II Ptr 2:14 - Testamente Ledrimpswha ni Mapsalma

¹⁴ Amahlu yavu matali hi vuwoswi lawa mangatrikiki kudoha, vareya mimoya leyi mingatiyangakiki vani timbilu leti titaliki hikurandra vufuyi. I vhanu lava varuketeliwiki.

II Ptr 2:14 ပူးပေါင်းရင်းမြစ်များ

Mt 12:34

Lixaka dra swipswhahla! N'wingaswikotisa kuyini akuhlaya mintxhumu leminene, kasi n'wine ha vuswenu n'wi vabihi? Hikusa mun'wana-ni-mun'wana, akhanela leswi anganaswu ambilwini.

Mt 23:14

Yowee, n'wine vatrali ni vafarisi va mandrendre! Hikuva n'wiphangaka a tiyindlu ta mafelwa, n'wititxhavelela hi kuhamba a swikhongoto swakuleha; hinkonta ya leswo n'witayamukela yavanyiso ledri drihundrisaka.]

Mt 25:41

Kutani a HOSI yitabyela lava vanga ximantrhini yiku: Sukani ku mine, n'wine lava varuketeliwiki; fambani n'wiya ndrilweni lowu wungatimekikiki, lowu wubekiseliwiki Diyavulosi ni tintrumi takwe.

Mt 5:28

Kambe mine nan'wibyela leswaku: Lweyi alavisaka a wansati hi kumunavela ayentxi vumbuye na yene ambilwini yake.

Marka 13:22

Hikusa kutahumelela lava vatihlayaka vaku mine ni Kriste, hi madrimi, ni profeta va madrimi vatakahamba ni swikombiso ni mahlolana, akuva vakanganyisa vahlawuliwa va Xikwembu Nkulukumba, loko swingakotekaka.

Yohana 5:44

Xana n'wingapfumelisa kuyini leswi n'wirandraka kutwalisana, n'wingadjuli kutwalisiwa loku pfaka ku Xikwembu Nkulukumba ha swake?

Rm 16:18

hikusa volavu avatireli Kriste Hosi yeru, kambe, ina votirela makhuri yavu. Hi maritu yavu lawa ya hombe ni hi kukutxa, vakanganyisa vhanu lava vangeke na rengu.

I Kor 11:19

Mfuri, swafanela akuva kuni kuhambana amakari kwenu, akuva kutavoneka lava vafanelaka a kukhensiwa.

Ef 2:3

Ku vone na hine hinkweru mfuri afa khale hi famba hi kunavela ka nyama yeru, hiyentxa kunavela ka nyama yeru ni miyanakanyu yeru. Hi ntumbuluku afa hili vana vamahlundru, swanga hi van'wana.

Ef 4:14

akuva hingahatami hiva swanga vatrongwana, lava vapfilunganyisiwaka vayisiwaka hala-ni-hala, hi tekiwaka hi timheho hinkwatu ta tidondro, hi kukanganyisiwa hi vhanu, hi marengu lawa vama nhingenisaka ya kuyisa mhunu ku honeni.

Va-le-Kolosa 2:18

N'wingatitriki, n'wiwutleliwa a hakelo hi vhanu lava tiyentxaka valandreleli kambe na vakhisamelaka ntrumi. A vhanu lavo vakaneta mintxhumu leyi vangiki mivona na vatitata hi kutikulisa hi miyanakanyu ya ntshima ya lirandru dravu.

Yakobe 1:8

hikusa i mhunu wa timbilu tibiri, lweyo angatiyangakiki atindleleni takwe hinkwatu.

II Ptr 2:18

Vavulavula maritu ya kutikulisa ni ya kuka ndlela, na matirela kunavela ka nyama, ni ka vuwoswani, vanga lava yisaka vhanu lava afaka vahatrutruma lava vahanyaka kuhoneni.

II Ptr 2:3

Kutani hikunavela kwavu, vatayentxa mabindru ha n'wine hi maritu ya kukanganyisa; kambe kusukela ka yavanyiso ledri vabekiseliwiki drone khale dringahlweli, ni kusuvisiwa kwavu kunga khutriyeli.

II Ptr 3:16

hi loko akhanela hi mintxhumu leyi, arandra kuswiyentxa kumapapela yake hinkwawu lawo kunga ni swin'we swakunonowha kuswiyingelisisa, leswaku lavanga dondrangakiki, ni lava vangatiyangakiki vaswindrulutelaka kulahlekeni kwavu, swanga heswi vayentxaka maritwini man'wana akuva vamambundrumuxa kunene.

I Yhn 2:16

hikusa hinkwaswu leswi swinga misaveni, akunavela ka nyama, ni kunavela ka mahlu ni kunavela ka nhlengwe, aswipfi ku Tatana, kambe swipfa misaveni.

Yd 1:11

Yowee ku vone! Hikusa vafambi hi ndlela ya ka Kayim, hikunavela hakelo, vatrutrumeli xihonweni xa Balaami, vasuvi akukaneteni ka Kora.

Mpfuletelo 12:9

Kutani kakutxukumetiwa a dragoni ledrikulu, a nyoka leyi ya khale, leyi vitaniwaka Diyavulosi na Sathana, lweyi a kanganyisaka misava hinkwayu. Yene ni tintrumi takwe vatxukumeteliwi misaveni.