II Ptr 1:21 - Testamente Ledrimpswha ni Mapsalma

²¹ Hikusa a kungiva ni vuprofeta ni byin'we byitivisiwiki hi kurandra ka vumhunu, kambe, a vhanu vakuhlawuleka vakhaneli na swipfa ku Xikwembu Nkulukumba, na vafambisiwa hi Moya wa Kuxwenga.

II Ptr 1:21 ပူးပေါင်းရင်းမြစ်များ

Marka 12:36

Yene Davida, hi ntshima yake, ahlayi hi kuhuhuteliwa hi Moya wa Kuxwenga aku: Xikwembu Nkulukumba ati ku Hosi yanga: Trhamisa avokweni dranga dra xinene, nikondra nibeka a valala vaku a hansi ka minkondro yaku.

Lk 1:70

Swanga hi leswi angakhanela hi nomu wa vaprofeta vakwe va kuhlawuleka, va minkama-ni-minkama ya khale:

Mintiro Ya Vapostola 1:16

Vamakweru, swifaneli leswaku kuhetiseka a Tralwa ledri a Moya wa Kuxwenga wungapfhumba ku drone hi nomu wa Davida, yinga mhaka ya Yudasi, lweyi angatiyentxa mukombi wa ndlela wa lava vakhomiki Yesu.

Mintiro Ya Vapostola 28:25

valela na vangayingelani, kutani Pawulosi ahlaya a ritu drin'we aku: A Moya wa Kuxwenga wu hlayelamfuri ku vatatana veru ha Ezaya muprofeta,

Mintiro Ya Vapostola 3:18

Kambe Xikwembu Nkulukumba ahetisisi xiswoswo leswi angaranga aswitivisa hi nomu wa vaprofeta; a kuxaniseka ka Kriste wakwe.

Va-Heberu 10:15

Kambe na wone Moya wa Kuxwenga wu hi bekela vumboni bya swone loko wute:

Va-Heberu 3:7

Hileswo-ke, swanga hi leswi Moya wa Kuxwenga wuhlayaka wuku: Namuhla loko n'wiyingela ritu drakwe,

Va-Heberu 9:8

A Moya wa Kuxwenga wu kombisa kolahu leswaku, a ndlela ya mbangu wa kuxwenga afa yinga si pfuliwa loko ntronga wa kusungula wuyimisiwile.

I Ptr 1:11

na vadjulisisa kutiva leswaku atava wini kumbe wa kuyini a nkama lowu a Moya wa Kriste, lowu afaka wuli ku vone wukongometa wone, na wutiyisa hi tlhelo dra tinxanisa leti afaka tikongoma Kriste, ni kuphatima loku afaka kutalandrela, ntrhaku ka leswo.

Mpfuletelo 19:10

Kolahu ni wela minengeni ya yone akuva ni yigandrela, kambe yone yiku ku mine: Im'hi! Ungayentxi leswo! Mine ni nandra-kuloni ni wa vamakwenu lava vanga ni vumboni bya Yesu. Gandrela Xikwembu Nkulukumba. Hikuva a vumboni bya Yesu i Moya wa kurera kweru.