II Kor 5:9 - Testamente Ledrimpswha ni Mapsalma

⁹ Hiswoswo-ke, na hine hitikarataka, leswaku nambi hili kuyindlu leyi, kumbe hirura ku yone, akuva hitrhavisa Hosi.

II Kor 5:9 ပူးပေါင်းရင်းမြစ်များ

Yohana 6:27

N'wingatireleni swakuda leswi swibolaka, kambe tirelani swakuda leswi swingabolikiki, swinga leswi swinyikaka vutomi lebyi byingahelikiki. Leswi i swakuda leswi N'wana wa mhunu atakan'winyika swone, hikusa hi yene lweyi Xikwembu Nkulukumba Tatana amufungiki.

Mintiro Ya Vapostola 10:35

Kambe a tikweni drin'wana ni drin'wana, lweyi amutxhavaka ni kutira swakululama, awayamukeleka ku Yene.

Rm 14:18

Lweyi atirelaka Kriste hi ndlela leyo, anyoxisa Xikwembu Nkulukumba na swini kuyamukeliwa hi vhanu.

Rm 14:8

Loko hi hanya hi hanyela Hosi, ni loko hi fa hi fela Hosi, hikolahu nambi kuli kuhanya nambi ku kufa hi va Hosi.

Rm 15:20

Nambi swilitanu ni tikaratile hi kutivisa ntsena a Ivangeli lomu Kriste afaka angasinatibyiwa, akuva ninga tiyaka ahenhla ka masungulo ya vambe.

I Kor 15:58

Hileswo-ke, vamakweru lava varandrekaka, tiyani n'wingatrekatreki, n'wivani nkhinkhi yikulu antirweni wa Hosi minkama hinkwayu, na n'witiva leswaku a ntiro wenu a Hosini ahi wa mahala.

II Kor 5:6

Hiswoswo hini kutiya ntamu minkama hinkwayu, na hitiva leswaku na haha hanya amirini, hi le kule ni Hosi;

II Kor 5:8

Kambe, hini kudumba Loku kukulu, hi navela ngopfu kurura amirini, hiya hanya ni Hosi.

Ef 1:6

Hakuva kudrumisiwa kuphatima ka timpswalu leti ahinyikiki tone, hi mahala ku Murandriwa wakwe.

Va-le-Kolosa 1:10

akuva n'wifamba hi kululama amahlweni ka Hosi, n'wimutrhavisa ku hinkwaswu, n'wibeka mihandru amintirweni hinkwayu leminene, na n'wikula akutiveni ka Xikwembu Nkulukumba;

Va-le-Kolosa 1:29

hikolahu ka leswo ni tiraka, na nilwa hikola ka ntamu wakwe wutiraka ku mine.

I Tsl 4:1

A vugan'wini vamakweru, ha n'wikombela ni kun'witratriya ku Hosi Yesu leswaku, swanga hileswi n'wiyamukeliki ha hine leswi n'wifanekelaka kufambisa xiswone akuva n'witatrhavisa Xikwembu Nkulukumba, fambisani xiswoswo, akuva n'wiya mahlweni hi kuyandra ngopfu.

I Tsl 4:11

Kutani djulisisani kuhanya hi kurula; na n'witira mintiro yenu, n'widjulisisa kutira hi mavoko yenu, swanga hi laha hin'wileletiki ha kone;

I Tmt 4:10

hi swoleswo-ke hitikaratelaka ni kulwela swone, hikuva hibeki a kulavisela kweru ku Xikwembu Nkulukumba lweyi ahanyaka, lweyi anga Muhuluxi wa vhanu hinkwavu, ngopfu-ngopfu wa vapfumeli.

Va-Heberu 12:28

Hileswo-ke, leswi hi yamukeliki mfumu lowu wungatrekatrekiki, hi fanekela kukhensa timpswalu, leti hitirelaka hi Xikwembu Nkulukumba ha tone, hi xitxhavu hinkwaxu;

Va-Heberu 4:11

Ahikhinyeleni-ke, akunhingeneni ni kuwiseni koloko, leswaku kungavina mun'we lweyi atakawa, hi kulandra ndlela yakuka kuyingiseta.

II Ptr 3:14

Hikola kaleswo varandriwa, leswi n'wahalaviselaka a siku ledro, khinyelani kuyentxa hinkwaswu akuva atan'wikuma hikurula na n'wingenabati mfuri na n'wingenakusoliwa.