa mun'wana-ni-mun'wana leswaku i ntiro muni!

Va-le-Filipiya 1:28

N'wingavi ni vutoya ha ntxhumu hi lava valwaka na n'wine; leswo ku vone, kunene, i xikombiso xa kusuva, kambe ku n'wine, xiva xikombiso xa kuhuluka; leswi swipfa ku Xikwembu Nkulukumba.

II Tsl 2:3

n'winga trikeni mikanganyisiwa hi ntxhumu wa leswo. A siku ledro dringa tita loko kunga sina vani vupfukeli bya vugamu, nambi kunga sina humelela mupfukeli hi vumhunu, lweyi ahlawuleliweliki kulahleka.

I Tmt 6:9

Kambe lava vadjulaka a vupfundri, vawela andringweni ni le ntlhan'wini, ni le kunaveleni kunyingi ka vusinge, loku kuhonaka, loku kunyuvetaka a vhanu akusuveni ni le kuhohlokeni.

Va-Heberu 12:29

hikusa Xikwembu Nkulukumba weru i ndrilo lowu hohlotaka.

II Ptr 2:9

Hi xileswi, a Hosi ya swikota kuhuluxa valulami amindringweni, ni kubekisela vasomboloki xikhatiso xa siku drayavanyiso,

II Ptr 3:10

Kambe a siku dra Hosi dritlhasa swanga hi muyivi, hi siku ledro a matilo mata hundra hikudruma lokukulu, hinkwaswu swivumbiwa switapswha swihela, kutani a misava ni hinkwaswu leswinga kuyone, switahisiwa.

II Ptr 3:12

na n'wilavisela n'wiyimela a siku dra Xikwembu Nkulukumba, na n'witinyiketela leswaku drita hi kuhangwesa, hi siku ledro amatilo mataka hisiwa mahelisiwa ni swivumbiwa hinkwaswu switamunyetiwa hi ndrilo.

I Yhn 4:17

Xileswo a lirandru drihetisekisiwa ku hine, akuva hi siku drakuyavanyisa hitava ni kudumba, swanga hi leswi Yene angaswone, na hine hixiswoswo amisaveni leyi.

Yd 1:7

Swanga ha Sodoma na Gomora ni mimiti leyi afaka miyaki kusuhi, leyi mitinyiketele vuwosweni swanga ha yone, ni kulandra yimbeni, yone mibekeliwi akuva xifaniso xa ndrilo lowu wungahelikiki, hikola ka leswo miyamukeli xikhatiso xa ndrilo lowu wungahelikiki, minyiketiwa kukhatisiweni.

Mpfuletelo 17:11

A xihari xa kulebya lexi afaka xili xone xingeheke xone, hi yene, mufumi wa vuntlhanu na vuraru, i xiyenge xa lava vantlhanu na vabiri, lweyi ayaka kusuvisiweni.

Mpfuletelo 17:8

A xihari xa kulebya lexi uxivoniki afa xihanya, afa xili xone, kambe a hi xone, kutani xitahuma akheleni ledra kuyeta, xiya kusuveni. Lava vayakiki misaveni, lava a mavito yavu manga traliwangakiki abukwini dra vutomi kusukela akutumbulukeni ka misava, loko va xivona vatahlamala, leswi afaka xili xone kutani axehe xone, hanya, kambe xitatlhela xi humelela.

Mpfuletelo 20:11

Ntrhaku ni voni xiluvelo lexi xikulu xa kuphatima, ni lweyi afaka atrhami ku xone. A tilo ni misava switrutruma mahlweni ka vuso byake, akavanga ni mbangu ku vone.

Mpfuletelo 21:1

Kutani ni voni a tilo ledrimpswha ni misava leyi mimpswha. Hikusa a tilo dra kusungula ni misava ya kusungula swihundrile, ni likhulu dringehe kone.